San Marcos 2
2
Jesusi ambakerantasti p'amenchatini ma enga no úempka manakorheni
(Mt 9.1-8; Lc 5.17-26)
1Namoni jurhia tátsekua, Jesusi ménderu inchaakuntaspti Kafarnaumi. Ka enga na mítekorhepka eska chénjembo jarhaspka, 2uáni tángorhenhaspti engaksï jamberi k'umanchekuarhu no jatamukurhempka; ka ima aianguasïrempti uandakua. 3Ísï úkorhexapti engaksï t'ámu acheticha jimajku niárapka, achetinksï ma jupingurhirini pákuspti, enga no uémpka manakorheni. 4Ka xáni uánenhaparini, nóksï úsïrempti Jesusini andarherani, ka ísï xérini eskaksï no úsïrempka andarherani, jiniksï karharaspti ka k'umanchekuarhuksï p'enojtsïkuspti, ka p'amenchatinksï jimesï kénhaspti k'uírakua jatsiakutini. 5Eka Jesusi exepka eskaksï jakajkukusïrepka, p'amenchatini arhispti:
–Jucheti uátsï, púamenhantaskaria. 6Ka máruksï juramukua jurhentpiricha engaksï jima jápka uaxakatini, ísïksï p'ikuarhenhexapti: 7“¿Andisï inde ísï uandajki? Diósïni tájpanharhikuxati, jimboka Diósïjkusï újka k'amanharhintskuechani púatspentani.”#2.5-7 Lc 7.48-49.
8Ka Jesusi sóntku p'ikuarhenhespti ambeksïsï eratseni jápi, ka ísï kurhamarheaspti:
–¿Andijtsïsï ísï eratsejki? 9¿Andi ambe sánderu no úkua jukaski? Achetini enga no újka manakorheni, ¿Púamenhantaskaria arhini? O arhini: ¿K'arhakorhentsï k'uírakuani ka xanhara, arhini? 10Mítetaraakaksïni eska Acheti Uájpa#2.10 Jesusi jandiojku ísï arhikorhesïrempti. Uáni xanhari úrakorhesïndi Esekielirhu: Ese 2.1. Dan 7.13; Mt 8.20. úsïnga k'amanharhintskuechani púatspentani jimboka ixu parhakpeni juramukua kámsïnga.
Ka jimajku imani achetini arhispti:
11–T'úngenisï arhijka, jauara ka k'arhakorhentsï k'uírakua ka ni níntani.
12Ka ima acheti jauarapaspti, ka tarhatakorhentaspti k'uírakuani ka iámenduechani japarini uéntaspti. Ka jimajkani k'óruksï Diósïni iámenduecha k'éri ambe arhisïrempti, ísï arhipariniksï:
–No ménichi xéxapka xásï ambe.
Jesusi ióarhisti Lebini
(Mt 9.9-13; Lc 5.27-32)
13Tátsekua, Jesusi ménderu japundarhu uanamukuni isï niraspti; jima tángorhenhantasïrempti kurhajchanhani ka arhijtsïkuasïrempti. 14Ka jima exemaspti Lebini,#2.14 Lebi: Ixu ka Lc 5.27-32, ka Mt 9.9-13 májkuenisti eska Mateu. Alfeo uájpani, tumina tánakuarhu jarhaspti. Ka Jesusi arhispti:
–Chúxapurini.
Lebi jauaraspti ka chúxapaspti.
