Psalmen 1
1
Daut ieeschte Buak
(Psalmen 1 – 41)
Woaret Jlekj
1Jesäajent es dee, dee de gottloose äaren Rot nich aunnemt, un nich met Sinda toop opp eenen Wajch jeit, uk nich sett wua de Spetta setten, #Psa 26,4; 119,1; Spr 4,14; Jer 15,17 2dee oba siene Freid aun däm Harn sien Jesaz haft, un sikj Dach un Nacht doamet beschafticht. #Jos 1,8; Psa 119,148
3Dee es soo aus een Boom aum Wotastroom jeplaunt, dee siene Frucht to siene Tiet brinjt, un dän de Bläda nich vewalkjen. Un am jelinjt wautemma hee deit. #Psa 92,13-15; Jer 17,8
4Oba soo sent de gottloose nich; dee sent soo aus Sprie, daut de Wint vestift. 5Doawäajen woaren de gottloose nich en daut Jerecht bestonen un de Sinda nich en de jerajchte äare Jemeenschoft, 6wiels de Har woakt äwa de jerajchte äaren Wajch, oba de gottloose äa Wajch vejeit.
Currently Selected:
Psalmen 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.