Ebree 1
1
Ɛsɔ tɩŋnɩ ɛ-pɩyalʋ yɔɔ nɛ ɛyɔɔdɩnɩ ɛyáa
1Ɛsɔ katɩŋnɩ náyaa yɔɔ ɖooo lɔŋ nɛ ɛyɔɔdɩnɩ ɖɔ-cɔzɔnaa tam sakɩyɛ nɛ wɛtʋ ndɩ ndɩ taa. 2Ɛlɛ́, lɛɛlɛɛyɔ ɛtɩŋnɩ ɛ-Pɩyalʋ yɔɔ nɛ ɛyɔɔdɩnɩ-ɖʋ kɛtɛzaɣ kɩyakɩŋ ɩnɛ ɩ-taa. Ɛ-yɔɔ ɛtɩŋnaa nɛ ɛla kedeŋa. Ɛlɩzɩ-ɩ se ɛtɩɣyɩ pɩtɩŋa payɩ. 3Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.
Ɛsɔ Pɩyalʋ kɩlɩ Ɛsɔ tiyiyaa wazaɣ
4Ɛsɔ Pɩyalʋ pɩsaa ɛkɩlɩ Ɛsɔ tiyiyaa tɩŋa. Pʋ-yɔɔ ɛya-ɩ hɩɖɛ nɖɩ́ ɖɩkɩlɩ pa-ñɩnɖɛ yɔ. 5Mbʋ́ pʋyɔɔ yɔ, wiɖiyi Ɛsɔ teheyi e-tiyiyaa taa nɔɔyʋ se:
«Ña lɛ man-Pɩyalʋ.
Pɩkpaɣʋnɩ sɔnɔ yɔ, ma lɛ ña-Caa.»
Wiɖiyi eteheyi ɖɔɖɔ e-tiyiyaa taa nɔɔyʋ se:
«Ma mɛnkɛɣ ɛ-Caa nɛ
ɛnʋ ñɛkɛ man-Pɩyalʋ.»
6Ɛlɛ́, alɩwaatʋ ndʋ́ etiyaɣ ɛ-kajalaɣ pɩɣa kedeŋa yɔɔ yɔ, ɛtɔm se:
«Pʋwɛɛ se e-tiyiyaa tɩŋa payɩ eluŋ kɛ-tɛɛ.»
7Piyele e-tiyiyaa lɛ, ɛyɔɔdɩ paba tɔm se:
«Ɛlabɩ e-tiyiyaa nɛ pɛwɛɛ ɛzɩ heɣlim yɔ nɛ
eyele ɛ-tʋmlaɖaa ñɛwɛɛ ɛzɩ miŋ nzʋlʋmɛɛ yɔ.»
8Piyele ɛ-Pɩyalʋ lɛ, ɛyɔɔdɩ ɛ́lɛ́ tɔm se:
«Hayɩ Ɛsɔ! Ñe-kewiyaɣ
wɛ tam.
Ŋcɔŋnɩ ñɛ-ɛyáa yɔɔ nɛ toovenim.
9Ŋsɔɔlɩ mbʋ́ pʋtʋʋzaa yɔ nɛ
ŋpaɖɩɣ kɩdɛkɛdɩm.
Hayɩ Ɛsɔ! Pʋ-yɔɔ ma ñɛ-Ɛsɔ
malɩzɩ-ŋ ña-taabalaa hɛkʋ taa nɛ
manpɩyɩ ña-ñʋʋ taa amaya num.
Ɛsɔɔlɩ-ŋ nɛ pɩkɩlɩ awiya lɛɛna»
10Ɛtasɩ-ɩ heyuu se:
«Ña Kɩpaɣlʋ lɛ,
ɖooo kiɖe tɛɛ ŋlabɩ tɛtʋ nɛ
ŋla ɛsɔdaa nɛ ñe-nesi.
11Pʋnɛ pɩtɩŋa pʋkɔŋ mʋʋ́ʋ.
Ɛlɛ́, ña ñɛwɛɣ tam.
Pɩtɩŋa pʋkɔŋ kpadɩyʋʋ ɛzɩ tokonaa cadʋʋ yɔ.
12Ŋkɔŋ-wɛ kpiyuu ɛzɩ pekpiyuu toko sɔsɔʋ yɔ.
Pɔkɔŋ-wɛ lɛɣzʋʋ ɛzɩ pɛlɛɣzʋʋ toko yɔ.
Ɛlɛ́, ña ñɛwɛɣ tam ɛzɩ ŋwɛʋ yɔ,
ña-pɩnzɩ ɛɛkaɣ tɛm kaʋ.»
13Wiɖiyi Ɛsɔ teheyi ɖɔɖɔ e-tiyiyaa taa nɔɔyʋ se:
«Caɣ mɔn-cɔlɔ lone kɩbanɖɛ taa nɛ
pʋkɔɔ pɩsɩɩnɩ alɩwaatʋ ndʋ́ moluzi ño-koyindinaa ñɛ-tɛɛ kpem yɔ.»
14Mbá lɛ Ɛsɔ tiyiyaa yɔ? Ḿbá lɛ feziŋ weyi petiyi-i Ɛsɔ tʋmɩyɛ taa se ɩlabɩ-ɖɩ nɛ pɩsɩnɩ mbá pʋwɛɛ se pehiɣ ñʋʋ yabʋ yɔ.
Currently Selected:
Ebree 1: KABI
Highlight
Share
Copy
Want to have your highlights saved across all your devices? Sign up or sign in