2 Timothy 3
3
1ꞋEt njan tꞌeoononzin, ꞌet ꞌudekꞌez dzin whenghoh de, tube howa whútilnaꞌ. 2ꞋEt dune dichꞌoh kꞌenahutisiꞌ, sooniya ka dáhadatni, tsꞌiyantsuk whe hududíltiꞌ, ꞌuhududíltiꞌ, Yakꞌusda ꞌinkꞌez ooduneꞌne, buchꞌaz yahatilhduk, dudusneke cha kꞌúnulheꞌhutistꞌen, ꞌaw musi lhontiszin, ꞌinkꞌez Yakꞌusda ghudlohne cha hutileh. 3Dudulh dune kꞌelhihítsiꞌ, ꞌaw hoonli lhba whunalhnohodulhnoh. Dudulh dune dzoh neꞌhuduniꞌ hukwaꞌ huninzun te za neꞌhutꞌen. ꞋAntsꞌet ꞌuyoonne dzoh nuhulhdeh, ꞌinkꞌez ndet hoonzoo-un hukwa lheꞌhuntiszil. 4ꞋUyoonne kꞌehintsiꞌ nahoohoolhꞌi ꞌinkꞌez yoo yoh whe dune hundulhda, ꞌinkꞌez butsi dunutsꞌun. Duba naꞌhutidzooꞌ, Yakꞌusda kꞌelhuhísiꞌ, ꞌinkꞌez ndet la whuníni-un, ꞌet za hukwaꞌ huntizilh. 5ꞋEt Yakꞌusda ba ndi yun kꞌut hudilhtsꞌi naꞌhududilꞌi ꞌet hoontsꞌi Yakꞌusda yé ulhtus-i hitsꞌoodidlai. Timothy nduntꞌohne, ꞌenne buchꞌa nasindaih.
6Nduntꞌohne ꞌuyoonne yoh tsꞌe dahánulꞌih ꞌinkꞌez tsꞌekoo whusnine, lubeshi be dizbunne, ꞌenne ꞌilhiz ubihilhchuk. Lelhdowh ꞌutꞌen dutsun-i, ꞌohwhi za hitsꞌu nintꞌi. 7ꞋAhoolhyiz hohodulꞌeh ꞌet hoontsꞌi khuni ꞌalhaꞌ ꞌuntꞌoh-i daja ni ꞌaw tꞌehonoozeh ꞌaitꞌoh. 8ꞋEt nyoonne Jannes ꞌinkꞌez Jambres bulh Moses hichꞌaz níntꞌi inleꞌ. ꞋEt whuz unꞌa ndunne khuni ꞌalhaꞌ ꞌuntꞌoh-i, hichꞌaz nintꞌi. ꞋEnne bubeni soo ꞌukꞌenus untsiꞌ suliꞌ. ꞋInkꞌez ndi be ꞌalha ꞌuhoontꞌoh-i ghun buba ꞌantsꞌi hoontꞌoh. 9ꞋEt hoontsꞌi ꞌaw ꞌon ꞌun hutooyaꞌ ꞌaitꞌoh. Whe nintaꞌhuntꞌen-un tsꞌiyanne tꞌewhuntázin. Ntsꞌenꞌa Jannes ꞌinkꞌez Jambres bubulh dahooja la, ꞌenne bukꞌunꞌa hiye whusni-i, tsꞌiyanne bughun tꞌewhuntizilh.
