2 PETER 1
1
Ɗek-tuwta hiɗi gi-deɓta
1Simon Peter, sa ma sunda hiɗi Apostolla vi Yesu Kristu, tam nisi sa, kuɗ lop ma ɗigera vi Lawna vaya hiɗi sa ma su'da Yesu Kristu, hiɗi ɓurawta hay vida ki nay fi nala kaw. 2Slugota hiɗi toyta li tigi ŋolo hay wida vi Lawna hiɗi Yesu Bum-Sumuna vaya.
Yita kay li lop kuɗ gatta vi tapna
Tit 2:11-14
3Donota vi Lawna vulay slen pet ma as gutay kay lak hay irita hiɗi poyta ŋaata, kay nam muɗay a wi nam ma yayawa kuɗ gajijita valamu hiɗi ŋaata valamu. 4Hay kayni deŋga ta ŋaata hiɗi deŋga ma ŋulona ma vuli taya, kay hiɗi kayni nigi ma muɗ si sum sa sli tuw Lawna, hay li ma nigi pir kay buwta ta ka hay nagata hiɗi darta vi sliwna. 5Kay na'ta kayni, nigi ma gar hiɗi vida vigi dono'o kay tap ŋaata tam vida vigiya, tam vida vigiya nigi ma tap wida, 6tam wida vigiya nigi ma tap tel-tuwna, tam tel-tuwna nigi ma tap so-tuwta, tam so-tuwta nigi ma tap poyta ŋaata, 7tam poyta ŋaata nigi ma tap minda kay ɓosiyogina, tam minda kay ɓosiyogina nigi ma tap ti-kamda. 8Kay na'ta, la slen kayni ka haygiya, la nam ka biya'a kaw, nam as hingi lak bay li lopnaɗi, as hingi bay vuɗnaɗi kaw, kay nigi ma wi Bum-Sumuna vaya Yesu Kristu. 9May sa ma slen kayni may kalamɗina nam dukiya, wi sle ma goboyn ɦawa, kay yalam jok poora vi sulukŋa valam ma jewnawa.
10Kay na'ta ɓosiyonna, sogi tuwgi dono'o kay yita vigiya hiɗi vilekka vigiya ma muɗ dono'o, la nigi li slen kayni, nigi ma sli zlaraŋgaɗay noŋɗi. 11Nala vun-ziyn ma mal goy kigi vidiŋ' kay cuk kalafi hay mulda vatɗita vi Bum-Sumuna vaya hiɗi sa ma su'da vaya Yesu Kristu.
12Kay na'ta nan min gigi humgi dok-dok kay slen kayni, nigi kay tuwgi kaw wi slen namna, nigi lakay dono'o kaw hay gasita ta nigi ka haya' wulinta. 13Kayni ɗuw kiran ŋaa'a, hay li ma nan ka hay guɗukŋa#1:13 Guɗukŋa mi tuwamu. 2 Kor 5:1. zawni tuwa, a nigi ma lak zliyi kulo'o hiɗi gi-humda van tigiya. 14Kay nan wi'e, ki Bum-Sumuna vaya Yesu Kristu ɗekan nala, a tu'da goyta vanu hay guɗukŋ zawni ka goboyo. 15May nan ma li a bugol kalta vanu, humgi ma gigi dok-dok kay slen kayni.
16May, numa ɗekgi kay donota vi mata vi Bum-Sumuna vaya Yesu Kristu, kayni hiɗi law ma ɗetna vi saɗi,#1:16 Law ma ɗetna mi yoboy ma sinna ma san niŋamna. may kay mige numa wi ŋolda valamu hiɗi irma'a; 17Kay ŋolda hiɗi gajijita nam fa'ay vi Lawna Bumna pa, hay li ma gajijita hobay hiɗi ŋolda ka di del talam ala:
Zawni mi goora vanu ma hayan kalamna, ma kiran ŋaa ŋolo.
18Numa hum del namna may kulo hay wuralawn pa, hay li ma numa ay hiɗi namu kay hiɗiyta ta peldetta.
19Numa lakay dono suwa kay yoboyn jobta-Lawna ma nigi li ŋaa'a kay hum kuɗumu, ki fitilla ma li haraŋi hay li ma jufunna nala, ta-ta liyn fo goyo, mislek ma fo liyna day kulo'o hay dikgiya kaw. 20Jew kaf, wigi ala yoboyn jobta-Lawna ma ka hay ɗota sa as dum cawam goy valam kepɗi, 21Kay yoboyn jobta-Lawna diy goy kayn may kuɗ minda vi saɗi, may sumun di dita vi Lawn goy kayni, zutsi ti Ŋusta-Peldetta.#1:21 Ɗuw 2 Sam 23:2.
