Lv 1
1
Chojb'il k'ok'sb'il
1Txkonjtz Moyses tu'n Qman Dyos toju' Ja te Mujb'ab'ltib'il ex tzaj tma'n te:
2Yolina kyuk'i'l aj Israel, q'manxa kye qa ati jun matzaj tiq'i'n toyaj kyi'ju' alu'mj weye', ati tu'n ttzaj tiq'i'n kyi'ju' twakyix mujqa kyi'ju' trit.
3Qa kyi'ju' twakyix sela'ju' alu'mj kb'eltq'o'n te chojb'il k'ok'sb'il, jun tman wakx mixti' ttzakajil. Tu'ntzun tk'met te, ati tu'n tkub' tq'o'n nwitze' ttziju' Ja te Mujb'ab'ltib'il, 4kb'el tq'o'nju' tq'ob' tib'aj twi'ju' alu'mj, iktzun kk'metela' alu'mju' tu'n tnajsetju' til. 5Kb'el tb'yo'nju' tman wakx nwitze', aye'tzuntlju' pale tk'wal Aaron ajtkub' kyq'o'nju' chik' nwitze', kb'el kywitxk'a'n tib'aj ex ti'jileju' q'olb'eb'l ati ttziju' Ja te Mujb'ab'ltib'il. 6Aju' kb'el q'onte alu'mj te chojb'il k'ok'sb'il, k'elel tiq'i'nju' ttz'umal, kb'ajel tpẍu'ntzuntz, 7aye'tzunju' pale kb'el kynk'u'nju' si tib'aju' q'olb'eb'l ex k'okyil kyq'o'n tq'aq'al, 8tu'ntzun tkub' kyq'o'nju' alu'mj pẍu'nl exju' twi' tib'aj, exju' unt kyi'ju' t-xqintxa. 9Aju' kb'el q'onte chojb'il k'ok'sb'il, kche ttxja'ju' t-xqintxa exju' tkux alu'mj, atzunju' pale kb'el tz'e'ysante tkyaqil tib'aj q'olb'eb'l te jun oyaj tz'e'ysa'n tb'anil tk'ok'jal weye'.
10Qatzun kyi'ju' trit mujqa kyi'ju' tchib' sela'ju' alu'mj kb'eltq'o'n te chojb'il k'ok'sb'il, tmanju' ktzajel tiq'i'n mixti' ttzakajil, 11ex kb'el tb'yo'n toj tnayajkya'j teju' q'olb'eb'l nwitze'. Aye'tzunju' pale tk'wal Aaron kb'el kywitxk'a'n tchk'elju' alu'mj tib'aj ex ti'jeleju' q'olb'eb'l; 12ex kb'el tpẍu'nju' alu'mj toj tx'naji'n, atzunju' pale kb'el nk'unteju' alu'mj pẍu'nl tib'aju' si ink'ant tib'aj q'olb'eb'l junx tuk'i'lju' twi' exju' unt kyi'ju' t-xqintxa. 13Yajxi'tzuntel aju' kb'el q'onte chojb'il k'ok'sb'il kb'ajel ttxjo'nju' t-xqintxaju' alu'mj exqe'ju' tkux, atzunju' pale kb'el tz'e'ysante tkyaqil tib'aj q'olb'eb'l te jun oyaj k'ok'j weye'.
14Qatzun pich'ju' alu'mj kb'eltq'o'n te chojb'il k'ok'sb'il te ninb'ilweye', jun palomste' ktzajel tiq'i'n mujqa xlak'uk'. 15Kb'eltq'o'n paleju' pich' tib'aju' q'olb'eb'l: k'elel tiq'i'nju' twi' ex k'elel tiq'i'nju' tchk'el toj jun plaj teju' q'olb'eb'l, yajxi'tzuntel kb'el ttz'e'ysa'n t-xmilalju' pich' tib'aj. 16K'elel tiq'i'nju' twab'l exju' ati toj ex kb'eltq'o'n toju' plaj tjawetzq'ij teju' q'olb'eb'l ja inkub'a' q'eta'ju' tza'j; 17kb'elex taq'pu'n ttzitk'u'ju' pich' tu'n t-xi' aq'puj toj kab'e', kb'el ttz'e'ysa'ntzuntz tib'aju' si tib'aj q'olb'eb'l te chojb'il k'ok'sb'il, te jun oyaj tz'e'ysa'n tb'anil tk'ok'jal weye', chiku'ya kye, chi Qman Dyos te Moyses.
Currently Selected:
Lv 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999