Salmos 150
150
Da llo'oxonnataxanaxac 'enauac na huetalecna
1¡Qaỹo'oxoren qome Ñim Nataxala'!
Qavio'oxoyiñi Ñim Lo'onatac 'Enauacna,
da qoviita'a ca npe'l maye lanataqa' Ñimaye,
qavio'oxoyiñi Ñimaye 'enauac qami' maye qoviito'ot na piguem.
2Qavio'oxoyiñi Ñimaye souaxat na lta'araicpi ỹo'otpi,
qavio'oxoyiñi Ñimaye souaxat da qalochiguiñi la'amaqchec.
3Qavio'oxoyiñi Ñimaye qauauoita'a aca nasheerepi,
qataq qauauoita'a aca nviquepi arpa qataq aca salterio.
4Qavio'oxoyiñi Ñimaye qauasocheeta'ai' aca nasaquiaxanatapi,
qavio'oxoyiñi qauauoita'a aca nasheerepi
qataq aca nviquepi maye huo'o na lquetpi.
5Qavio'oxoyiñi qauauoita'a ca natoviaxanatacpi,
qavio'oxoyiñi qauauoita'a ca ỹataqta alam natoviaxanatacpi.
6Qaq 'enauac na huo'oi naua la'a'che ñaq ỹo'oxoren qome Ñim Nataxala'.
¡Qaỹo'oxoren qome Ñim Nataxala'!
Currently Selected:
Salmos 150: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.