2 PETER 2
2
Sa jobta-Lawna sa bay-gasina
Yud 3, 16; 2 Tim 3:1-9
1Hay jewe sum sa jobta-Lawna sa bay-gasina ay dusi goy jar sumuna ŋolo, nala kaw sum sa hat hatta ta bay-gasita ma mar hatta ta ɓuraw vun sumuna hiɗi hatta ta mar ba-goyta jarsiya, nisi ma puw vunsiya kay mulla visiya ma butsi goyna, nisi ma mar ba-goyta kisi gosoyo. 2Sumun ŋolo ma tap kuɗsiya hay raw-goyta visiya, kuɗsi nisiya kaw, hagata vi gasita ma fi ŋulda, 3Kay garta vi slena hiɗi yoboy ma sinna, nisi ma muɗgi goy ki slen ma gusna visi nala, may kitat kisiya hay jeway pa, ba-goyta visiya may kal senɗi kaw.
4Kay la Lawna hin sa sunda-Wuralawnɗi hay li ma nisi li suluku, may cuksi gaa hay zul ma wiŋŋa vi jufunda kay cub kitata; 5la nagata ta jewta nam may hina' goyɗi, may la nam suɗ sumun goy kuɗsi glafandi, jarsiya mi Nuwa sa ma kus labara kay ɗigerta, hay li ma nam hin niyn si gaa kay sum sa liwisna, 6la nam ka kitat kay Sodoma hiɗi Gomora, la nam tom goyo, muɗum goy butuw-kuwa, nam vulum goyo kay ɗek va tam sum sa liwisna sa min co bugolo, 7may la nam suɗ Lot sa ma ɗigera goyo, sa ma dikam ka las ŋolo kuɗ poyta gunita vi sum sa jiw-zlata, 8kay nam sa ma ɗigera ma ka musi jarsina ka mak ciwta valam ta ɗigerta hay buurta kaf, hay li ma nam ka wi hiɗi iramu, hum kaw kay lop ma joona visiya, 9Kay nisi sa vi kuɗ Bum-Sumuna nam wi kay suɗsi goy hay wakka pa, nam as ŋom sa bay-ɗigera kaw kay watsiya hay buura vi kitata, 10suw pet nisi sa poy kuɗ sliwna hay darta liwista, sa ɗuw gaŋeraŋa vi Bum-Sumuna kaw birek-ceke, sa li wasna, sa sli yam tuwsi kulona, nisi sa may li nari kay ŋul gaŋeraŋ ma ŋulonɗi,
11may sa Sunda-Wuralawna sa ŋulo hiɗi donota hiɗi gaŋeraŋa kaw, min nar kitata ŋulda kisiya vok Bum-Sumunɗi! 12Nisi kayni ŋray ca ki muur ma bay-varta, ma koti kayni kay san vumu, cum goyo tuta, kay nisi ŋul va ma nisi wumɗina, nala nisi ma ba goyo hay joota visiya. 13Bay-ɗigerta ma fi wurakŋa vi bay-ɗigerta. Haysi firiya hay li ma nisi vul tuwsi goyo kay liw gijum-gijum hay falayta. Nisi kayni si sa liwisna hiɗi sa gesayna, nisi hob haysi hiɗi ɗutta hay li ma nisi li yuldet hiɗi nigiya. 14Irsi hobay hob hiɗi zlata-bulota, nisi may mak kay li sulukŋaɗi, sum sa bay vi dono'o nisi ɗutsi goyo, diksi hatay kay darta vi farayna, nisiya si gurona vi be'da. 15Hay li ma nisi cal goy hay hagata ta ɗigerta pa calla, nisi viy tuwsiyawa goyo hay li ma nisi sli hagata vi Balaam, goora vi Bewor, nam ma hayam min wurakŋa vi bay-ɗigerta, 16may nam fi wurakŋa vi ŋel-gatta valamu, kurota numulta law talamu hiɗi della vi sana, na' tel lop ma ɦay-ɦayna vi sa ma jobta-Lawna kaw.#2:16 Ɗuw hay Ŋɓ 22:16-28.
17Nisi kayni mi kaara ma bay niyna, ɗugulla ma simeɗn dolom vokomna, jufunda ta nilta koti kisiya. 18Hiɗi ɓakŋa visi ma golɓotna ma waana, nisi nem sumun goyo hiɗi darta ta liwista vi sliwna, sa suɗay goy wulini hay ɓam sum sa lakay hay viy-goyta. 19Nisi disi ala nisi buti goyo, may nisi kay tuwsiya si gorvona vi joota, kay san gigekaw mi gorvona vi va ma nam juni gaa kuɗumna. 20Kay na'ta la nisi hin liwista vi nagatawa goyo kuɗ wida vi Bum-sumuna ma su'da Yesu Kristu, may bugolda la nisi hin tuwsi hot hay mara lo, nisi ma fi lawt ŋolo suw ta jewta. 21Lali nisi wi hagata vi ɗigerta jewɗi, kayn ŋaa'a kisiya suw ma nisi wa'na, may nisi cal goy hiɗi vun-ma-gatna ma peldetna ma vuli tisina. 22Van li tisiya ki law ma nir-niramna ma gasina di nala ala: Diyna hot ti vinna valamu, bagumda muz tuwa' goyo, may hot goɓ tuwa' hay torɓok ma liwisna.#2:22 Ɗuw Lmn 26:11.
