1 Baami MAKANI ATAANSHI
MAKANI ATAANSHI
Libuku litaanshi lya Baami lilatolelela makani a bwaami bwa bene Isilaeli ubo bwakatalikwa mumabuku akwe Samwelo. Libuku ili inga lyabikwa mushipansha shinene shinene shotatwe. (1) Solomoni mbwaakapyana musena wa bwaami pabene Juda abene Isilaeli akufwa kwakwe Defedi ishi. (2) Bwaami akuswitilila kwakwe Solomoni. Comwi ncaakacita cishibikitwe bunene ncakuyaka Ŋanda yakwe Lesa mundabala inene ya Jelusalemu. (3) Kubaanishikwa kwa bwaami mushipansha shobilo, nkokwaamba ayi bwakumalenge abwakumatwa alimwi ashishimi sha bamaami bakalinga kushilela kushikila pakati ka mwaaka wa 900 Jesu Klistu kaatana kushalwa.
Mumabuku obilo a Baami, mwaami womwi awomwi ulaambwa ayi ngumubotu, nabi ayi ngumubiibi kweelana ambwaakalinga kushomeka kuli Lesa. Akwalo kuswitilila kwa cishi kwakalinga kubonekabo kweelana akushomeka uko, sombi kulambila shibumbwabumbwa akutanyumfwila lyoonse kwalo kwakalinga kutola mumapensho. Ono bamaami boonse ba mubwaami bwa kumatwa bakaalilwa kuswitilila. Bamaami ba bwaami bwa kumalenge bamwi bakaswitilila, sombi bamwi, sobwe.
Cikani cibwenekete bunene mulibuku litaanshi lya Baami nca balaluki batacite boowa abo bakalinga kwaambililako Lesa mukucenjesha bantu kwaamba ayi batalambili shibumbwabumbwa akutakaka kunyumfwila Lesa. Cikani cakacita balaluki abo cishibikitwe bunene nceeco cakacita Elija abapailishi bakwe Baali (munyinsa ya 8).
Mundando wa Shiliimo amoshicanika
Kumana kwa kulela kwakwe Defedi 1:1—2:12
Solomoni mbwaakaba mwaami 2:13-46
Kulela kwakwe Solomoni 3:1—11:43
a. Myaaka yakutaanguna 3:1—4:34
b. Ŋanda yakwe Lesa mboyakayakwa 5:1—8:66
c. Myaaka yakunembo 9:1—11:43
Bwaami mbobwakabaanishikwaamo 12:1—22:53
a. Kwaashuka kwa mikowa yakumatwa 12:1—14:20
b. Bamaami ba bene Juda aba bene Isilaeli 14:21—16:34
c. Mulaluki Elija 17:1—19:21
d. Aabu mwaami wa bene Isilaeli 20:1—22:40
c. Jeoshafati mwaami wa bene Juda aAasiya mwaami wa bene Isilaeli 22:41-53
Currently Selected:
1 Baami MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.