2 Korinito 3
3
O le Lelei Silisili ‘ese o le Sauniga o le Tala Lelei
1A matou toe amata ‘ea ‘ona ta‘ulelei i matou ‘iā te i matou? Pe aogā ‘ea ‘iā te i matou, pei o isi, ni tusi e ta‘ulelei ai e avatu ‘iā te ‘outou? po o tusi e ta‘ulelei ai mai ‘iā te ‘outou?#2 Kori 5.12; Roma 16.1; Galu 18.27 2O ‘outou o la matou tusi, o tusia i o ‘outou nei loto, ‘ua iloa ma faitaulia e tagata uma. 3O lo‘o fa‘aalia ‘outou, o ‘outou o le tusi a Keriso ‘ua saunia e i matou, e le‘i tusia i le vaitusi, a o le Agaga o le Atua soifua; ‘ua lē tusia i papatusi ma‘a, a o papatusi ‘a‘ano o le loto.#Eso 24.12; 31.18; 34.1; Fa‘ata 3.3; 7.3; Eseki 11.19; 36.26; Iere 31.33; Roma 15.16
4O lo‘o ‘iā te i matou lenei fa‘atuatuaga i le Atua ‘ona o Keriso; 5auā e lē mafai pe a na o i matou ‘ona mānatunatu i se mea, peiseaī na ‘iā te i matou, a o le Atua e mafai ai i matou. 6O ia fo‘i na sauni i matou ia tatau ‘ona fai ma ‘au‘auna o le feagaiga fou, e lē o le tusi, a o le Agaga; auā e a le tusi e fasioti, ‘ae a le Agaga e fa‘aola.#Iere 31.31; 1 Kori 11.25; Roma 7.6; Ioane 6.63
7‘Ae ‘āfai sa fa‘apea le mamalu o le sauniga na o‘o mai ai le oti, na togia ai i mata‘itusi i ma‘a, ‘ua lē mafai ai le fānauga a Isaraelu ‘ona pulato‘a atu i fofoga o Mose ‘ona o le pupula o ona fofoga, o le pupula lea e fa‘aumatia;#Eso 34.30 8e lē matuā sili ‘ea le mamalu o le sauniga ‘ua o‘o mai ai le Agaga?#Kala 3.2, 5 9Auā ‘āfai sa mamalu le sauniga na o‘o mai ai le fa‘asala, e matuā sili lava ‘ona mamalu o le sauniga na o‘o mai ai le amiotonu.#Teu 27.26; Roma 1.17; 3.21 10Auā fo‘i o le mea na mamalu e leai sona mamalu i lenei mea, ‘ona o le mamalu e silisili ‘ese.#Eso 34.29 11‘Āfai fo‘i sa mamalu le mea e fa‘aumatia, e matuā sili le mamalu o le mea e tumau.
12O lenei, ‘ona ‘ua ‘iā te i matou o lenei fa‘amoemoe, matou te matuā fa‘aalitino; 13‘ae lē pei o Mose, na tu‘u e ia le ufiufi i ona fofoga, ‘ina ‘ia lē mafai ‘ona pulato‘a ai le fānauga a Isaraelu i le i‘uga o le pupula ‘ua fa‘aumatia;#Eso 34.33-35 14‘ae peita‘i sa fa‘atauasoina o latou manatu. Auā ‘ua o‘o mai i nei ona pō o tumau pea lea lava ufiufi pe a faitauina le feagaiga tuai, auā ‘ua na o Keriso ‘ua fa‘aumatia ai.#Roma 11.25 15A ‘ua o‘o i nei ona pō, o lo‘o i ai lava le ufiufi i o latou loto pe a faitauina Mose. 16‘Ae peita‘i pe a liliu i le Ali‘i, ‘ona ‘ave‘eseina ai lea o le ufiufi.#Roma 11.23, 26; Eso 34.34 17O le Ali‘i fo‘i o le Agaga ia; o le mea o i ai le Agaga o le Ali‘i, o i ai le sa‘olotoga.#Ioane 7.39; 8.36; Eso 16.7; 24.17; Roma 8.2 18A o i tatou uma, o lo‘o va‘ava‘ai i tatou i le pupula o le Ali‘i ma o tatou mata, e lē ufitia ‘ua liua ai i tatou ‘ua foliga i ai nai le pupula e o‘o i le pupula, fa‘apei ‘ona maua ai mai le Ali‘i, o ia o le Agaga.