15Tátsekua, Jesusiksï imeri jurhengorhericha jinguni, Lebioksï t'irexapti ka jimaksï jarhaspti máteru tumina tánaticha,#2.15 Roma axantskua impuestu tanaticha. ka nósesi ambe úricha,#2.15 K'amanharhintaticha; Mt 9.10. jimboka uánenhaspkia engaksï xáni Jesusini chúxapani jápka. 16Máru juramukua jurhentpiricha, engaksï fariseuepka,#2.16 fariseuecha: Ima kúngurhikua engaksï judiouecheri juramukuani sánderu inchandimempka kuájpeni. engaksï exepka eska Jesusi imecha jinguni márku t'irexapka, Jesusiri jurhengorherichanksï kurhamarheaspti:
–¿Andisï chári jurhentpiri tumina tánatichani jinguni ka k'amanharhintaticha jinguni márku t'ireni jaki? 17Jesusi ísï kurhajchaatini arhiaspti:
–P'amenchatichaksïsï tsinajpirini uétarhenchajti, no ima engaksï kaxumbitika, ji k'amanharhintstichanisïni juka ióarhiantani, no imechani engaksï sési jaka.#2.17 Lc 15.7.
K'arhinda jakueri kurhamarhperakua
(Mt 9.14-17; Lc 5.33-39)
18Jarhaspti ma jurhia engaksï Juánu itsï atajtsïkpiriri jurhengorhericha k'arhinda jápka, ka ístu fariseueri jurhengorhericha, ka máruksï Jesusini niraspti kurhamarheni:
–¿Andiksïsï chéti jurhengorhericha no k'arhinda jarhajki, ka jiniksï Juánueri ka fariseueri jurhengorhericha k'óru k'arhinda jarhani?#2.18 Nómbe ma atini jarhani: Ióni isï p'indekuesptia judiouecheri jimbo k'arhinda jarhani. Mt 6.16. 19Ka Jesusi ísï arhiaspti:
–¿Andi ua nómbema anhani janhani jima enga tembuchakua úkorheni jarhajka ka tembucha jima jarhani? No úati. 20Ka niáraati jurhiata enga tembucha p'íkunhantaaka: Jimajkani k'óru k'arhinda janhaati.
21“Enga xukuparhakua tamapu jiángorhejka nónema takusï jimbanhe jimbo maiarasïndi, jimboka takusï jimbanhe tskúntasïnga ka tátsekua jimbanhe sánderu tsapakurhini. 22Nójtu úsïndi kauikua#2.22 Úberi tsitarakata. jimbanhe, sïkuiri tamapurhu#2.22 Sïkuiriri úkatesïrempti kauikua ka iámendu itsïni jásï ambe patsarakua. xarhiperanhani, jimboka ióni jimbo kauikua k'úmentasïnga ka sïkuiri tamapuni katikuntani, ka ísï jámani tsimani ambeksï tsîjpesïndi.”
Sábadu juramukua
(Mt 12.1-8; Lc 6.1-5)
23Sábadu jurhiatekua ma,#2.23-24 Jurhiatikua engaksï judiouecha mintsikorhejka, Eks 20.8-11; Mt 12.1-2. Jesusi tríju jatsikatarhu isï nitamaxapti, ka imeri jurhengorherichaksï uénaspti tríju kuarhajtsïkuni. 24Ka fariseuechaksï kurhamarhespti Jesusini:
–Era chéti jurhengorherichani ¿Andi nóksï míteski eska juramukua no jiáretpesïnga íni jurhiatekua jimbo ánchekorheni?
25Ka ima ísï arhiaspti:
–¿Andi nójtsï méni arhintaski Dabidi ambe enga úpka jiájkani enga k'arhimani p'ikuarherapka imeri pámpirichani jinguni? ¿Enga t'irekua nómbepka? 26Dabidi tiósïo inchaspti, jiájkani isï enga Abiatari táta k'éripka, kurhindechani auaspti engaksï Diósï míndakatepka, imeni jásï kurhinda engaksï tátechajku sésikua intsïnhajka arhani,#2.26 Lb 24.9. ka imeri pámpirichantu íntsaaspti.#2.25-26 1 S 21.1-6 (2-7).
27Jesusi arhiasptiteru:
–K'uiripusï úmenhati sábadu, ka no eska k'uiripu sábadueriuaka. 28Ka ísï jimbo, Acheti Uájpa#2.28 Jesusi jandiojku arhikorhexati. sábadujtu juramukua jatsisti.
Currently Selected:
San Marcos 2: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.