Mal 3
3
1Chi Qman Dyos nimtipumal kjalu: Kxel nsma'ne' nsanjelale' tu'n tkub'nej nwitze' b'inchalteju' b'e. ¡Aju' Dyos Manb'aj nche jyone' ti'j, lwiyxi'x k'okyix toju' tja te k'u'lb'il; ch'inxtl tulju' sanjelal q'malteju' yol kyejni b'entti'j kyuk'i'le', aju' nche ayone' ti'j!
2¿Alxixlokye kweb'el twitz toju' q'ij ajtul? ¿Alxixkye kb'antel twe' twitz ajtul? Qu'n tzul kse'n jun q'aq', ẍtilsalqe; ikyk'okyela' kse'n jun q'eq, kb'je'lel tiq'i'n qtz'ilil. 3Kb'el qe Qman Dyos ẍtilsalkyeju' pale, tyajajil Leb'i, kse'n xjal nokxtq'o'n q'anpwaq ex saqpwaq toj q'aq' tu'n t-ẍtilset. Yajxi'tzuntl b'a'n tu'n tkub' kyq'o'n kyoyaj twitz Qman Dyos kse'nxju' tu'me'l. 4Oktzun tzalajel Qman Dyostz ti'ju' kyoyaj aj Juda ex aj Jerusalen, kse'nx intoq tzalaj ti'j nejtl.
5Chi Qman Dyos nimtipumal kjalu: Chin nule' xjelul kyeye'. Ex ikx chin okyile' tziyalkyeju' ajk'a, e'ajpajil, exqe' ntzaj kyna'n tb'i Dyos ti'ju' mya ax, exqe' nche kub' kyjtz'o'n aq'unal, exqe' qya kyimni kychmil ex meb'a, exqe' nche okten yajulkye najchaq xjal, exqe' min nche niman weye', chi Dyos.
Aju' tlajoji'n tnej exqe' oyaj
6Ayinweju'ye' Dyos Manb'aj. Na'mx nch'exb'ete'. Qu'npena'tzun na'mx kynaje' tyajajil Jakob'. 7Mache el txalpuje' kyi'ju' nchaq'b'ile', kse'n telkypa'nkyib' ojtxi' kychmane', ex min nche kynima'ne'. Nxinma'ne' kyeye' ayine' Dyos Manb'aj nimwipumale': ¡Kukyajtle' wuk'i'le' ex k'anjetztl tink'u'je' kyi'je'! Aye'tzunkye' nkyma'ne': ¿Tiqu'n k'anjela'tlqi'je' tk'etza? 8Atzunwe' nchin xjelune': ¿Ma b'a'ntzun tu'n talq'an jun xjal ti'j Dyos? ¡Matxina' chin kub'kyalq'a'nkye'! Extzun ntzaj kyqani'ntle': ¿Ti'tzu'n matxi' kub' qelq'a'ne' teya? chechije'. ¡Matxi' kub'kyelq'a'ne' tlajoji'n tnej exqe' oyaj! 9Iku', tkyaqilju' nintnam ex kykyaqile' nche kub' alq'anweye', qu'mtzun ktzajel nq'o'ne' taq'wix kyib'aje'. Ayine' Dyos Manb'aj nimwipumale' nchin yolin: 10Kyiq'intze' kyoyaje' tlajoji'n tnej toju' k'uwenj toj njaye', tu'ntzun tten wab'j toj njaye'. Tzik' kywitze' wi'je' tu'n ja'lu, atzun kyile' qa min ẍenjaqe' tjpel kya'j tu'n ttzaj ntzaqpi'ne' ky'i'wb'il kyib'aje'. 11Lay waje' tu'ntb'aju' twitz kyawale' ex tqan kyawale' tu'n soj. 12Kykyaqil xjal kyoj nimaqtnam kyma'n kyeye' qa majx b'a'n ta'qe'ye', qu'n achb'ajilixi'x ktenb'ela' kytx'otx'e'. Ayine' Dyos Manb'aj matxi' chin q'mante.
Q'aq'an tk'u'j Dyos kyi'ju' ttanam
13Chi Qman Dyos kjalu: Matxi' kyma kyole' kuwxi'x wi'je'. Extzun nkyqani'ntle' kjalu: ¿Ti'tzu'n taq'wix matxi' qmaye' ti'ja? chechije'. 14A oje kymaye' wi'je' kjalu: Mixti'xte' tajb'en tu'n qajb'en te Dyos. ¿Tixi'xti' qkanb'a' qama txiqb'i'ncha'n ntchaq'u'n qe, tu'n qb'et toj b'is twitz Qman Dyos nimtipumal? 15Matxi' qile' tzalajb'il ta'qe' nkynima'n kyib', b'a'n nche ela' ti'xti' kyu'n b'inchal myab'a'n, nkub' kyq'o'n Dyos toj joyb'ilti'j ex min ntzaj jun tz'e'ysb'il kywitz, chechije'.
16(Eb'ajtzun yolinju' nche niman te Dyos kyxolilex, inxi'xtoq b'in Qman Dyos ti'ju' ntoq kyma'n. Ex kub' tz'ib'a'n jun u'j twitzku' Qman Dyos, intoq tma'n tu'n ttzaj na'n kyeju' nche niman te Dyos ex nche ximan ti'j.)
17Ntma'n Qman Dyos nimtipumal kjalu: Kjel b'ent jun q'ij wu'ne' tu'n kyok jumajtl te ntaname'. Kse'n jun manb'aj ntzaj laqtk'u'j ti'ju' tk'wal najb'en te, ikytzu'n ktzajel q'aq'an nk'u'je' kyi'j. 18K'eleltzun jumajtl kynik'tze' qa mya junju' b'a'n tuk'i'lju' myab'a'n, mya junxju' nk'ulun te Dyos tuk'i'lju' min nk'ulun te Dyos.
Currently Selected:
Mal 3: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999