Mata vi Bum-Sumuna
Mat 24:37-39; 2 Tes 1:7-10
Currently Selected:
2 PETER 2: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
2 PETER 2
2
Sa jobta-Lawna sa bay-gasina
Yud 3, 16; 2 Tim 3:1-9
1Hay jewe sum sa jobta-Lawna sa bay-gasina ay dusi goy jar sumuna ŋolo, nala kaw sum sa hat hatta ta bay-gasita ma mar hatta ta ɓuraw vun sumuna hiɗi hatta ta mar ba-goyta jarsiya, nisi ma puw vunsiya kay mulla visiya ma butsi goyna, nisi ma mar ba-goyta kisi gosoyo. 2Sumun ŋolo ma tap kuɗsiya hay raw-goyta visiya, kuɗsi nisiya kaw, hagata vi gasita ma fi ŋulda, 3Kay garta vi slena hiɗi yoboy ma sinna, nisi ma muɗgi goy ki slen ma gusna visi nala, may kitat kisiya hay jeway pa, ba-goyta visiya may kal senɗi kaw.
4Kay la Lawna hin sa sunda-Wuralawnɗi hay li ma nisi li suluku, may cuksi gaa hay zul ma wiŋŋa vi jufunda kay cub kitata; 5la nagata ta jewta nam may hina' goyɗi, may la nam suɗ sumun goy kuɗsi glafandi, jarsiya mi Nuwa sa ma kus labara kay ɗigerta, hay li ma nam hin niyn si gaa kay sum sa liwisna, 6la nam ka kitat kay Sodoma hiɗi Gomora, la nam tom goyo, muɗum goy butuw-kuwa, nam vulum goyo kay ɗek va tam sum sa liwisna sa min co bugolo, 7may la nam suɗ Lot sa ma ɗigera goyo, sa ma dikam ka las ŋolo kuɗ poyta gunita vi sum sa jiw-zlata, 8kay nam sa ma ɗigera ma ka musi jarsina ka mak ciwta valam ta ɗigerta hay buurta kaf, hay li ma nam ka wi hiɗi iramu, hum kaw kay lop ma joona visiya, 9Kay nisi sa vi kuɗ Bum-Sumuna nam wi kay suɗsi goy hay wakka pa, nam as ŋom sa bay-ɗigera kaw kay watsiya hay buura vi kitata, 10suw pet nisi sa poy kuɗ sliwna hay darta liwista, sa ɗuw gaŋeraŋa vi Bum-Sumuna kaw birek-ceke, sa li wasna, sa sli yam tuwsi kulona, nisi sa may li nari kay ŋul gaŋeraŋ ma ŋulonɗi,
11may sa Sunda-Wuralawna sa ŋulo hiɗi donota hiɗi gaŋeraŋa kaw, min nar kitata ŋulda kisiya vok Bum-Sumunɗi! 12Nisi kayni ŋray ca ki muur ma bay-varta, ma koti kayni kay san vumu, cum goyo tuta, kay nisi ŋul va ma nisi wumɗina, nala nisi ma ba goyo hay joota visiya. 13Bay-ɗigerta ma fi wurakŋa vi bay-ɗigerta. Haysi firiya hay li ma nisi vul tuwsi goyo kay liw gijum-gijum hay falayta. Nisi kayni si sa liwisna hiɗi sa gesayna, nisi hob haysi hiɗi ɗutta hay li ma nisi li yuldet hiɗi nigiya. 14Irsi hobay hob hiɗi zlata-bulota, nisi may mak kay li sulukŋaɗi, sum sa bay vi dono'o nisi ɗutsi goyo, diksi hatay kay darta vi farayna, nisiya si gurona vi be'da. 15Hay li ma nisi cal goy hay hagata ta ɗigerta pa calla, nisi viy tuwsiyawa goyo hay li ma nisi sli hagata vi Balaam, goora vi Bewor, nam ma hayam min wurakŋa vi bay-ɗigerta, 16may nam fi wurakŋa vi ŋel-gatta valamu, kurota numulta law talamu hiɗi della vi sana, na' tel lop ma ɦay-ɦayna vi sa ma jobta-Lawna kaw.#2:16 Ɗuw hay Ŋɓ 22:16-28.
17Nisi kayni mi kaara ma bay niyna, ɗugulla ma simeɗn dolom vokomna, jufunda ta nilta koti kisiya. 18Hiɗi ɓakŋa visi ma golɓotna ma waana, nisi nem sumun goyo hiɗi darta ta liwista vi sliwna, sa suɗay goy wulini hay ɓam sum sa lakay hay viy-goyta. 19Nisi disi ala nisi buti goyo, may nisi kay tuwsiya si gorvona vi joota, kay san gigekaw mi gorvona vi va ma nam juni gaa kuɗumna. 20Kay na'ta la nisi hin liwista vi nagatawa goyo kuɗ wida vi Bum-sumuna ma su'da Yesu Kristu, may bugolda la nisi hin tuwsi hot hay mara lo, nisi ma fi lawt ŋolo suw ta jewta. 21Lali nisi wi hagata vi ɗigerta jewɗi, kayn ŋaa'a kisiya suw ma nisi wa'na, may nisi cal goy hiɗi vun-ma-gatna ma peldetna ma vuli tisina. 22Van li tisiya ki law ma nir-niramna ma gasina di nala ala: Diyna hot ti vinna valamu, bagumda muz tuwa' goyo, may hot goɓ tuwa' hay torɓok ma liwisna.#2:22 Ɗuw Lmn 26:11.
Mata vi Bum-Sumuna
Mat 24:37-39; 2 Tes 1:7-10
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001