Currently Selected:
2 Korinito 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
2 Korinito 3
3
O le Lelei Silisili ‘ese o le Sauniga o le Tala Lelei
1A matou toe amata ‘ea ‘ona ta‘ulelei i matou ‘iā te i matou? Pe aogā ‘ea ‘iā te i matou, pei o isi, ni tusi e ta‘ulelei ai e avatu ‘iā te ‘outou? po o tusi e ta‘ulelei ai mai ‘iā te ‘outou?#2 Kori 5.12; Roma 16.1; Galu 18.27 2O ‘outou o la matou tusi, o tusia i o ‘outou nei loto, ‘ua iloa ma faitaulia e tagata uma. 3O lo‘o fa‘aalia ‘outou, o ‘outou o le tusi a Keriso ‘ua saunia e i matou, e le‘i tusia i le vaitusi, a o le Agaga o le Atua soifua; ‘ua lē tusia i papatusi ma‘a, a o papatusi ‘a‘ano o le loto.#Eso 24.12; 31.18; 34.1; Fa‘ata 3.3; 7.3; Eseki 11.19; 36.26; Iere 31.33; Roma 15.16
4O lo‘o ‘iā te i matou lenei fa‘atuatuaga i le Atua ‘ona o Keriso; 5auā e lē mafai pe a na o i matou ‘ona mānatunatu i se mea, peiseaī na ‘iā te i matou, a o le Atua e mafai ai i matou. 6O ia fo‘i na sauni i matou ia tatau ‘ona fai ma ‘au‘auna o le feagaiga fou, e lē o le tusi, a o le Agaga; auā e a le tusi e fasioti, ‘ae a le Agaga e fa‘aola.#Iere 31.31; 1 Kori 11.25; Roma 7.6; Ioane 6.63
7‘Ae ‘āfai sa fa‘apea le mamalu o le sauniga na o‘o mai ai le oti, na togia ai i mata‘itusi i ma‘a, ‘ua lē mafai ai le fānauga a Isaraelu ‘ona pulato‘a atu i fofoga o Mose ‘ona o le pupula o ona fofoga, o le pupula lea e fa‘aumatia;#Eso 34.30 8e lē matuā sili ‘ea le mamalu o le sauniga ‘ua o‘o mai ai le Agaga?#Kala 3.2, 5 9Auā ‘āfai sa mamalu le sauniga na o‘o mai ai le fa‘asala, e matuā sili lava ‘ona mamalu o le sauniga na o‘o mai ai le amiotonu.#Teu 27.26; Roma 1.17; 3.21 10Auā fo‘i o le mea na mamalu e leai sona mamalu i lenei mea, ‘ona o le mamalu e silisili ‘ese.#Eso 34.29 11‘Āfai fo‘i sa mamalu le mea e fa‘aumatia, e matuā sili le mamalu o le mea e tumau.
12O lenei, ‘ona ‘ua ‘iā te i matou o lenei fa‘amoemoe, matou te matuā fa‘aalitino; 13‘ae lē pei o Mose, na tu‘u e ia le ufiufi i ona fofoga, ‘ina ‘ia lē mafai ‘ona pulato‘a ai le fānauga a Isaraelu i le i‘uga o le pupula ‘ua fa‘aumatia;#Eso 34.33-35 14‘ae peita‘i sa fa‘atauasoina o latou manatu. Auā ‘ua o‘o mai i nei ona pō o tumau pea lea lava ufiufi pe a faitauina le feagaiga tuai, auā ‘ua na o Keriso ‘ua fa‘aumatia ai.#Roma 11.25 15A ‘ua o‘o i nei ona pō, o lo‘o i ai lava le ufiufi i o latou loto pe a faitauina Mose. 16‘Ae peita‘i pe a liliu i le Ali‘i, ‘ona ‘ave‘eseina ai lea o le ufiufi.#Roma 11.23, 26; Eso 34.34 17O le Ali‘i fo‘i o le Agaga ia; o le mea o i ai le Agaga o le Ali‘i, o i ai le sa‘olotoga.#Ioane 7.39; 8.36; Eso 16.7; 24.17; Roma 8.2 18A o i tatou uma, o lo‘o va‘ava‘ai i tatou i le pupula o le Ali‘i ma o tatou mata, e lē ufitia ‘ua liua ai i tatou ‘ua foliga i ai nai le pupula e o‘o i le pupula, fa‘apei ‘ona maua ai mai le Ali‘i, o ia o le Agaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.