Iosua O Le Fa‘atomuaga
O Le Fa‘atomuaga
O le tusi a Iosua o le tala e uiga i tau‘a sa fai i le vā o tagata Isaraelu ma tagata Kanana a o ‘avea Iosua ma ta‘ita‘i tau o Isaraelu. O se vaega tāua tele e fa‘amatala i le tusi lenei o le ulufale atu o Isaraelu ma la‘asia le vaitafe o Ioritana, ma le to‘ilalopopo o le ‘a‘ai malosi o Ieriko ma Ai i tagata Isaraelu. Ma sa toe fa‘afouina ai le folafolaga a le Atua mo lona nu‘u filifilia o Isaraelu. O nisi o fa‘a‘upuga tāua o le tusi a Iosua, “Filifili ‘outou i le aso nei po o ai tou te ‘au‘auna i ai? ‘Ae o a‘u nei mo lo‘u ‘āiga, matou te ‘au‘auna i le Ali‘i” (24.15)
O le Fa‘asologa o Matā‘upu:
O le tau‘a ma tagata Kanana 1.1—12.24
O le vaevaega o ‘ele‘ele: 13.1—21.45
a. O le ‘ele‘ele i le itū i sasa‘e o Ioritana 13.1-33
e. O le ‘ele‘ele i le itū i sisifo o Ioritana 14.1—19.51
i. O ‘a‘ai sulufa‘i 20.1-9
o. O ‘a‘ai o le ‘au sa Levī 21.1-45
O le toe fo‘i atu o itū‘āiga i sasa‘e i o latou ‘ele‘ele 22.1-34
O saunoaga mulimuli a Iosua 23.1-16
O le toe fa‘afou o le folafolaga i Sekema 24.1-33
Currently Selected:
Iosua O Le Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.