Pese 3
3
1‘Ua ‘ou i luga o la‘u moega i le po,#Pese 1.7; 5.6; Isai 26.9
na ‘ou sā‘ili ai i lē ‘ua mana‘o i ai lo‘u loto,
‘ua ‘ou sā‘ili ‘iā te ia, ‘ae le‘i maua o ia.
2“‘Ou te tula‘i ma fealualua‘i i le ‘a‘ai,
i ala ma malae.
‘Ou te sā‘ili‘ili ai i lē ‘ua mana‘o i ai lo‘u loto,”
‘ua ‘ou sā‘ili‘ili ‘iā te ia, ‘ae le‘i maua.
3Na maua a‘u e leoleo e feoa‘i i le ‘a‘ai,
‘ua ‘ou fa‘apea atu i ai, “‘Ua ‘outou iloa ‘ea lē ‘ua mana‘o i ai lo‘u loto?”
4E le‘i leva ‘ona ‘ou tu‘ua i latou, ‘ae ‘ou maua loa lē ‘ua mana‘o i ai lo‘u loto.#Pese 8.2
Na ‘ou tāofi ‘iā te ia, ‘ou te le‘i toe tu‘uina o ia,
se‘ia ta‘ita‘iina atu ‘iā te ia i le fale o lo‘u tinā,
i le potu o lē na fānaua a‘u.
5Tama fafine a Ierusalema e, ‘ou te fai atu ‘iā te ‘outou,#Pese 2.7
‘ia tautō mai i sevi ma ‘aila o le vao,
tou te lē tātātuli pe fafagu i la‘u pele, se‘ia faitalia o ia.
O le Tolu o Pese
Tama‘ita‘i.
6O ai ‘ea lenā o lo‘o alu a‘e nai le vao e fa‘apei o le asu fa‘aniutū,#Pese 8.5
o lo‘o nanamu i le pulu muro ma le pulu lipano,
ma mea manogi uma ‘ua nutilili‘ia a le tagata fa‘atau‘oa?
7Fa‘auta mai ia, o lona moega, o le moega o Solomona,
‘ua vagavagaia i toa e to‘aonogafulu,
nai le ‘au totoa o Isaraelu.
8‘Ua ta‘itasi uma ma u‘u i lana pelu,
‘ua a‘oa‘oina i le tau‘a.
O le tagata ma lana pelu i lona sulugatiti,
‘ona o le mata‘u i le po.
9‘Ua faia e le tupu o Solomona le fata mōna
i la‘au mai Lepanona.
10‘Ua ia faia ona pou i le ario, o ona fa‘alava i le auro,
o lona nofoa i le ‘ie pāuli.
‘Ua folasia fa‘amatagofie i totonu i mea alofa,
mai tama fafine a Ierusalema.
11Tama fafine a Siona e, ō atu ia, ‘inā matamata i le tupu o Solomona,#Isai 3.16; 62.5
ma le pale na fa‘apaleina ai o ia e lona tinā,
i le aso na fai avā ai o ia,
i le aso fo‘i na fiafia ai lona finagalo.
Currently Selected:
Pese 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.