Amosa 2
2
O le To‘asā o le Atua ‘iā Moapi ma Iuta ma Isaraelu
Moapi
1O lo‘o fa‘apea mai le ALI‘I: E tolu agasala a Moapi, e fa fo‘i, ‘ou te lē liliu ‘ese ai lana sala; auā na ia susunuina ivi o le tupu o Etoma na liu panisina.#Isai 15.1—16.14; 25.10-12; Iere 48.1-47; Eseki 25.8-11; Sefa 2.8-11 2‘Ae ‘ou te tu‘uina atu le afi i Moapi, e fa‘aumatia ai maota o Kiriota; e oti Moapi i le vāvāō, ma le ‘alaga, ma le leo o le pū. 3‘Ou te fa‘aumatia le fa‘amasino o i lea mea, ‘ou te fasiotia fa‘atasi ma ia o ali‘i uma, o lo‘o fetalai mai ai le ALI‘I.
Iuta
4O lo‘o fa‘apea mai le ALI‘I: E tolu agasala a Iuta, e fa fo‘i, ‘ou te lē liliu ‘ese ai lana sala auā na latou lafoa‘i le tulafono a le ALI‘I, e le‘i tausi fo‘i e i latou ana poloa‘iga; ‘ua fa‘asesēina i latou ‘iā latou mea pepelo, sa naunau atu i ai o latou tamā.#Levi 26.14-15; Iere 16.19-20; Eseki 20.13; Tani 9.11; Roma 1.25 5‘Ae ‘ou te tu‘uina atu le afi i Iuta, e fa‘aumatia ai maota o Ierusalema.
O le Fa‘amasinoga o Isaraelu
6O lo‘o fa‘apea mai le ALI‘I: E tolu agasala a Isaraelu, e fa fo‘i, ‘ou te lē liliu ‘ese ai lana sala; auā na latou fa‘atauina atu lē ‘ua amiotonu i ario ma lē ‘ua mativa i se‘evae e lua. 7O ē naunau atu i le efuefu o le lau‘ele‘ele i ulu o ē matitiva ma latou liliu ‘ese le ala o ē agamalū e alu ane fo‘i le tagata ‘atoa ma lona tamā i le teine e to‘atasi, ‘ina ‘ia ta‘uvaleina ai lo‘u igoa pa‘ia.#Iopu 24.4; Isai 10.2; Eseki 22.11; Amo 5.12; 1 Kori 5.1 8‘Ua latou ta‘o‘oto fo‘i i ‘ofu ‘ua tau fa‘afa‘atau i tafatafa o fatafaitaulaga uma ma ‘ua latou inu uaina ‘ae ‘ua fa‘asalaina i le fale o latou atua.
9A o a‘u, na ‘ou fa‘aumatia le sa Amorī a‘i o latou luma, o lona maualuga e pei o le maualuga o arasi ia, sa malosi fo‘i o ia e pei o aluna na ‘ou fa‘aumatia fo‘i lona fua i luga ma ona a‘a i lalo.#Teu 3.8-11 10Na ‘ou ‘aveina a‘e fo‘i ‘outou a‘i le nu‘u o Aikupito; na ‘ou ta‘ita‘iina ‘outou i tausaga e fagafulu i le vao e maua ai le lau‘ele‘ele o le sa Amorī.#Eso 12.17, 51 11Na ‘ou fa‘atūina ni o ‘outou atali‘i e fai ma perofeta ma ni o ‘outou taulele‘a e fai ma naseri.#2.11 naseri: o le tagata ‘ua ofoina atu lona ola mo le Ali‘i ma tautō e lē inu i se pia po o le uaina ma e tu‘u fa‘au‘umi o lona lauulu (va‘ai Numera 6.1-8). Le fānauga a Isaraelu e, o lē ‘ua fa‘apea lava ‘ea? o lo‘o fetalai mai ai le ALI‘I.#Nume 6.1-8 12A ‘ua ‘outou avatua uaina i le ‘au naseri e inu ai, ma vavao atu i le ‘au perofeta, o lo‘o fa‘apea atu, “‘Aua le vavalo mai.” 13Fa‘auta, ‘ou te taomia ‘outou i lalo, e pei ‘ona taomia o le ‘ele‘ele i le fata fa‘ata‘avalevale ‘ua tumu i fusi saito. 14E i‘u vale le sola‘aga o le tele vave, e lē fa‘ateleina e lē ‘ua malosi lona malosi; o le toa fo‘i na te lē fa‘asaoina lona lava ola.#Sala 33.16-17; Amo 9.1 15O lē ‘ua fai ‘aufana e lē tumau ia ma lē ‘ua momo‘e tele vave e lē sao ai o ia; o lē ti‘eti‘e i le solofanua e lē fa‘asaoina ai fo‘i e ia lona ola. 16O le toa ‘ua sili lona loto tele, e sola lē lavalavā o ia i lea aso, o lo‘o fetalai mai ai le ALI‘I.
Currently Selected:
Amosa 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.