1. Chronik 2
2
Israel (Jakob) siene Säns
(1Mo 35,23-26)
1Israel siene Säns wieren: Ruben, Simeon, Levi, Juda, Isachar, Sebulon, #(1 un 2) 1Mo 35,22-26 2Dan, Josef, Benjamin, Naftali, Gad, Asser.
De Nokomen von Juda.
(1Mo 38,3-7.27-30)
3Juda siene Säns wieren: Er, Onan un Schela. Dise dree worden am von de kanaanitische Fru jebuaren, von Schua siene Dochta. Oba sien ieeschtjebuarna Sän Er deed soont waut däm Harn nich jefoll; un doawäajen leet de Har am stoawen. #1Mo 38,1-7 4Siene Schwieedochta, Tamar, brocht am noch Perez un Serach to Welt; soo daut Juda aules toop fief Säns haud. #1Mo 38,27-30 5Perez siene Säns wieren: Hezron un Hamul. #1Mo 46,12 6Serach siene Säns wieren: Simri, Etan, Heman, Kalkol un Darda. Daut sent aules toop fief. 7Simri haud eenen Sän, dee heet Karmis; un däm sien Sän wia Achan, dee Israel em Ojjlekj brocht, aus hee sikj aun daut vejriepen deed, waut von Gott vebaunt wia. #Jos 7,1-26 8Etan haud uk eenen Sän, dee heet Asarja.
9De Säns, dee Hezron jebuaren worden, wieren: Jerachmeel, Ram un Kaleb. #Rut 4,19-22; 1Chr 2,18.42; Mat 1,3
De Nokomen von Ram
(Rut 4,19-22)
10Ram haud eenen Sän Aminadab. Aminadab haud eenen Sän Nachschon, dee een Staumleida von Juda wia. #4Mo 1,7; 2,3; 7,11-12 11Nachschon haud eenen Sän Salmon. Salmon haud eenen Sän Boas. 12Boas haud eenen Sän Obed. Obed haud eenen Sän Isai. 13Isai haud sienen ieeschtjebuarnen Sän Eliab, un dan Abinadab dän tweeden, Schama dän dredden, #1Sam 16,5-10 14Netanel dän vieeden, Radai dän feften, 15Ozem dän sasten un David dän säwenden. #1Sam 17,12 16Un äare Sestren wieren: Zeruja un Abigal. De Zeruja äare Säns wieren: Abischai, Joab un Asael, dise dree. #2Sam 2,18 17Von Abigal wort Amasa jebuaren. Amasa sien Voda wia Jeter, een Ismaelit. #2Sam 17,25
De Nokomen von Kaleb
18Kaleb, Hezron sien Sän, haud ut siene ieeschte Ehe met Asuba, eene Dochta met Nomen Jeriot. Un dee äare Säns wieren: Jescher, Schobab un Ardon. #1Chr 2,9.42 19Aus Asuba storf, befried Kaleb sikj met Efrata, un von dee wort Hur jebuaren. #1Chr 2,50 20Hur haud eenen Sän Uri, un Uri haud eenen Sän Bezalel. #2Mo 31,2 21No däm befried Hezron sikj noch eemol em ella von 60 Joa. Un siene Fru wia eene Dochta von Machir, däm Staumvoda von Gilead. Un dee brocht am noch Segub to Welt. 22Segub haud eenen Sän Jair, dee 23 Städa em Launt Gilead haud. #(22 un 1Chr 23,23)Rech 10,3-6; 1Kjen 4,13 23Oba de Geschurita un Aramäa neemen an de “Jair Darpa” wajch, un doatoo noch de Staut Kenat met aul de Siedlungen waut doatoo jehieeden, aules toop 60 Siedlungen, waut aula Machir siene Nokomen jehieeden. 24No däm daut Hezron jestorwen wia, kjeem Kaleb to Efrata, sien Voda Hezron siene Fru, un dee brocht am Aschhur dän Voda von Tekoa to Welt. #1Chr 4,5
De Nokomen von Jerachmeel
25Jerachmeel, de ieeschtjebuarna Sän von Hezron, haud siene Säns soo no de Rieej: Ram de ieeschtjebuarna, un dan Buna, Oren, Ozem un Ahija. #1Chr 2,9 26Un Jerachmeel haud noch eene tweede Fru, dee heet Atara; un daut wia de Mutta von Onam. 27De Säns von Ram, däm ieeschtjebuarnen Sän von Jerachmeel, wieren: Maaz, Jamin un Eker. 28Onam siene Säns wieren: Schamai un Jada. Un Schamai siene Säns wieren: Nadab un Abischur. 29Abischur siene Fru heet Abihajil; un von dee worden am Achban un Molid jebuaren. 30Nadab siene Säns wieren: Seled un Apajim. Un Seled storf onen daut hee Säns hinjaleet. 31Apajim sien Sän wia Jischi. Jischi sien Sän wia Scheschan, un Scheschan sien Sän wia Achlai. 32Jada, de Brooda von Schamai, haud twee Säns: Jeter un Jonatan. Jeter oba storf onen Kjinja. 33Jonatan siene Säns wieren: Pelet un Sasa. Dit wieren aules Nokomen von Jerachmeel.
