Jon CHIK'B'AB'L
CHIK'B'AB'L
Aju' u'j lu naq jun tx'olb'ab'l, mikxa'tlu' kse'nqeju' txqantl u'j tz'ib'a'n kyu'nju' t-sanjelal Dyos aj nche' yolin ti'j jun pakb'ab'l. Atzu' nyolina' ti'j Jonas aj mixti'toq japunju' tchaq'b'il Dyos tu'n, tej txi' chq'o'n pakb'alte tyol Dyos kye xjal te Ninib'e tu'n tanjtzti'j kyanmi (cap. 1) Ch'inxtlmi kyima' tu'n tpaj min xitb'incha'n tzajtma'n Dyos te, naqtzun aju' lwiy anjtzti'j tk'u'j ex xi'tzuntz b'inchalte ojetoq tchaq' Dyos te, xi' toju' nintnam ex atzuntzu' xa' tpakb'ana' tyol Dyos kyeju' xjal tu'n tanjtz ti'j kyanmi. Yajxi'tzuntel tzaj ttx'u'jil tu'n tpaj mixti' b'aj kyi'ju' xjal kse'nju' matxitoq txitpakb'a'n, qu'n anjtzna' ti'j kyanmi, qu'mtzun mixti'x kub' tz'e'ysa'n kwitz tu'n Dyos (caps. 2 ex 3). B'ajtzun tzak'u'n tu'n Dyos tuk'i'l jun techlal tu'n tpaj tzaj toj twitz tu'n min kub' tz'e'ysa'n kwitzju' xjal toj Ninib'e.
Aju' u'j lu nyolin ti'ju' toklen Dyos nimin kyib'aju' tch'isb'en, expe' nyolin ti'ju' tk'u'jlalil ex tu'nju' ntzaj laqj tk'u'j Dyos kyi'j xjal. Qama tz'anjtz ti'j kyanmi xjal, nkub'najsa'n kyil tu'n Dyos maskyepe' ajq'ojqe' ti'ju' ttanam, ilti'j nche' klet tu'n, na'mxtoq tkub' tz'e'ysa'n kwitz. Tzaj xitb'il toj tnami Jonas tu'n tpaj atzu' ok qeya' tk'u'j tijx tib'xtib', ex tu'n tpaja tzaj laqj tk'u'j Dyos kyi'ju' xjal najlqe' Ninib'e, qu'n atoq tajb'ilju' tu'n lalun che kletju' xjal lu, o'kxtaq tajb'ilju' tu'n kyklet aj Israel.
Currently Selected:
Jon CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999