Yakꞌusda uniyalhne dune bube túzilalh
10ꞋEt hoontsꞌi huwa ꞌóonli whe khuni bunyodisꞌeꞌ-i ookꞌunꞌa ꞌantꞌen. Timothy nyunchꞌoh njan tꞌewhunínzun. Ntsꞌenꞌa dune usdli-un, ntsꞌe hukwaꞌ ꞌustꞌen-un, ꞌinkꞌez Yakꞌusda sba ꞌalhaꞌ ꞌuntꞌoh. Howa whúlnaꞌ-un whulh susyin, ꞌinkꞌez tsꞌiyanne be kꞌésiꞌ ꞌi cha, ꞌaw hoonli talhódusni. 11Dune sezula inleꞌ, ꞌinkꞌez dzoh nusuhulhdzut. ꞋEt whuz yun kꞌut Antioch, Iconium, ꞌinkꞌez Lystra, whuz sulh ꞌet ꞌúhooja inleꞌ, ꞌi tsꞌiyawh tꞌeoonanzin. Dune sezula whulh susyin, ꞌinkꞌez neMoodihti tsꞌiyawh whuchꞌa sla ꞌuja. 12ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh. 13ꞋEt dune ntsiꞌne, ꞌuyoon naꞌdudilꞌíne, ꞌenne ꞌon nus hintsiꞌ tileh ꞌinkꞌez ꞌon ꞌun cha hintsiꞌ hutileh. ꞋEt ꞌuyoonne nahuntiꞌah ꞌinkꞌez dichꞌoh cha naꞌhunduntitꞌah. 14ꞋEt hoontsꞌi nyun ndet la hodalꞌeꞌ-un whe ꞌi tsꞌiyawh ꞌalhaꞌ ꞌuntꞌoh tꞌenínzun whuz unꞌa za ꞌintꞌoh. ꞋInkꞌez mbene la oogha hodalꞌeꞌne tꞌebuninzun. 15ꞋEt nyun tsꞌoodun inli daꞌ whutsꞌun ndi Yakꞌusda ooghuni lubeshi ooghu hooloh whe ꞌukꞌéguz-i tꞌenanzin. ꞋI gha be whutnih-i ꞌintꞌi whe dinjih, Christ Jesus ꞌen mba ꞌalhaꞌ ꞌuntꞌoh ꞌet huwa. 16Yakꞌusda ooghuni ꞌi tsꞌiyawh Yakꞌusda ye sjiz-i bulh ꞌúntꞌoh. ꞋInkꞌez oogha whútsꞌodulꞌeh huba unzoo, nintaꞌtsꞌutꞌih-un whunénulhtun, neba tsꞌihꞌun newhuꞌaih cha, ꞌinkꞌez ꞌet whuneodulhꞌeh tsꞌihꞌun unꞌa yinka ꞌuzdóltsꞌiꞌ ha. 17ꞋI be Yakꞌusda oodune lhadúlya-un tileh, ꞌutꞌen unzoo-i tsꞌiyawh wheni lhadintꞌoh.
Currently Selected:
2 Timothy 3: crx
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
2 Timothy 3
3
1ꞋEt njan tꞌeoononzin, ꞌet ꞌudekꞌez dzin whenghoh de, tube howa whútilnaꞌ. 2ꞋEt dune dichꞌoh kꞌenahutisiꞌ, sooniya ka dáhadatni, tsꞌiyantsuk whe hududíltiꞌ, ꞌuhududíltiꞌ, Yakꞌusda ꞌinkꞌez ooduneꞌne, buchꞌaz yahatilhduk, dudusneke cha kꞌúnulheꞌhutistꞌen, ꞌaw musi lhontiszin, ꞌinkꞌez Yakꞌusda ghudlohne cha hutileh. 3Dudulh dune kꞌelhihítsiꞌ, ꞌaw hoonli lhba whunalhnohodulhnoh. Dudulh dune dzoh neꞌhuduniꞌ hukwaꞌ huninzun te za neꞌhutꞌen. ꞋAntsꞌet ꞌuyoonne dzoh nuhulhdeh, ꞌinkꞌez ndet hoonzoo-un hukwa lheꞌhuntiszil. 4ꞋUyoonne kꞌehintsiꞌ nahoohoolhꞌi ꞌinkꞌez yoo yoh whe dune hundulhda, ꞌinkꞌez butsi dunutsꞌun. Duba naꞌhutidzooꞌ, Yakꞌusda kꞌelhuhísiꞌ, ꞌinkꞌez ndet la whuníni-un, ꞌet za hukwaꞌ huntizilh. 5ꞋEt Yakꞌusda ba ndi yun kꞌut hudilhtsꞌi naꞌhududilꞌi ꞌet hoontsꞌi Yakꞌusda yé ulhtus-i hitsꞌoodidlai. Timothy nduntꞌohne, ꞌenne buchꞌa nasindaih.
6Nduntꞌohne ꞌuyoonne yoh tsꞌe dahánulꞌih ꞌinkꞌez tsꞌekoo whusnine, lubeshi be dizbunne, ꞌenne ꞌilhiz ubihilhchuk. Lelhdowh ꞌutꞌen dutsun-i, ꞌohwhi za hitsꞌu nintꞌi. 7ꞋAhoolhyiz hohodulꞌeh ꞌet hoontsꞌi khuni ꞌalhaꞌ ꞌuntꞌoh-i daja ni ꞌaw tꞌehonoozeh ꞌaitꞌoh. 8ꞋEt nyoonne Jannes ꞌinkꞌez Jambres bulh Moses hichꞌaz níntꞌi inleꞌ. ꞋEt whuz unꞌa ndunne khuni ꞌalhaꞌ ꞌuntꞌoh-i, hichꞌaz nintꞌi. ꞋEnne bubeni soo ꞌukꞌenus untsiꞌ suliꞌ. ꞋInkꞌez ndi be ꞌalha ꞌuhoontꞌoh-i ghun buba ꞌantsꞌi hoontꞌoh. 9ꞋEt hoontsꞌi ꞌaw ꞌon ꞌun hutooyaꞌ ꞌaitꞌoh. Whe nintaꞌhuntꞌen-un tsꞌiyanne tꞌewhuntázin. Ntsꞌenꞌa Jannes ꞌinkꞌez Jambres bubulh dahooja la, ꞌenne bukꞌunꞌa hiye whusni-i, tsꞌiyanne bughun tꞌewhuntizilh.
Yakꞌusda uniyalhne dune bube túzilalh
10ꞋEt hoontsꞌi huwa ꞌóonli whe khuni bunyodisꞌeꞌ-i ookꞌunꞌa ꞌantꞌen. Timothy nyunchꞌoh njan tꞌewhunínzun. Ntsꞌenꞌa dune usdli-un, ntsꞌe hukwaꞌ ꞌustꞌen-un, ꞌinkꞌez Yakꞌusda sba ꞌalhaꞌ ꞌuntꞌoh. Howa whúlnaꞌ-un whulh susyin, ꞌinkꞌez tsꞌiyanne be kꞌésiꞌ ꞌi cha, ꞌaw hoonli talhódusni. 11Dune sezula inleꞌ, ꞌinkꞌez dzoh nusuhulhdzut. ꞋEt whuz yun kꞌut Antioch, Iconium, ꞌinkꞌez Lystra, whuz sulh ꞌet ꞌúhooja inleꞌ, ꞌi tsꞌiyawh tꞌeoonanzin. Dune sezula whulh susyin, ꞌinkꞌez neMoodihti tsꞌiyawh whuchꞌa sla ꞌuja. 12ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh. 13ꞋEt dune ntsiꞌne, ꞌuyoon naꞌdudilꞌíne, ꞌenne ꞌon nus hintsiꞌ tileh ꞌinkꞌez ꞌon ꞌun cha hintsiꞌ hutileh. ꞋEt ꞌuyoonne nahuntiꞌah ꞌinkꞌez dichꞌoh cha naꞌhunduntitꞌah. 14ꞋEt hoontsꞌi nyun ndet la hodalꞌeꞌ-un whe ꞌi tsꞌiyawh ꞌalhaꞌ ꞌuntꞌoh tꞌenínzun whuz unꞌa za ꞌintꞌoh. ꞋInkꞌez mbene la oogha hodalꞌeꞌne tꞌebuninzun. 15ꞋEt nyun tsꞌoodun inli daꞌ whutsꞌun ndi Yakꞌusda ooghuni lubeshi ooghu hooloh whe ꞌukꞌéguz-i tꞌenanzin. ꞋI gha be whutnih-i ꞌintꞌi whe dinjih, Christ Jesus ꞌen mba ꞌalhaꞌ ꞌuntꞌoh ꞌet huwa. 16Yakꞌusda ooghuni ꞌi tsꞌiyawh Yakꞌusda ye sjiz-i bulh ꞌúntꞌoh. ꞋInkꞌez oogha whútsꞌodulꞌeh huba unzoo, nintaꞌtsꞌutꞌih-un whunénulhtun, neba tsꞌihꞌun newhuꞌaih cha, ꞌinkꞌez ꞌet whuneodulhꞌeh tsꞌihꞌun unꞌa yinka ꞌuzdóltsꞌiꞌ ha. 17ꞋI be Yakꞌusda oodune lhadúlya-un tileh, ꞌutꞌen unzoo-i tsꞌiyawh wheni lhadintꞌoh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.