Exodo 20
20
Ang Napulo ka Sugo
(Deut. 5:1-21)
1Ang Dios misulti ug mao kini ang iyang giingon: 2“Ako ang Ginoo nga inyong Dios nga nagkuha kaninyo gikan sa Ehipto diin kamo naulipon.
3“Ayaw pagsimba ug laing dios gawas kanako.
4“Ayaw#Exo. 34:17; Lev. 19:4; 26:1; Deut. 4:15-18; 27:15. pagbuhat ug diosdios o larawan sa bisan unsa didto sa langit o dinhi sa yuta o diha sa tubig nga anaa ilalom sa yuta. 5Ayaw#Exo. 34:6-7; Num. 14:18; Deut. 7:9-10. pagyukbo sa bisan unsang diosdios o pagsimba niini kay ako ang Ginoo nga inyong Dios ug abubhoan ako. Silotan ko kadtong nagsalikway kanako lakip ang ilang mga kaliwat hangtod sa ikatulo ug ikaupat nga kaliwatan. 6Apan ang nahigugma kanako ug nagtuman sa akong mga sugo, higugmaon ko hangtod sa linibo ka mga kaliwatan.
7“Ayaw#Lev. 19:12. pasipad-i paggamit ang akong ngalan. Ako si Yahweh nga inyong Dios. Silotan ko si bisan kinsa nga magpasipala sa akong ngalan.
8“Hinumdomi#Exo. 16:23-30; 31:12-14. ang Adlaw nga Igpapahulay ug ilha kini nga balaan. 9Makatrabaho#Exo. 23:12; 31:15; 34:21; 35:2; Lev. 23:3. kamo sulod sa unom ka adlaw 10apan ang ikapitong adlaw mao ang Adlawng Igpapahulay nga gigahin alang kanako. Ayaw kamo pagtrabaho nianang adlawa o ang inyong mga anak, mga ulipon, mga kahayopan ug ang mga langyaw nga nagpuyo sa inyong mga lungsod. 11Sulod#Gen. 2:1-3; Exo. 31:17. sa unom ka adlaw gibuhat ko ang langit, ang yuta, ang kadagatan ug ang tanan nga anaa niini ug mipahulay ako sa ikapitong adlaw. Busa gipanalanginan ko ang Adlawng Igpapahulay ug gibalaan kini.
12“Tahora#Deut. 27:16; Mat. 15:4; 19:19; Mar. 7:10; 10:19; Luc. 18:20; Ef. 6:2; Ef. 6:3. ang inyong amahan ug inahan aron motaas ang inyong kinabuhi diha sa yuta nga gihatag kaninyo sa Ginoo nga inyong Dios.
13“Ayaw#Gen. 9:6; Lev. 24:17; Mat. 5:21; 19:18; Mar. 10:19; Luc. 18:20; Rom. 13:9; San. 2:11. kamo pagpatay.
14“Ayaw#Lev. 20:10; Mat. 5:27; 19:18; Mar. 10:19; Luc. 18:20; Rom. 13:9; San. 2:11. kamo panapaw.
15“Ayaw#Lev. 19:11; Mat. 19:18; Mar. 10:19; Luc. 18:20; Rom. 13:9. kamo pangawat.
16“Ayaw#Exo. 23:1; Mat. 19:18; Mar. 10:19; Luc. 18:20. kamo pagbutangbutang sa inyong isigkatawo.
17“Ayaw#Rom. 7:7; 13:9. kamo kaibog sa balay sa laing tawo o sa iyang asawa o sa iyang mga ulipon o sa iyang mga baka, sa iyang mga asno o sa bisan unsa nga iyaha.”
Nahadlok ang mga Tawo
(Deut. 5:22-33)
18Sa#Heb. 12:18-19. dihang nadungog sa mga tawo ang dalugdog ug ang lanog sa trumpeta ug nakita nila ang kilat ug ang nag-aso nga bukid, nangurog sila sa kahadlok ug nagpaantaw sa layo. 19Miingon sila kang Moises, “Sulti kanamo ug mamati kami. Apan ayaw pasultiha ang Dios kanamo aron dili kami mangamatay.”
20Si Moises miingon sa katawhan, “Ayaw kamo kalisang kay mianhi ang Dios aron pagsulay kaninyo ug aron magpadayon kamo sa pagbaton ug kahadlok kaniya aron dili kamo magpakasala.” 21Apan ang katawhan nagpaantaw lang gihapon sa layo ug si Moises lamang ang miduol sa dagtom nga panganod diin didto ang Dios.
Ang mga Balaod mahitungod sa mga Halaran
22Ang Ginoo miingon kang Moises, “Ingna ang mga Israelita: Nahibaloan ninyo nga ako nakigsulti kaninyo gikan sa langit. 23Ayaw kamo pagbuhat ug mga diosdios nga plata o bulawan aron inyong simbahon uban kanako. 24Paghimo kamog halaran nga yuta ug anha ihalad ang inyong halad-sunogon ug ang inyong halad sa pakigdait, ang inyong mga karnero ug mga baka. Simbaha ako sa dapit nga itudlo ko kaninyo ug moanha ako kaninyo ug panalanginan ko kamo. 25Kon#Deut. 27:5-7; Jos. 8:31. maghimo kamog halaran nga bato alang kanako, ayaw gamita ang mga bato nga sinapsapan kay kon kadapatan kinig silsil, gihimo ninyo kini nga dili na angay kanako. 26Ayaw kamo pagtukod ug halaran alang kanako nga may mga hagdanan. Kon buhaton ninyo kini makita ang inyong pagkahubo inigsaka ninyo niini.”
Currently Selected:
Exodo 20: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society