Yuudi KAJALAƔ TƆM
KAJALAƔ TƆM
Krɩstʋ ñɩma kpeekpe Yuudi ma ɛ-takayaɣ. Ɛ-takayaɣ ŋ́gá, ka-taa tɔm wɛɣaɣ ɛzɩ takayaɣ naalɛ ñɩŋga ŋgá Pɩyɛ mawa yɔ. Ndʋ́ pʋwɛɛ se ɩnɩɩ yɔ, ńdʋ́ lɛ se Yuudi lʋkɩnɩ mbá posusuu cɛtɩm tɔm nɛ palakɩ yem yem yɔ. Hɔɔlasɩ 6 nɛ 13 ñɩnzɩ taa tɔm wɛɣaɣ ɛzɩ Pɩyɛ takayaɣ naalɛ ñɩŋga, ñʋʋ 2 ñɩŋgʋ taa tɔm yɔ.
Yuudi lɩzɩ Nɔɔ Haʋ Kɩbɩm Takayaɣ taa tɔm natʋyʋ nɛ ɛmanɩ ɛ-takayaɣ. Ɛkpaɣ lɛɣtʋ sakɩyɛ takayaɣ ŋ́gá ka-taa nɛ ɛmanɩ ɛ-takayaɣ se pɩsɩnɩ ɛ-alɩwaatʋ taa Krɩstʋ ñɩma. Ɛlɩzɩ ɖɔɖɔ tɔm lɛɛtʋ Yuda ñɩma takayɩsɩ nzɩ́ sɩtɛkɛ kiɖeɖesi yɔ sɩ-taa (ɩkalɩ hɔɔlasɩ 9, 14 nɛ 15 ñɩnzɩ).
Yuudi kaŋ ɛyáa ñʋŋ taa se panɩɩ camɩyɛ se Ɛsɔ hɔŋ mbá pekiziɣ ɛ-sɔɔlɩm tɔm yɔ pa-nɩŋgbaaŋ (kpaɣnɩ hɔɔlaɣ 3 ñɩŋga nɛ pɩsɩɩnɩ 13 ñɩŋga taa). Ɛlɛ́, ɛyɔɔdʋʋ ɖɔɖɔ se ɛyáa ḿbá, pʋwɛɛ se ɖɩna pa-pʋtɔdɩyɛ nɛ ɖɩsɩnɩ-wɛ nɛ Ɛsɔ pana ɛtaakpanɩ-wɛ (hɔɔlasɩ 22 nɛ 23 ñɩnzɩ). Yee Yuudi ɛkaŋ ɛyáa ñʋŋ taa camɩyɛ ɛ-takayaɣ taa yɔ, ɛñɩnɩɣ se ɛsɩnɩ-wɛ nɛ pataala kɩwɛɛkɩm nɛ puwoni-wɛ kʋñɔŋ taa. Yee ɛkaŋ ɛyáa ñʋŋ taa yɔ, ɛñɩnɩɣ se ɛya pa-ñʋŋ; ɛɛcaɣ se eyebi-wɛ nɛ pɛtɛŋɛlɩ.
Currently Selected:
Yuudi KAJALAƔ TƆM: KABI
Highlight
Share
Copy
Want to have your highlights saved across all your devices? Sign up or sign in