Jer CHIK'B'AB'L
CHIK'B'AB'L
Anq'in Jeremiy, t-sanjelal Dyos, toju' b'ajsb'il tq'ijlalilju' kawb'il toj Juda, tb'aju' junk'al o'lajnaq (700) ab'q'i ex ttzyetu' junk'al lajnaq (600) ab'q'i na'mxtoq tul Qajaw. Oktilil tab'tzij tu'n kye aj Israel ti'ju' jun yajb'il kuwxi'x che ik'ela'toq tu'n tpaju' kyil ex kywitzleb'i'n. Til tej ttxolinjti'j ex tjyetju' Jerusalen, ex til toj tkamaji'n tej tkub' xitu'n nintnam ex tja Dyos, ex tej kyb'je'x q'i'n nimaqkawil kyuk'i'lxi' txqan aj Israel toj juntl tnam. Ex ikx tmapun tu'n tanjtztl kyi'ju' eb'je'xq'i'n exqa kjawil b'incha'n jumajtlju' nintnam.
In aq'puju' u'j lu toj kyaje': Tnejel: tnej jun tzmax toj junaqjo' (caps. 1-25) nyolin ti'ju' ttxkonjtz Jeremiy exju' tpakb'ab'l toj kyq'ijlalilju' b'ajsb'il nimaqkawil toj Juda. Tkab': tnej junaq qaq tzmajx toj kab'naqjo' (caps. 26-45) nyolin kyi'ju' tqanil e'ajb'en tu'n t-sanjelal Dyos. Tz'ib'a'nqe' tu'n B'aruk ttz'ib'al, ex nim pakb'ab'l tku'qe'x toj. Toxi'n: tnej kab'naq qaq tzmax toj kab'naq junlajoj (caps. 46-51) jatku'xa'qe' pakb'ab'l nche yolin kyi'ju' nimaqtnam. Tkyaji'n: aju' tnej kab'naq kab'lajoj (cap. 52) juntl tz'aqtzb'ilte nyolin ti'ju' tej tkub'ti'j Jerusalen ex tej kyb'ajx q'i'n B'ab'ilon.
Min tenxi'x Jeremiy kyxol prow. Atzu'n tpakb'ab'l kuw ex tma tqanil xitb'il tib'aju' tnam tu'n tpaju' min nche b'in te Dyos, min k'monjtzu' tpakb'ab'l kyu'n xjal, el ik'o'n ex e'jaw q'ojin ti'j. Jun xjalte' Jeremiy min tnima'ntib' ex inxi'x tk'u'jla'n ttanam, extzun mya k'mo'n kyu'n t-xjalil, tna'tzun jun kuwal toj tanmi. Atzu'n tyol Dyos naku'j q'aq' nxi'x jayun toj tanmi, mixtoqti'x nqjen tyolin ti'j (ver. 20.9).
Ntma'n toju' tuj qa tzak'unju' t-sanjelal Dyos kuwxi'x kyeju' tnam tu'n tpaj kyil kse'n ajpaji'n (cap. 3) ex tma tqanilju' ak'a'j yol kb'eltoq tq'o'n Qman Dyos tuk'i'lju' ttanam. Laytzun tz'ojqelantl tu'n tok jun xnaq'tzalkye mujqa tu'n t-xnaq'tzan junjun te juntl, qu'n ktenb'elte' tchaq'b'il Dyos tojile tnab'l ex tojile tanmi junjun, (cap. 31).
Currently Selected:
Jer CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999