ŊAƁTA 34
34
Jar-liyna vi nagat Kanaan
1Ma-Vatɗina di tam Musus: 2Naŋ ma di tam gurona vi Israyel ala: Hay li ma nigi coowa hay nagata Kanaan, na' ma muɗ ti vocota vigiya. Nan min ɗekgi kay vun nagata vigiya: 3Gal ma kayamna ma tun caw hay fulda vi Sin, goboy hiɗi Edom. Vun nagata vigi ma kayamna ma tun caway hay sin Niy-lum ma slawna, hay gal ma kuɗuwna, 4na' ma cap gal kayami hay liy ma jiŋiliŋŋa vi Akrabim, ma jik hay Sin, ma co ta-ta hay gal ma kayamna vi Kades-Barneya; na' ma tuɗ ta-ta hay Hatsar-Addar, ma jik hay gal Asmon; 5Tun caway hay Asmon pa, na' ma jik ta-ta hay niy ma riŋŋa vi Egipte, kay co ta-ta goy vun niy-lum ma ŋolla. 6Vun nagata vigi ma hay gal vulatina ma li ɗawn mi niy-lum ma ŋolla. 7Kayni mi vun nagata vigiya hay gal ma gaana tun caw tam niy-lum ma ŋolla pa, nigi ma sli jaara ta-ta tam hiɗiyta vi Hor; 8tun cawis tam hiɗiyta vi Hor pa, nigi ma jik jaara hay Hamat, ta-ta co Sedad; 9jaara ma tuɗ ta-ta hay Zifron, kay co ta-ta hay Hatsar-Enan, kayni mi jaara vigi ma hay gal gaana. 10Jaara vigi ma hay gal kuɗuwna nigi ma slum vunami hay Hatsar-Enan ta-ta Sefam, 11nam ma jik hay Sefam ta-ta hay Ribla, hay gal ma kuɗuwna vi Ayin, nam ma tuɗ ta-ta, ma bur kuɗ fiyokŋa vi niy-lumna Kinneret, hay gal ma kuɗuwna; 12jaara ma jik hay Yordan lo, kay co ta-ta tam niy-lum ma slawna. Kayni ti nagata vigiya, hiɗi vuna' ma ŋuyi ta'na.
13Musus vul dit na'ta tam gurona vi Israyel, nam di'e: Kayni ti nagata ta nigi ma ɓurawa' jargiya hiɗi ŋaɓta kuɗ ɦayta, ti nagata ta Ma-Vatɗina miniya kay vula' mi jaf ma zleeŋena hiɗi gal-jafna ma kepna. 14Kay jafna vi gurona vi Ruben hiɗi jafna vi gurona vi Gad vocota visi fiya, kuɗ ziyna vi sumaysiya; gal-jafna vi Manase kaw vocota visi fiya. 15Jaf ma ma'n lakŋi hiɗi gal-jaf ma kepna fi vocota visiyawa goy hay gal hena vi Yordan, ɗiger vok Yeriko, hay gal ma kuɗuwna.
Hagata vuli kay li ɓurawta
16Ma-Vatɗina di tam Musus ala: 17Kayni mi semda vi sum sa ɓuraw nagat jargin ɗawni: Mul-ma-ɗifinna Eliyazar, hiɗi Yosuwa goora vi Nun. 18Nigi ma vi sa ma ŋol kuɗ jafn kep kep kay li ɓurawta vi nagata. 19Kayni mi semda vi sum nisina: Kuɗ jafna vi Yuda: Kaleb, goora vi Yefune;
20kuɗ jafna vi Simeyon: Samuel goora vi Amihud;
21kuɗ jafna vi Benyamin: Elidad goora vi Kisilon;
22kuɗ jafna vi gurona vi Dan: Sa ma ŋolla Bukki, goora vi Yogli;
23kay gurona vi Yosef, kay jafna vi gurona vi Manase: Sa ma ŋolla Hanniyel, goora vi Efod.
24Kuɗ jafna vi gurona vi Efrayim: Sa ma ŋolla Kemuwel, goora vi Siftan;
25kuɗ jafna vi gurona vi Zabulon: Sa ma ŋolla Elisafan, goora vi Parnak;
26kuɗ jafna vi gurona vi Isakar: Sa ma ŋolla Paltiyel, goora vi Azan;
27kuɗ jafna vi gurona vi Aser, sa ma ŋolla Ahihud, goora vi Selomi;
28kuɗ jafna vi gurona vi Neftali: Sa ma ŋolla Pedahel, goora vi Amihud.
29Kayni si nisi sa Ma-Vatɗin vulsi hagata kay ɓuraw nagata Kanaan jar gurona vi Israyel.
Currently Selected:
ŊAƁTA 34: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001