1 R 5
5
Kyej b'entti'j tyol Salomon tuk'i'l Iram nimaqkawil toj Tiro
(2 Cr 2.1-18)
1Tej tb'inte Iram nimaqkawil toj Tiro, qa ojetoq tz'ok q'o'n Salomon nimaqkawil te t-xel Dab'i ju' tman, e'tzaj tchq'o'n t-xel toju' tkawb'il, qu'n kyetoq kyten Iram tuk'i'l Dab'i. 2Xi'tzun tma'n Salomon tq'umli te Iram ikjalu: 3B'i'ntl tu'na qa mixti' xtb'incha nmane' Dab'i jun ja te Qman Dyos tu'n tpaju' q'oj kyxol kyuk'i'lju' tajq'oj, tzmaxi'j xkub' kyi'ju' tajq'oj tu'n Qman Dyos. 4Atzu'n ja'lo matxi' tzaj tq'o'n Qman Dyos nak'b'il toj tkyaqil plaj, qu'n mixti' qajq'oje ex yajb'il ja'lo. 5Matxitzun kub' nxima'ne' tu'n tjaw nb'incha'ne' jun tja Qman Dyos, kse'nxju' kyej ttziya'n te nmane' Dab'i qa aju' tk'wal, ju' matz'ok tq'o'n te nimaqkawil te t-xel toju' tq'uqb'il, kjawil b'inchante jun ja te ninb'ilte. 6Q'manxtzuna kyeju' tmajina, tu'n tkub' kytx'e'mu'nju' tze k'ute twi' witz Lib'ano. Che onilju' nmajine' kyuk'i'lju' tmajina, ex kxel nchjo'nwe' teya jte' matqaniya twikyk'u'ju' tmajina, qu'n b'i'nxi'x tu'na mix-alo' junqe' qxol b'a'n tx'emun tze kse'nkye aj Sidon, chij.
7Tetzunj tb'inte Iram tyol Salomon, jaw tzalaj ex jaw lab'ti: ¡Nimanjtzxwitju' Qman Dyos ja'lo, qu'n matzaj tq'o'n jun tk'wal Dab'i atixi'x tnab'l tu'n tkawin toju' nintnam lu! chij.
8Tzajtzun tma'n tq'umli Iram te Salomon: Matxi' nk'ame' tzaj t-sma'n tq'umliya weye', ex knb'incha'ju'ye' ntqani'na tu'n kytx'emetu' tze k'ute ex tzaj. 9Kb'eletz kyiq'i'nju' nmanjine' twi' witz Lib'ano tu'n tku'pun tzmax ttzi ninnjab', kxel nma'ntzuntze' kye tu'n t-xikyiq'i'n tib'aj ninnjab' tu'n tpon tzmax jatajb'ila'ya tu'n tpona'. Kxel tiq'i'ntzuntza. Atzunta a tu'n tb'inchanteju'ya aju' tu'n tq'onteya wab'j k'ajb'el toju' njaye' te kawb'il, chij.
10Qu'mtzun, xitq'o'n Iram tkyaqilju' tze k'ute ex tzaj ajb'en te Salomon, 11xitzun tq'o'n Salomon wab'j te Iram tu'n tajb'en toju' tja te kawb'il: junk'al wuqnaq lajmutx' (4,400,000) litr triy ex junlajk'al (4,400) litr aseyt-xi'x olib'a. Intoq xitq'o'n Salomon ja'lu te Iram atl junjun ab'q'i. 12Iktzu'n, tzajtq'o'n Qman Dyos tnab'l Salomon, kse'nx ojetoq ttziya te. Expe' kyej b'entti'j jun kyyol Salomon tuk'i'l Iram ex ten nak'b'il kyxol.
13Etztzun tq'o'n nimaqkawil Salomon jun chaq'b'il tu'n kyaq'unan kykyaqilju' xjal ilxi'xti'j toj tkyaqilju' tnam Israel, tojtzu'n chaq'b'il lu eb'aj b'u'yi'n oxmutx' o'lajk'al (30,000) ichan, 14aye'tzun eb'ajx chq'o'nju' twi' witz Lib'ano toj tneji'n atl jun xjaw, te junmutx' jo'k'alchaq (10,000) ichan junjun tnej. Iktzu'n jun xjawchaq inche tenju' ichan lu twi' witz Lib'ano, atzun kab'e' xjawchaq nche ten kyja, a Adoniram okq'o'n te nejenel ti'ju' aq'untl ilxi'xti'j.
15Expe' e'oktq'o'n Salomon wajxaqmutx' o'lajk'al (70,000) xjal iqal ex lajmutx' (80,000) pa'l ab'j twi' witz, 16kyi'jxi'tzuntl ja'lu ate'toq wajxaqk'al jo'naq (3,300) ka'yilkye aq'unal.
17Tchaq' nimaqkawil tu'n kytzaj iq'i'n nimaq ab'j twi' wi'yal ex ab'j jso'n kywitz te tq'uqlilju' tja Dyos. 18B'aj kynab'e'n b'inchal ja tmajin Salomon ex tmajin Iram, exqe' najlqe' nqayin tk'etz toj Web'al, ttzeylal ex b'aj kyb'incha'n ab'j tu'n tb'inchetju' tja Dyos.
Currently Selected:
1 R 5: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999