Galuega Fa‘atomuaga
Fa‘atomuaga
O le tusi o Galuega a le ‘au ‘Aposetolo o le lua ai o tusi na tusia e Luka (1.1). O Luka o se tasi sa fesoasoani malosi ‘iā Paulo i le galuega fa‘atala‘i (Kolo 4.14; 2 Timo 4.11; File 1.24). Sa ‘avea o ia o se lima taumatau a Paulo fa‘atasi ma nisi tagata e to‘atele i le fa‘atalaleleiga o nu‘u ‘ese. (16.10-17; 20.5-8, 13-15; 21.1-18; 27.1—28.16).
Galuega O le ‘a‘ano ‘autū, o fa‘amatalaga i galuega sa faia e le ‘au ‘aposetolo ma le Ekalesia i le amataga. O lea galuega sa amata mai lava i Ierusalema ma salalau atu i le atu Palisitina ma o‘o atu lava i atunu‘u ‘ese ma le mālō tele o Roma e ui i le tele o faigatā sa feagai ai ma so‘o o Iesu. Sa fa‘atāua tele e le Tusi tala le galuega a le Agaga Pa‘ia i le Penetekoso ma lana ta‘ita‘iga o so‘o o Iesu ‘ina ‘ia latou tala‘i atu le suafa o Iesu ma le fa‘amaoni. O le Agaga Pa‘ia lava sa fa‘amalosi‘au ma galue fa‘atasi ma le ‘au so‘o i le fa‘ataunu‘uga o la latou galuega fa‘a‘aposetolo. O le tasi itū tāua o lenei tusi o le tala ofoofogia o le vala‘auga o Paulo e ‘avea ma ‘aposetolo a Iesu, a o se tagata sa tete‘e atu ma taumafai e fa‘amutaina le galuega a le Ekalesia (9.1-9). Na ‘avea le suia o le olaga o Paulo sa matuā malosi ai lava le tala‘iga o le Tala Lelei.
O le tele o manatu a le ‘au popoto i le ‘upu a le Atua, o le tusi a Luka sa tusia i le vaitaimi pe tusa o le 70-90 tausaga i le vaitaimi o le Ali‘i (Anno Domini).
O le Fa‘asologa o Matā‘upu:
O le amataga o le Ekalesia 1.1-26
Penetekoso ma galuega i Ierusalema 2.1—5.42
Ekalesia mai Ierusalema i nu‘u ‘ese ma le vala‘auina o Paulo 6.1—15.35
O galuega a Paulo ma lana malaga muamua, lua ma le tolu i Roma 15.36—28.31
Currently Selected:
Galuega Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.