Juan 21
21
Qanchis discipulonkunaman Jesuspa rikurisqanmanta
1Kaykunapa qepantam Jesús huktawan rikurirqa discipulonkunaman Tiberias Qochapa patanpi; kaynatam rikurirqa: 2Simón Pedrowanmi kachkarqa mellizowan sutichasqa Tomás, Galilea law Caná llaqtayuq Natanael, Zebedeopa churinkuna hinaspa iskay discipulonkunapas. 3#Lc 5.5.Simón Pedrom nirqa:
Challwakuqyá risaq, nispa.
Chaymi wakiqninpas nirqaku:
Hakuchik ñoqaykupiwan, nispanku.
Barcaman rispankum chay tutaqa mana imaniraqtapas challwarqakuchu. 4Achikyamuqtam Jesusqa qochapa patanpi sayachkarqa, discipulonkunañataqmi mana yacharqakuchu Jesús kasqanta. 5Jesusmi nirqa:
Qarikuna ¿manachu challwa hapisqaykichik kan? nispa.
Paykunañataqmi nirqaku:
Manam kanchu, nispanku.
6 #
Lc 5.6. Chaymi Jesús nirqa:
Barcapa alleqnin lawman mallaykichikta wischuychik hinaspaqa hapinkichikmi.
Nisqanta hina ruwaspankum mallatapas manaña chutayta atirqakuchu achkallaña challwa kasqanrayku. 7Jesuspa kuyasqan discipulonñataqmi Pedroman nirqa:
Payqa Señormi, nispa.
Simón Pedroñataqmi Señor kasqanta yacharuspan mana pachayuq kasqanrayku pachakuykuspan yakuman pawakuykurqa. 8Wakiqnin discipulonkunañataqmi barcawan yakupa patanman chayamurqaku challwata mallapi aysamuspanku, yakupa patanmanqa karqa yaqa huk cuadrallañam. 9Qochapa patanman chayaramuspankum nina sansata tarirurqaku, chaypa hawanpiñataq challwatawan tantata. 10Jesusmi nirqa:
Challwa hapimusqaykichikta apamuychik, nispa.
11Simón Pedrom barcaman yaykuspa qochapa patanman mallata chutamurqa hunta challwayuqta, chaymi karqa pachak pichqa chunka kimsayuq hatun challwakuna, achkallaña challwa kachkaspapas manam mallataqa llikirurqachu. 12Jesusmi nirqa:
Hamuychik mikusunchik, nispa.
Manataqmi mayqan discipulonpas atirqachu: “¿Qamqa pitaq kanki?” niyta. Yacharqakum payqa Señorpuni kasqanta. 13Jesusmi asuykuspa tantatawan challwata paykunaman qoykarirqa.
14Kaywanqa kimsakamañam Jesusqa discipulonkunaman rikurirqa wañusqanmanta kawsarimuspan.
Simón Pedrowan Jesuspa rimasqanmanta
15Mikuruptinkuñam Simón Pedrota Jesús tapurqa:
Juanpa churin Simón ¿paykunamanta mastachu kuyawanki? nispa.
Pedroñataqmi nirqa:
Arí Señor, qanmi yachanki kuyasqayta, nispa.
Chaymi Jesús nirqa:
Chaynaqa, ovejaykunatayá michiy, nispa.
16Huktawanmi tapurqa:
Juanpa churin Simón ¿kuyawankichu? nispa.
Pedroñataqmi nirqa:
Arí Señor, qanmi yachanki kuyasqayta, nispa.
Chaymi Jesús nirqa:
Chaynaqa, ovejaykunatayá nanachikuy, nispa.
17Kimsakamaña tapuspanmi nirqa:
Juanpa churin Simón ¿kuyawankichum? nispa.
Pedroñataqmi llakikururqa kimsa kutikamaña “Kuyawankichu” nispa tapusqanwan, chaymi nirqa:
Señor, qamqa tukuy imatam yachanki, yachankim kuyasqaytapas.
Chaymi Jesús nirqa:
Chaynaqa, ovejaykunatayá michiy. 18Cheqaptapunim niki, mozoraq kaspaykiqa weqawnikita watakuykuspam munasqaykiman riq kanki, yuyaqña kaptikim ichaqa hukña watasunki rikraykita hoqariptiki hinaspam pusasunki mana riy munasqaykikunaman.
19Chaynata nispanmi Jesús entiendechirqa cruzpi wañuspa Pedroqa Diosta alabananmanta, paytam nirqa:
Qatiway, nispa.
Jesuspa kuyasqan discipulonmanta
20 #
Jn 13.25. Pedrom qepanta qawarispan rikururqa Jesuspa kuyasqan discipulon qatimuchkaqta. Paymi Pascuapi cenaptinku waqtanpi kaspa tapurqa: “Señorlláy ¿mayqantaq traicionasunki?” nispa.
21Payta rikuruspanmi Jesusta Pedro tapurqa:
Señor, paytaqa ¿imataq pasanqa? nispa.
22Chaymi Jesusñataq nirqa:
Munaptiyqa payqa kawsanmanmi kutimunaykamapas ¿imataq qamtaqa qokusunki? Qatiway, nispa.
23Chaymi iñiqkuna ukupi noticia karqa: “Chay discipuloqa manas wañunqachu” nispanku. Jesusqa nichkarqa manam mana wañunanmantachu, payqa nirqa:
“Munaptiyqa payqa kawsanmanmi kutimunaykamapas ¿imataq qamtaqa qokusunki?” nispam.
24Hina kay discipulonmi kaykunata willakuchkan hinaspam qellqachkan. Chaymi yachanchik tukuy nisqanqa cheqap kasqanta.
25Achkallañam kachkan Jesuspa tukuy ima ruwasqankunaqa, sichum sapakamamanta qellqaptinkuqa piensasqayman hinaqa manachá kay pachapas haypanmanchu llapa libro waqaychanapaqqa.
Currently Selected:
Juan 21: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012