2 Korinito 2
2
O le Alofa tele o Paulo ‘iā te i latou ma le Tagata na Pa‘ū
1Sa fa‘apea fo‘i lo‘u lava manatu, ‘ou te lē toe alu atu ‘iā te ‘outou ma le tigā.#2 Kori 12.21; 1 Kori 4.21 2Auā ‘āfai ‘ou te fa‘atigā ‘iā te ‘outou, po o ai sē na te fa‘afiafia mai ‘iā te a‘u, ‘āfai e lē o ia ‘ua fa‘atigāina e a‘u? 3Sa ‘ou tusi atu fo‘i lea lava mea ‘iā te ‘outou, ‘ina ne‘i ‘ou alu atu ‘ona fa‘atigāina lea o a‘u e i latou o ē ‘ua tatau ‘ona ‘ou ‘oli‘oli ai; ‘ou te fa‘atuatua lava ‘iā te ‘outou uma, o lo‘u nei fiafia, o le fiafia lea o ‘outou uma. 4Auā o le puapuagā tele ‘atoa ma le atuatuvale o le loto na ‘ou tusi atu ai ‘iā te ‘outou ma loimata e tele; e le‘i ‘ina ‘ia fa‘atigāina ‘outou, a ‘ia ‘outou iloa ai lo‘u alofa ‘ua matuā tele ‘iā te ‘outou.#Galu 20.31
‘Ia Fa‘amāgalo atu i lē ‘ua Fa‘atigā mai
5O lenei, ‘āfai ‘ua fa‘atupuina le tigā e se tasi, ‘ua ia lē fa‘atigā ‘iā te a‘u na o a‘u, ‘ae peita‘i (‘ina ne‘i ‘ou fa‘amamafa atu), ‘atoa ma ‘outou uma. 6Sōia le faia se tasi mea i lenā tagata, tau lava o lenā sala na fa‘asalaina ai o ia e le to‘atele. 7A o lenei, ‘ia ‘outou fa‘amāgalo atu ma fa‘amafanafana atu i lenā tagata, ‘ina ne‘i tofatumoanaina o ia i le tigā matuā tele. 8O lea ‘ou te ‘ai‘oi atu ai ‘iā te ‘outou ‘ina ‘ia fa‘amauina lo ‘outou alofa ‘iā te ia. 9O le mea lava lea na ‘ou tusi atu ai, ‘ina ‘ia ‘ou iloa le fa‘ailoga ‘iā te ‘outou, po ‘ua ‘outou ‘ana‘ana i mea uma.#2 Kori 7.15 10O lē ‘ua ‘outou fa‘amāgalo atu i ai se mea, o a‘u fo‘i lea; auā ‘āfai ‘ua ‘ou fa‘amāgalo atu se mea, o lē ‘ua ‘ou fa‘amāgalo atu i ai, ‘ua ‘ou faia lea ‘ona o ‘outou i luma o Keriso;#Luka 10.16 11‘ina ne‘i ‘ole‘olegia i tatou e Satani; auā tatou te lē vālea i ana togafiti.#Luka 22.31
O Atugaluga o Paulo i Teroa
12Na ‘ou alu atu fo‘i i Teroa ‘ona o le tala lelei ‘iā Keriso, na tōina mai fo‘i ‘iā te a‘u se faitoto‘a e le Ali‘i,#Galu 14.27; 1 Kori 16.9 13a ‘ou te le‘i iloa sina filemū i lo‘u loto, ‘ina ‘ua ‘ou lē maua lo‘u uso o Tito; a ‘ua ‘ou fa‘amāvae atu ‘iā te i latou, ‘ona ‘ou alu atu lea i Maketonia.#Galu 20.1
O le Manumālō ‘iā Keriso
14‘Ua fa‘afetai i le Atua, o lē ‘ua matou manumālō ai pea lava ‘ona o Keriso, o lē ‘ua matou fa‘aali atu ai fo‘i i nu‘u uma le manogi o le matā‘upu ‘iā te ia. 15Auā o le nanamu i matou ‘iā Keriso i le Atua i ē o fa‘aolaina, ‘atoa ma ē o malaia; 16o le manogi o le oti e o‘o i le oti i nisi; a o le manogi o le ola e o‘o i le ola i nisi. Po o ai fo‘i sē tusa ma nei mea?#2 Kori 3.5-6; Luka 2.34 17Auā o i matou nei, e lē pei o le to‘atele o ē o fa‘afilogia le afioga a le Atua; a ‘ua matou tautalatala atu mai le loto lelei, mai le Atua fo‘i, o i luma o le Atua, o i matou ‘ua ‘iā Keriso.#2 Kori 1.12; 1 Pete 4.11
Currently Selected:
2 Korinito 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
