Esekielu 2
2
O le Tofia o Esekielu e ‘avea ma Perofeta
1‘Ua ia fa‘apea mai ‘iā te a‘u: Le atali‘i e o le tagata, ‘inā tula‘i ia i luga i ou vae, ‘ou te fai atu ai ‘iā te oe.#Tani 8.17; 10.11 2‘Ua ulu mai fo‘i le Agaga i totonu ‘iā te a‘u ‘ina o fetalai mai o ia ‘iā te a‘u, ‘ua ia fa‘atūina mai fo‘i a‘u i luga i o‘u vae, ‘ona ‘ou fa‘alogo atu lea i lē na fetalai mai ‘iā te a‘u.#Eseki 3.24 3‘Ona fetalai mai lea o ia ‘iā te a‘u: Le atali‘i e o le tagata, ‘ou te ‘auina atu oe i le fānauga a Isaraelu, o le nu‘u fouvale, o ē ‘ua fouvale mai ‘iā te a‘u; o i latou, ‘atoa ma o latou tamā, ‘ua latou solia a‘u tulafono, ‘ua o‘o mai i lenei lava aso.#Iere 3.25 4O tagata mata le mamā, ma le loto ma‘a‘a, ‘ou te ‘auina atu ai oe ‘iā te i latou; ‘e te fai atu ‘iā te i latou, “‘Ua fa‘apea ‘ona fetalai mai ai o le Ali‘i o le ATUA.” 5O i latou fo‘i, pe latou te fa‘alogo, pe leai, auā o le ‘āiga fouvale i latou, latou te iloa sa i ai le perofeta ‘iā te i latou.#Eseki 2.7; 3.11; 33.33
6O oe na fo‘i, le atali‘i o le tagata, ‘aua ‘e te fefe ‘iā te i latou, ‘aua fo‘i ‘e te fefe ‘iā latou ‘upu, e ui ‘ina ‘ua ‘outou i ai ma ē o fouvale ma mea matuitui ma ‘outou nonofo ma akarava, ‘aua ‘e te fefe ‘iā latou ‘upu, ‘aua fo‘i ‘e te mata‘u i o latou mata, e ui lava o le ‘āiga fouvale i latou.#Iere 1.8; Eseki 3.9; Mika 7.4; 1 Pete 3.14 7‘Ia e fai atu lava a‘u ‘upu ‘iā te i latou, pe latou fa‘alogo, pe leai, auā ‘ua fouvale lava i latou.
8A o oe le atali‘i o le tagata, fa‘alogo mai ia i le mea ‘ou te fai atu ai ‘iā te oe, ‘Aua ‘e te fouvale oe, e pei o lenā ‘āiga fouvale; ‘inā fa‘amaga ia o lou gutu, ma e ‘ai le mea ‘ou te avatu ai ‘iā te oe.#Fa‘aa 10.9 9‘Ua ‘ou va‘ai, fa‘auta fo‘i, o le lima ‘ua tu‘u mai ‘iā te a‘u; fa‘auta fo‘i, ‘ua i ai le tusi ta‘ai.#Fa‘aa 5.1; Eseki 8.3; Tani 10.10 10‘Ua ia fofolaina ai i ou luma, ‘ua tusia ai i totonu ma tua, ‘ua tusi ai o auega ma fa‘anoanoaga ma lauaitu.
Currently Selected:
Esekielu 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.