EFESOARREI 2
2
Kristok dohain hutsez salbatu
1Zuei dagokizuenez, hilik zeundeten zeuen hutsegite eta bekatuetan,#bekatuengatik hilik 2,5; Kol 2,13. 2hori baitzen zuen jokabidea garai batean, mundu honen joerei jarraituz: munduan agintzen duten indarren buruzagiaren menpeko#2,2 munduan… menpeko: H.h., aireko boterearen buruzagiaren menpeko. Airea edo eguratsa espiritu gaiztoen bizilekua zen; ik. 1,21 oh. zineten, jende errebeldeagan ari den espirituaren menpeko.#mundu honen joerei jarraituz 5,8; Kol 3,7; Tt 3,3. indarren buruzagiaren menpeko 6,12; Jn 12,31; 2 Ko 4,4. 3Gu guztiok ere hala bizi izan ginen lehen: geure giza grina txarrei jarraituz, geure grina eta burutapen gaiztoek agindutakoa betez; izatez, guk ere Jainkoaren zigorra merezi genuen, beste guztiek bezala.#Jainkoaren zigorra Erm 1,18; 2,3; 3,9.20.23; Kol 3,6. 4Baina Jainkoak, hain baita errukitsua eta halako maitasun neurrigabez maitatu baikaitu, 5geure bekatuengatik hilik geundelarik, bizia eman zigun Kristorekin batera —onginahi hutsez salbatu zaituzte!—;#bizia eman zigun Lk 15,24.32; Erm 6,13. onginahi hutsez salbatuak 2,8; Eg 15,11; Erm 3,24; Ga 2,16. 6eta Kristo Jesusekin batera eta berarengan piztu gintuen eta zeruetan eserarazi.#Kristorengan piztu Kol 2,12; 3,1-4. 7Horrela, Kristo Jesusengan gurekiko hain ona izanez agertu nahi izan die datozen gizaldiei zein ugaria eta eskuzabala den bere onginahia. 8Dohain hutsez zarete salbatuak sinesmenaren bidez; eta hau ez dator zuengandik, baizik eta Jainkoaren emaitza da; 9ez dator egintzetatik, inor harro ez dadin.#ez dator egintzetatik Erm 3,28; 2 Tm 1,9; Tt 3,5. inor harro ez dadin 1 Ko 1,29; Ga 6,14. 10Izan ere, Jainkoak eginak gara; Kristo Jesusengan sortu gaitu, on egiten saia gaitezen, Jainkoak guretzat aurrez erabakia zuen bezala.#Kristorengan sortuak 2 Ko 5,17; Ga 6,15; Tt 2,14.
Kristo bakegile eta batasungile
11Zuei, jaiotzaz#2,11 jaiotzaz: H.h., haragiz; ik. Erm 7,18 oh. jentil zaretenoi, juduek, gorputzean egina duten erdainkuntzagatik «erdainduak» direneko horiek, «erdaingabe» deitzen zizueten. Ez ahaztu#erdaingabeak, erdainduak 5,8; Erm 11,17; Kol 2,11. 12lehenago ez zenutela Mesiasik, ezta parterik ere Israel herriko eskubideetan; ez zenutela zerikusirik Jainkoaren agintzari eta itunekin, eta itxaropenik gabe eta Jainkoa gabe bizi zinetela munduan.#Israel herriko eskubideetan parterik ez Erm 9,4-5; Kol 1,21. 13Orain, berriz, Kristo Jesusenak eginik, garai batean urruti zinetenok, hurbildu egin zarete Kristoren heriotzari esker.#hurbildu egin zarete Is 57,19. Kristoren heriotzari esker 1,7; Kol 1,20.
14Izan ere, Kristo da gure bakea. Bat egin ditu berak bi herriak, bereizten zituen etsaigoaren hesia deseginez. Bere gorputzean#Kristo gure bakea Is 9,16; Kol 1,20. Bat egin ditu bi herriak 1 Ko 12,13; Ga 3,28. 15baliogabetu egin du legea bere agindu eta arauekin, eta bi herriekin gizadi berri bakarra sortu du bere baitan, bakeak eginez.#baliogabetu egin legea Kol 2,14. gizadi berria 4,24; 2 Ko 5,17; Kol 3,10. 16Bi herriak Jainkoarekin adiskidetu ditu eta gurutzeko heriotzaren bidez gorputz bakar batean elkartu, beraien arteko etsaigoa suntsituz.#Bi herriak Jainkoarekin adiskidetu Erm 5,10-11; 11,15; 2 Ko 5,18-20; Kol 1,20-22. 17Bere etorrerarekin bakearen berri ona hots egin zigun: bakea zuei, urruti zinetenoi, eta bakea hurbil zirenei#2,17 hurbil zirenei: Juduak eta jentilak lehen egoera desberdinetan zeudela esan nahi du, baina orain, Kristori esker, egoera hura gainditua dela..#bakearen berri ona Is 52,7; 57,19. 18Zeren bai batzuk eta bai besteok hurbil baikaitezke Aitarengana Espiritu berarengan elkarturik.#hurbil gaitezke Aitarengana 3,12; Erm 5,2; Ga 4,6; Heb 4,16.
19Ez zarete, beraz, ez arrotz, ez atzerritar, Jainkoaren herriko kide#2,19 Jainkoaren herriko kide: H.h., santuen herrikide; ik. 1 Ko 1,2 oh. baizik eta Jainkoaren familiako,#Jainkoaren herriko kide 3,6; Flp 3,20; Heb 12,22-23. 20apostolu eta profeten oinarri gainean eraikiak, Kristo Jesus bera giltzarri delarik.#apostoluen oinarri gainean 3,5; Mt 16,18; Ap 21,14. Kristo giltzarri Is 28,16; 1 Ko 3,11; 1 P 2,4-6. 21Kristo Jaunarengan ongi finkaturik, eraikin osoa haziz doa, Jainkoari sagaraturiko tenplu bihurtzeraino.#Kristorengan finkaturik, haziz 4,11-16; Kol 2,19. Jaunaren tenplu 1 Ko 3,16; 2 Ko 6,16. 22Kristoren bitartez, eraikinaren parte zarete zuek ere besteekin batera, Espirituak eraginda Jainkoaren bizileku bihurtzeraino.#eraikinaren parte 1 P 2,5.
Currently Selected:
EFESOARREI 2: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso