Salmos 149
149
Ñim Lo'onatac 'Enauacna nacheñi ñi Nta'a
1¡Qaỹo'oxoren qome Ñim Nataxala'!
Qauo'onaxañeeto'ot qome Ñim Nataxala'
qauo'oñi qome ca dalaxaic no'onec,
qavio'oxoyiñi qome da qaualequiitaigui na ỹa'amaqteetac Ñimaye.
2Qami' Israel le'ecpi, qantoñeetapeguec qome Ñim qami' lo'onataqa,
qami' Sión lashe', qantoñiitapeguec qome Ñim Qarta'ai.
3Qauasocheetac qome da qavio'oxoyiñi da le'enaxat Ñimaye,
qataq qauauoita'a aca nasaquiaxanatapi
qataq nviquepi arpa da qauo'onaxañeeto'ot Ñimaye.
4Cha'aye Ñim Nataxala', ỹamaateguet na lalamaxat nhuo' le'ecpi,
qataq no'on naqa'en da lca'alaxa ca qaica ca la'amaqchec.
5Qaq machiguiñi qome nam ỹa'amaqteetac Ñimaye
souaxat da lauegaxanaxac,
qataq do'onaxaatac da huetalec ca lmala'.
6Na'axannec da lavilỹaxac da ỹo'oxoreetac Ñim Lo'onatac 'Enauacna,
qataq nasoqta'a ca ỹeelonec maye dos naua llaqa'ate,
7da yaqto' ỹo'ot ca lvi' da ỹe'eguelaxateguet na ỹotta'a't shiỹaxauapi,
qataq ỹauo'o ca nhuaxanaguec na nhuo' le'ecpi,
8qataq ỹauota'a ca lcat da icoñerai' na lta'alpi namayepi,
qataq ỹauota'a ca npaqtac lcat da icoñerai'
nam huo'o da la'amaqchec namayepi,
9da yaqto' ipacchigui qanqa'en dam lapaqtañi lataxac maye nanettañi.
Qaq damaye nachera da ỹo'ot qome da llo'oxoyec
'enauac nam quetague' Ñimaye.
¡Qaỹo'oxoren qome Ñim Nataxala'!
Currently Selected:
Salmos 149: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.