Iona 2
2
O le Tatalo a Iona
1Na tatalo fo‘i Iona i le ALI‘I lona Atua i le manava o le i‘a, ‘ua fa‘apea atu,
2“Na a‘u vala‘au atu i le ALI‘I ‘ona o lo‘u puapuagā,#Sala 3.4; 118.5; 120.1; Paru 3.55-56
‘ua na fa‘afofoga mai fo‘i ‘iā te a‘u.
Na ‘ou ‘alaga atu nai le mea maulalo i tu‘ugamau,
‘ua e fa‘afofoga i lo‘u leo.
3Na e lafoina a‘u i le moana,#Sala 42.7; 88.6-7
i totonu lava o le sami;
na si‘osi‘oina lava a‘u e le au;
na lofia a‘u i ou galu ma ou peau uma lava.
4‘Ona ‘ou fa‘apea ai lea,#1 Tu 8.35, 38; Sala 31.22
‘‘Ua lafoa‘iina a‘u a‘i luma o ou fofoga;
a ‘ou te toe fa‘asaga atu i lou malumalu pa‘ia.’
5‘Ua si‘osi‘oina a‘u e le sami,
na manū a‘u oti;
‘ua ufitia a‘u i le moana,
‘ua fusia lo‘u ulu i le limu.
6‘Ua ‘ou alu ifo i ‘auvae mauga;#Sala 16.10; 103.4
‘ua fa‘amauina fa‘amau o le lalolagi i luga ‘iā te a‘u e fa‘avavau;
‘ae te ‘aveina a‘e lo‘u ola a‘i le lua,
le ALI‘I e lo‘u Atua.
7Na ‘ou manatua le ALI‘I,#2 No 30.27; Sala 107.5; 142.3
‘ina o vaivai o lo‘u loto i totonu ‘iā te a‘u;
na o‘o atu fo‘i la‘u tatalo ‘iā te oe i lou malumalu pa‘ia.
8O ē ‘ua ‘ana‘ana i mea fa‘atauva‘a ma le pepelo
‘ua lafoa‘iina e i latou o mea e manuia ai i latou.#2 Tu 17.15; Iere 2.5, 13
9A o a‘u ‘ou te faitaulaga ‘iā te oe ma le ‘upu fa‘afetai;
‘ou te faia le mea na ‘ou tautō ai.
Mai le ALI‘I le olataga.”#Sala 50.14; Hose 14.2
10‘Ua fetalai atu le ALI‘I i le i‘a, ‘ona luai lea e ia o Iona i le ‘ele‘ele matūtū.
Currently Selected:
Iona 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.