Currently Selected:
2 PETER 1: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
2 PETER 1
1
Ɗek-tuwta hiɗi gi-deɓta
1Simon Peter, sa ma sunda hiɗi Apostolla vi Yesu Kristu, tam nisi sa, kuɗ lop ma ɗigera vi Lawna vaya hiɗi sa ma su'da Yesu Kristu, hiɗi ɓurawta hay vida ki nay fi nala kaw. 2Slugota hiɗi toyta li tigi ŋolo hay wida vi Lawna hiɗi Yesu Bum-Sumuna vaya.
Yita kay li lop kuɗ gatta vi tapna
Tit 2:11-14
3Donota vi Lawna vulay slen pet ma as gutay kay lak hay irita hiɗi poyta ŋaata, kay nam muɗay a wi nam ma yayawa kuɗ gajijita valamu hiɗi ŋaata valamu. 4Hay kayni deŋga ta ŋaata hiɗi deŋga ma ŋulona ma vuli taya, kay hiɗi kayni nigi ma muɗ si sum sa sli tuw Lawna, hay li ma nigi pir kay buwta ta ka hay nagata hiɗi darta vi sliwna. 5Kay na'ta kayni, nigi ma gar hiɗi vida vigi dono'o kay tap ŋaata tam vida vigiya, tam vida vigiya nigi ma tap wida, 6tam wida vigiya nigi ma tap tel-tuwna, tam tel-tuwna nigi ma tap so-tuwta, tam so-tuwta nigi ma tap poyta ŋaata, 7tam poyta ŋaata nigi ma tap minda kay ɓosiyogina, tam minda kay ɓosiyogina nigi ma tap ti-kamda. 8Kay na'ta, la slen kayni ka haygiya, la nam ka biya'a kaw, nam as hingi lak bay li lopnaɗi, as hingi bay vuɗnaɗi kaw, kay nigi ma wi Bum-Sumuna vaya Yesu Kristu. 9May sa ma slen kayni may kalamɗina nam dukiya, wi sle ma goboyn ɦawa, kay yalam jok poora vi sulukŋa valam ma jewnawa.
10Kay na'ta ɓosiyonna, sogi tuwgi dono'o kay yita vigiya hiɗi vilekka vigiya ma muɗ dono'o, la nigi li slen kayni, nigi ma sli zlaraŋgaɗay noŋɗi. 11Nala vun-ziyn ma mal goy kigi vidiŋ' kay cuk kalafi hay mulda vatɗita vi Bum-Sumuna vaya hiɗi sa ma su'da vaya Yesu Kristu.
12Kay na'ta nan min gigi humgi dok-dok kay slen kayni, nigi kay tuwgi kaw wi slen namna, nigi lakay dono'o kaw hay gasita ta nigi ka haya' wulinta. 13Kayni ɗuw kiran ŋaa'a, hay li ma nan ka hay guɗukŋa#1:13 Guɗukŋa mi tuwamu. 2 Kor 5:1. zawni tuwa, a nigi ma lak zliyi kulo'o hiɗi gi-humda van tigiya. 14Kay nan wi'e, ki Bum-Sumuna vaya Yesu Kristu ɗekan nala, a tu'da goyta vanu hay guɗukŋ zawni ka goboyo. 15May nan ma li a bugol kalta vanu, humgi ma gigi dok-dok kay slen kayni.
16May, numa ɗekgi kay donota vi mata vi Bum-Sumuna vaya Yesu Kristu, kayni hiɗi law ma ɗetna vi saɗi,#1:16 Law ma ɗetna mi yoboy ma sinna ma san niŋamna. may kay mige numa wi ŋolda valamu hiɗi irma'a; 17Kay ŋolda hiɗi gajijita nam fa'ay vi Lawna Bumna pa, hay li ma gajijita hobay hiɗi ŋolda ka di del talam ala:
Zawni mi goora vanu ma hayan kalamna, ma kiran ŋaa ŋolo.
18Numa hum del namna may kulo hay wuralawn pa, hay li ma numa ay hiɗi namu kay hiɗiyta ta peldetta.
19Numa lakay dono suwa kay yoboyn jobta-Lawna ma nigi li ŋaa'a kay hum kuɗumu, ki fitilla ma li haraŋi hay li ma jufunna nala, ta-ta liyn fo goyo, mislek ma fo liyna day kulo'o hay dikgiya kaw. 20Jew kaf, wigi ala yoboyn jobta-Lawna ma ka hay ɗota sa as dum cawam goy valam kepɗi, 21Kay yoboyn jobta-Lawna diy goy kayn may kuɗ minda vi saɗi, may sumun di dita vi Lawn goy kayni, zutsi ti Ŋusta-Peldetta.#1:21 Ɗuw 2 Sam 23:2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001