Jelemiya MAKANI ATAANSHI
MAKANI ATAANSHI
Jelemiya wakalinga kulaluka muJuda kuswa mumwaaka wa 626—586 Jesu Klistu kaatana kushalwa. Muciindi ca mulimo wakwe, wakacenjesha bantu bakwe Lesa pamapensho ayoosha ayo eshi akese pamushobo wabo ceebo cakulambila shibumbwabumbwa akucita shibiibi shimwi. Jelemiya wakekala kushikila mapensho ayo ngaakaamba, waabona kaacitika cancinencine. Ncakwiila wakabona kukomwa kwa ndabala inene ya Jelusalemu kuli Nebukadinesa mwaami wa bene Babiloni. Wakabona kunyonyoolwa kwa ndabala inene iyo aŊanda yakwe Lesa alimwi akutolwa busha kwa mwaami wa bene Juda pantu pomwi abantu bakwe baanji. Jelemiya wakalaluka ashakuboola kwa bantu abo kuswa mubusha akuswitilila alimwi kwa mushobo uyo mukuya kwa nshiku.
Libuku lyakwe Jelemiya inga lyabaanishikwa mushipansha ishi: 1. Jelemiya mbwaakeetwa. 2. Maswi akaswa kuli Lesa akutumwa kubene Juda alimwi abamaleli babo muciindi cakulela kwakwe Josiya, Jeoiyakimu, Jeoiyakini alimwi aSedekiya. 3. Makani akwe Lesa akaswa kuli Baluki mulembi wakwe Jelemiya pantu pomwi ashintu shakalaluka Jelemiya alimwi ashintu shimwi shakacitika mubuumi bwakwe Jelemiya. 4. Maswi akaswa kuli Lesa aamba pamishobo ya baswamashi. 5. Makani eebalusha shikulukulu aamba pakukomwa kwa ndabala ya Jelusalemu alimwi ashakutolwa busha kuBabiloni.
Jelemiya wakalinga muntu wakalinga kucite nkumbu alimwi wakalinga kusunishi bene mishaabo. Wakalinga kupatite kwaambilisha mulandu pali mbabo. Mushipansha shiinji, Jelemiya ulaamba pashintu nshaakapenga ceebo cakwaamba ayi Lesa wakamwiita kuba mulaluki amoyo wakulila. Maswi akwe akalinga anga ngumulilo mumoyo wakwe mukwaamba ayi taakalinga kucikonsha kwaaumunabo.
Maswi amwi ashibikitwe bunene mulibuku ili ngaayo ataambibo shiindi sha mapensho akwe Jelemiya, sombi aamba aciindi ndyeshi kukabe cipangano cipya, ico bantu bakwe Lesa nceshi bakalaame kwakubula mufundishi ubeebalusha ceebo cilaakulembwa mumyoyo yabo (31:31-34).
Mundando wa Shiliimo amoshicanika
Kwiitwa kwakwe Jelemiya 1:1-19
Shakalalukwa mubwaami bwakwe Josiya, Jeoiyakimu, Jeoiyakini alimwi aSedekiya 2:1—25:38
Shakacitika mubuumi bwakwe Jelemiya 26:1—45:5
Mapensho akalalukwa pamishobo imwi 46:1—51:64
Kukomwa kwa ndabala inene ya Jelusalemu 52:1-34
Currently Selected:
Jelemiya MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.