34Scheschan oba haud kjeene Säns, bloos Dajchta. Hee haud oba eenen ägiptischen Sklow, dee heet Jarha. #(34 un 35) 1Chr 2,31; 4Mo 27,7 35Un Scheschan jeef sienen Sklow Jarha eene Dochta to Fru; un von dee wort Atai jebuaren. 36Atai haud eenen Sän Natan. Natan haud eenen Sän Sabad. 37Sabad haud eenen Sän Eflal. Eflal haud eenen Sän Obed. 38Obed haud eenen Sän Jehu. Jehu haud eenen Sän Asarja. 39Asarja haud eenen Sän Helez. Helez haud eenen Sän Elasa. 40Elasa haud eenen Sän Sismai. Sismai haud eenen Sän Schalum. 41Schalum haud eenen Sän Jekamja. Un Jekamja haud eenen Sän Elischama.
De wiedre Listen von Kaleb siene Nokomen
42Jerachmeel sienen Brooda Kaleb siene Säns wieren: Mescha, sien ieeschtjebuarna Sän, Sif sien Voda, un aus tweeda Marescha, dee de Staumvoda von Hebron wia. #1Chr 2,18 43Hebron siene Säns wieren: Korach, Tapuach, Rekem un Schema. 44Schema haud eenen Sän Raham, dän Voda von Jorkoam. Rekem haud eenen Sän Schamai. 45Schamai sien Sän heet Maon, un Maon wia de Voda von Bet Zur. 46Efa, de Näbenfru von Kaleb, brocht am dise Säns to Welt: Haran, Moza un Gases. Un Haran haud eenen Sän Gases. 47Jahdai siene Säns wieren: Regem, Jotam, Geschan, Pelet, Efa un Schaaf. 48Maacha, de Näbenfru von Kaleb, brocht am Scheber un Tirhana to Welt, 49un uk Schaaf, dän Voda von Madmana, un Schewa, dän Voda von Machbena un dän Voda von Gibea. Un Achsa wia Kaleb siene Dochta. #Jos 15,16; Rech 1,12 50Dit wieren de Säns von Kaleb. Hur, däm ieeschtjebuarnen Sän von de Efrata, siene Säns wieren: Schobal, de Voda von Kirjat Jearim, #1Chr 2,19 51Salmon, de Voda von Betlehem, Haref, de Voda von Bet Gader. 52Un Schobal, de Voda von Kirjat Jearim, haud aus Nokomen: Reaja un de Halft von de Enwona en Manahat. 53De Volkjsgruppen von Kirjat Jearim wieren: De Jeterita, Puttita, Schumatita un Mischraita. Von dise sent de Zoratita un Eschtaolita häajekomen. #1Chr 4,2
54Salmon siene Säns wieren: De Enwona von Betlehem, von Netofa, un Atrot Bet Joab un de Halft von de Enwona en Manahat, daut sent de Zoratita. #1Chr 9,16 55Un de Volkjsgruppen un de Schriewa, waut en Jabez wonden, sent de Tiratita, Schimatita un Suchatita. Daut sent de Kinita, waut von Hamat jekomen sent, däm Voda von de Rechabita. #Jer 35,1-11
Currently Selected:
1. Chronik 2: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.