Psalmen 2
2
Dän Harn sien Kjennich
1Wuarom sent de Velkja soo wadaspanstich, un de Menschen plonen Dinja wua nuscht doarhinja es? #(1 un 2) Apost 4,25-26; Opb 11,18 2De Kjennichs opp de Ieed saten sikj jäajenaun, un de Leidasch stonen sikj toop jäajen dän Harn un sienen jesaulften Kjennich. 3See sajen: Well wie äare Kjäden tweirieten, un äare Strenj wajchschmieten. #Jer 5,5
4Oba dee waut em Himmel opp däm Troon sett, lacht un moakt an toom Spott. #Psa 59,9 5Hee woat en sienen Oaja to an räden, un an met siene Wutt enjsten. #Jes 34,2; Opb 6,15-17 6Hee sajcht: Opp Zion, mienen heiljen Boajch, hab ekj mienen Kjennich aunjestalt. #Sach 8,3 7Ekj woa daut bekaunt moaken waut de Har beschloten haft: Du best mien Sän. Ekj sie vondoag dien Voda jeworden. #2Sam 7,14; Psa 89,27-28; Apost 13,33; Heb 1,5; 5,5 8Froag mie doano un ekj woa die de Velkja aus Oafgoot jäwen, un du saust de gaunze Welt ieejnen. #Opb 2,27; 12,5; 19,15 9Du saust met eene Iesastang äwa an rejieren. Du saust dee soo aus Leemtap to Grus schlonen.
10Dan siet nu weis, jie Kjennichs, un lot junt trajchtwiesen, jie Rechta opp de Ieed. 11Deent dän Harn ut Forcht, kust dän Sän met zetren, #Flp 2,12; Heb 12,28 12daut hee nich doll woat, un jie dan opp däm Wajch omkomen, wiels sien Oaja es leicht aunjestekjt. Oba goot fa dee, dee äa vetruen opp Gott saten!
Currently Selected:
Psalmen 2: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.