1 Tesalonisieŋ Me key ka ’ar ɗaf ma guma
Me key ka ’ar ɗaf ma guma
Pol a zlərawa a Egliz ma Tesalonik ana na, da har ma ma daway ma meslərey ŋga dey me tsetsew ana. A da husey a wurow ana na, a daɓa na da wurow ma Filip. Tesalonik ana na ŋga ar a mey ŋgwa ma Gres, da Proviŋs ma Maseduwan. Wurow ana na, wurow ma filaw, mbəlak hay haɗadzidzay da huɗa, har a var da huɗa kambəlaɓa na Zuif hay. Sa ma Zuif ana hay da huɗa na, me tetəkey ma Pol ana na ka datar ’ar kakay, ma harama ba. Pol a windatar na, a Tesalonisieŋ ana hay ma təɓama me pey 'ar wayna na. Kəɗey na, andza ŋga re ka tsakay ta a tatəkadata ha. Ndaw ma səradama ɗeriwel ana hay a dzalam na, waya ɗeriwel a neney na, na tsəfəmey ana andza Pol ma windatar a Kretieŋ ana hay. Andza ha satsa na, ɗeriwel a neney na ma winda ha gurəma ha da walaŋ ma ɗeriwel wayna na.
Lamba ɗuhwa na 1 kasl ka 3 na a tatəkadandakwar ka me zəgey har ma Pol a vaw ta Tesalonisiyeŋ hay. Pol ka ndzefey mey waya ha ba da kominite. Ma madatara bəzay ma guma ma mber aŋga ma kawa da ’ay ta na. A ləvey, a dzeley aha ndok ndok ma ka da nəkatərawa.
Da lamba ɗuhwa na 4 kasl ka 5 na, Pol a həladatara bəzay a Tesalonisiyeŋ ana hay, ma taya ka gəlam da mendzey ma kretiyeŋ. A mbəɗey ka bəzay ma guma ta na ma tsəham ma dzuŋgufada kominite ana waya ha mba na. Kretiyeŋ ana tsəfəmey ana hay a hutam aha ma mawa ma Yezu da bəse. Arka azlakwa sa tok na, sa ma ndaw ana ma kominite hay na a mətsam aha, ama na re Bay’ərlam Yezu ka sawa tsaray kakay. Kretiyeŋ hay ma tsəham na, waya ndaw a neney hay ma mətsam ana hay na, a da kam na teŋgey. Pol a ləvey na, ndaw ma mətsa na hay ta ndaw ta dey ana hay na ma dzəmaya asləta ka Yezu Kriste. Pas asləta na, tabiya ta hiya a da pərkəmawa da memətsey. Haya ha bəza kakay, ma huta ma da sawa ma Bay’ərlam Yezu ana na, ama ndaw ma sərada pas ana na dakay. Tek ɗuhwa ha na, mendzey ta Bay’ərlam, andza ma Bay’ərlam ana me tsəhey ana.
Currently Selected:
1 Tesalonisieŋ Me key ka ’ar ɗaf ma guma: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun