Filiipu KAJALAƔ TƆM
KAJALAƔ TƆM
Pɔɔlɩ tʋmɩyɛ nʋmɔʋ naalɛ ñɩŋgʋ taa ɛɖʋ Filiipu Krɩstʋ ŋgbɛyɛ. Ŋgbɛyɛ ńɖɩ́, ɖɩkɛnɩ kajalaɣ ñɩŋɖɛ nɖɩ́ Pɔɔlɩ ɖʋ Eurɔpa taa yɔ. Filiipu tɛtʋ wɛ Grɛɛsɩ ɛjaɖɛ hayo kiŋ, wɩsɩ ɖɩlɩyɛ hɔɔlʋʋ taa, Masedonii egeetiye taa.
Takayaɣ ŋgá Pɔɔlɩ ma Filiipu Krɩstʋ ñɩma yɔ, kawɩlɩɣ taabalɩyɛ kɩbanɖɛ nɖɩ́ pʋwɛɛ se ɖɩwɛɛ Yesu tiyiyu nɛ samaɣ pɛ-hɛkʋ taa yɔ. Pɔɔlɩ caɣ se ɛtasɩ cɛyɩsʋʋ taabalɩyɛ ńɖɩ́. Ɛwɛ salaka taa. Pɩcɛyɩɣ-ɩ se ɛɛpɩzɩɣ ɛla tʋmɩyɛ nɛ ɛsɩnɩ Filiipu ñɩma. Eheyiɣ-wɛ se ɛsɔɔlɩ-wɛ pɩŋŋ. Eheyiɣ-wɛ ɖɔɖɔ se pɔ-tɔm haɣ-ɩ lɩmaɣza, mbʋ́ pʋyɔɔ yɔ, ɛyáa nabɛyɛ kɔŋ nɛ peheyiɣ-wɛ Ɛsɔtɔm. Ɛlɛ́ ɛyáa ḿbá, pa-lɩmaɣza fɛyɩ ɖeu. Pañɩnɩɣ se pɛlɛɣzɩ Filiipu ɛyáa lɩmaɣza nɛ paba tɩŋɩ pa-wayɩ (1.15-17; 2.21; 3.2 nɛ 18). Pɔɔlɩ lakɩ tamaɣ se etiyiɣni ɛ-taabalaa nabɛyɛ Filiipu nɛ pasɩnɩ peeɖe Krɩstʋ ŋgbɛyɛ nɛ pana ɖɔɖɔ mbʋ́ pʋɖɔŋ haɖaa ḿbá pa-taa yɔ (2.19-30). Filiipu Krɩstʋ ñɩma ñetiyini Pɔɔlɩ kʋjɔʋ (4.10-20). Takayaɣ ŋgá Pɔɔlɩ ma Filiipu Krɩstʋ ñɩma yɔ, ka-taa ɛsɛɣ-wɛ, ɛtasɩɣ-wɛ lɔŋ nɛ eheyiɣ-wɛ se pataalesi pe-lidaʋ Ɛsɔ yɔɔ.
Pɔɔlɩ kɛdɩɣ Filiipu ñɩma Yesu wezuu caɣʋ nɛ ɛ-sɩm pɔ-tɔm (2.6-11). Yesu yeba mbʋ́ ɛɛwɛna yɔ pɩtɩŋa. Pʋyɔɔ lɛ, Ɛsɔ kpazɩ-ɩ nɛ ɛkɩlɩ pɩtɩŋa. Ḿbʋ́ ɖɔɖɔ Pɔɔlɩ yeba kɛzɛɣa ŋgá ehikaɣ ɛ-Ɛsɔ nʋmɔʋ ɖɔm taa yɔ (3.3-10). Nɔɔnɔɔ lɛ, etisaa se ɛlakɩ kʋñɔŋ Yesu Krɩstʋ yɔɔ. Ɛwɛ salaka taa nɛ etisi se ɛsɩkɩ. Ɛwɛnɩ lidaʋ se wiɖiyi ɛkaɣ fem nɛ ɛlɩɩnɩ sɩɖaa taa. Yesu tiyiyu Pɔɔlɩ heyiɣ Filiipu ñɩma se pala ɛzɩ ɛnʋ yɔ (3.17; 4.9).
Takayaɣ kanɛ ka-tɩŋa ka-taa, Pɔɔlɩ yɔɔdʋʋ taa leleŋ weyi e-lidaʋ Ɛsɔ yɔɔ ha-ɩ yɔ ɩ-tɔm. Eheyiɣ Filiipu ñɩma se pacaɣ wezuu nɛ taa leleŋ. Yee Krɩstʋ ñɩma ɛwɛnɩ nɔɔ kʋɖʋmaɣ nɛ pa nɛ Yesu pɛkɛ kʋɖʋm yɔ, taa leleŋ ɩnɩ ɩwɛɣ, paa ɛjandʋ yaa tɩlasɩ taa.
Currently Selected:
Filiipu KAJALAƔ TƆM: KABI
Highlight
Share
Copy
Want to have your highlights saved across all your devices? Sign up or sign in