TUWUY Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewol Tuwuy misenna, mingiɓi mezle taˀ taˀ zlum anga (Israyeley ar sirik taŋ, a ɓam i ɗerewol Zeremi). Ɓi purla anga tewle: Zeruzalem mitiri diŋ, ti di mesene naŋ Babiloŋhoy musoko wahakaŋ, ar vi 587, naɓa Y. K a so t’aruŋ. Mendere madiɗa nah na, mikiɗa mi ngi zumabuy ngi Zuda i nah, mbak a lum hirnga naŋ ma ta. Buymisemuŋ a ɓa Davite le ɗaˀ le zleˀe: «A dirba ka mumuc le na, i mbur ngi si dideˀ ɗikey masa zum buyo ndrehhe, asi gidaŋ ngi zumabuy ɗik na, gwat masa wusa gu anta» (2 Sam 7.1 6). Ɓi miɓa ɗaˀ le misenna tuwa, a bigi le kaɓa i slir. Mizli mindiram ti siifa ti di mendere madiɗa nah na, gwat madiɗa migi, taŋ mingiram ti raˀa na, a sa wulkaka le keŋ, yo a sa cikam vu le ngi sla wala nah: Gwat mukuyta wãˀ nah na, buyɓi naŋ i waka? Bumbulvuŋ a biga le, kite naŋ i mesene ngi mizli naŋhay gisiŋ takwa? Mizli misi gidaŋ taŋ anta mata na, a sinaka le, zluɓ inga taŋ ngbaŋ. Yo a wulkaka le keŋ ma, «gi mezle haɗa ngi Bumbulvuŋ anta kiɗam mi ta» yo ma na, «gi teŋteŋ naŋ na, naŋ haɗa (Tuwuy 3.2 2-23). Ko ti mendere mibiga na kwana, miviɗiviɗi, taŋ manjaham hiri anga na, n’ada.
Currently Selected:
TUWUY Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.