Failauga Fa‘atomuaga
Fa‘atomuaga
O le tusi a le Failauga, e tumu i mafaufauga poto ma mānatunatuga loloto a le “tagata Poto.” O lenei tagata ‘ua ‘iā te ia le faiva o le poto e failauga atu i tagata e to‘atele ma le iloa na te su‘esu‘e ai i lona loto le tele o mea e fa‘afoliga mai e lē malamalama lelei i ai. ‘Ua fa‘ailoa mai e le tusitala le ola e pu‘upu‘u ma faigatā o lo‘o tumu ai ma lana fa‘ai‘uga, “O le ola e leai se uiga.” ‘Ua fa‘aali manino e le tusitala e tele auala a le Atua e lē malamalama o ia i ai. ‘Ae ui lava i lea ‘ua ia fautuaina tagata e ao ‘ina ‘ia galue malosi ma ola fiafia i mea alofa a le Atua ‘ua ia fa‘a‘oloaina ai i latou.
O a‘oa‘oga o le tusi a le Failauga, e aogā fo‘i le lē malamalama lelei i nisi o auala a le Atua e lu‘itauina ai le fa‘atuatua ma le fa‘alagolago i le alofa o le Atua. O le finagalo to‘atasi a le Atua e i ai le taimi e fa‘asala ai le tagata agaleaga ma e i ai fo‘i le taimi e taui ai le tagata agalelei. (3.17-22; 8.12-13). O mea uma lava o lenei lalolagi e leai lava se mea e tasi e fa‘amalieina ai le loto o le tagata ‘ua na o le Atua lava.
O le Fa‘asologa o Matā‘upu:
E i ai ‘ea se uiga o le olaga? 1.1—2.26
O saunoaga e fa‘atatau i le ola 3.1—11.8
O fautuaga 11.9—12.8
‘Upu mulimuli 12.9-14
Currently Selected:
Failauga Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.