2 Korinito 2
2
O le Alofa tele o Paulo ‘iā te i latou ma le Tagata na Pa‘ū
1Sa fa‘apea fo‘i lo‘u lava manatu, ‘ou te lē toe alu atu ‘iā te ‘outou ma le tigā.#2 Kori 12.21; 1 Kori 4.21 2Auā ‘āfai ‘ou te fa‘atigā ‘iā te ‘outou, po o ai sē na te fa‘afiafia mai ‘iā te a‘u, ‘āfai e lē o ia ‘ua fa‘atigāina e a‘u? 3Sa ‘ou tusi atu fo‘i lea lava mea ‘iā te ‘outou, ‘ina ne‘i ‘ou alu atu ‘ona fa‘atigāina lea o a‘u e i latou o ē ‘ua tatau ‘ona ‘ou ‘oli‘oli ai; ‘ou te fa‘atuatua lava ‘iā te ‘outou uma, o lo‘u nei fiafia, o le fiafia lea o ‘outou uma. 4Auā o le puapuagā tele ‘atoa ma le atuatuvale o le loto na ‘ou tusi atu ai ‘iā te ‘outou ma loimata e tele; e le‘i ‘ina ‘ia fa‘atigāina ‘outou, a ‘ia ‘outou iloa ai lo‘u alofa ‘ua matuā tele ‘iā te ‘outou.#Galu 20.31
‘Ia Fa‘amāgalo atu i lē ‘ua Fa‘atigā mai
5O lenei, ‘āfai ‘ua fa‘atupuina le tigā e se tasi, ‘ua ia lē fa‘atigā ‘iā te a‘u na o a‘u, ‘ae peita‘i (‘ina ne‘i ‘ou fa‘amamafa atu), ‘atoa ma ‘outou uma. 6Sōia le faia se tasi mea i lenā tagata, tau lava o lenā sala na fa‘asalaina ai o ia e le to‘atele. 7A o lenei, ‘ia ‘outou fa‘amāgalo atu ma fa‘amafanafana atu i lenā tagata, ‘ina ne‘i tofatumoanaina o ia i le tigā matuā tele. 8O lea ‘ou te ‘ai‘oi atu ai ‘iā te ‘outou ‘ina ‘ia fa‘amauina lo ‘outou alofa ‘iā te ia. 9O le mea lava lea na ‘ou tusi atu ai, ‘ina ‘ia ‘ou iloa le fa‘ailoga ‘iā te ‘outou, po ‘ua ‘outou ‘ana‘ana i mea uma.#2 Kori 7.15 10O lē ‘ua ‘outou fa‘amāgalo atu i ai se mea, o a‘u fo‘i lea; auā ‘āfai ‘ua ‘ou fa‘amāgalo atu se mea, o lē ‘ua ‘ou fa‘amāgalo atu i ai, ‘ua ‘ou faia lea ‘ona o ‘outou i luma o Keriso;#Luka 10.16 11‘ina ne‘i ‘ole‘olegia i tatou e Satani; auā tatou te lē vālea i ana togafiti.#Luka 22.31
O Atugaluga o Paulo i Teroa
12Na ‘ou alu atu fo‘i i Teroa ‘ona o le tala lelei ‘iā Keriso, na tōina mai fo‘i ‘iā te a‘u se faitoto‘a e le Ali‘i,#Galu 14.27; 1 Kori 16.9 13a ‘ou te le‘i iloa sina filemū i lo‘u loto, ‘ina ‘ua ‘ou lē maua lo‘u uso o Tito; a ‘ua ‘ou fa‘amāvae atu ‘iā te i latou, ‘ona ‘ou alu atu lea i Maketonia.#Galu 20.1
O le Manumālō ‘iā Keriso
14‘Ua fa‘afetai i le Atua, o lē ‘ua matou manumālō ai pea lava ‘ona o Keriso, o lē ‘ua matou fa‘aali atu ai fo‘i i nu‘u uma le manogi o le matā‘upu ‘iā te ia. 15Auā o le nanamu i matou ‘iā Keriso i le Atua i ē o fa‘aolaina, ‘atoa ma ē o malaia; 16o le manogi o le oti e o‘o i le oti i nisi; a o le manogi o le ola e o‘o i le ola i nisi. Po o ai fo‘i sē tusa ma nei mea?#2 Kori 3.5-6; Luka 2.34 17Auā o i matou nei, e lē pei o le to‘atele o ē o fa‘afilogia le afioga a le Atua; a ‘ua matou tautalatala atu mai le loto lelei, mai le Atua fo‘i, o i luma o le Atua, o i matou ‘ua ‘iā Keriso.#2 Kori 1.12; 1 Pete 4.11
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.