Filipeǁîn ǂGAEǂGUIǂGĀS
ǂGAEǂGUIǂGĀS
Sîǂkhanis Paulub dis Filipeǁîn ǃoa hâs ge ǂguro kerkheb Paulub ge Europaǃhūb hîa Romeǁîǀkharib Masedoniab dib ǃnâ ǂnubib ǃoa ge xoahe. Nē sîǂkhanis ge Paulub ǃkhō-oms ǃnâ ǂnôa hîa ge xoahe. ǁNā ǁaeb ǃnâb ge ǁîba ǀkhara xristeǁî sîsenaon xa gere mâǃoahe tsîb ge ǂhumi ǁkhāǁkhādi hîa Filipis ǃnâ hâ kerkheb ǃnâ gere ǁkhāǁkhāhedi xa gere ǀhūǀhūhe. ǁNāti ī mâsib ǃnâs ge nē sîǂkhanisa ǃgâiaǂgaob tsî ǁaposasib, Paulub xa ǀgui ǁîb di ǁaposa ǂgoms Jesub Xristub* ǃnâb ūhâs ǀkha ra ǃgāǃgāhe.
ǃUru ǃaromas nē sîǂkhanis ge xoabahes ge Filipis ǃnâ hâ xristeǁîn hîa ǂhâsib ǃnâb ge hâ i ǁaeb ai ge ǁîba huib ǀkha mâxōǀkhāna gangansa. ǁÎb ge nē ǃēsa sîsenū tsî ǁîna ǁkhawa ra ǁkhoaǁkhoa ǂgao ǁîn nî mâǀgai tsî ǁaposasiba ūhâsa ǁîb tsî ǁkhāti ǁîn tsîn ge ǃkharuǃnâ tsūǀkhāgu ǃaroma. ǁÎnab ge ra ǀkhoma ǃgamǃgamsenxa tanisensan Jesub xa nî ūhâ ǃkhaisa, ǁîǁâsens di turab tsî ǁîǃgôasens xan nî gaohes di ǃās ǃnâ. Paulub ge ǁîna ra hōhōǃnâ ǁîn di ûib hîa Xristub ǀkha ǀguiǃnâxasib ǃnâ hâb a Elob ǀkhommi di mā, ǂgoms ǃnâ-un ge ǃkhōǃoaba, xawe Jodeǁîn ǂHanub xoaǁguiga ǁnâuǀnams ǃnâ-us ose. ǁÎb ge ǃgâiaǂgaob tsî ǂkhîb, Eloba ge ǁnān hîa Xristub ǀkha ǀguiǃnâxasib ǃnâ ra ûina mākha xa ra xoa.
Nē sîǂkhanis ge ǃgâiaǂgaob, ǂgomǃgâs, ǀguiǃnâxasib tsî mâǀgais hîa Xristesi ǂgoms tsî ûib ǃnâ hâna ra ǁgauǂui. ǁÎs ge ǁkhāti Paulub di ǃgam ǀnammi Filipis ǃnâ hâ kerkhebab ūba hâba ra ǂhaiǂhai.
ǃKhōǂgāb
ǂGaeǂguiǂgās 1:1-11
Paulub ge ûiǃnâ hâ i mâsigu 1:12-26
Xristub ǃnâ hâ ûib 1:27—2:18
Timoteub tsî Epafrotidub ǃaroma hâ ǀapeǁguigu 2:19-30
Khākhoen tsî ǁkhōǁkhōsasigu ǃoagu hâ ǃkhâikhomdi 3:1—4:9
Paulub tsî ǁîb di Filipeǀhōsan 4:10-20
ǀAmǀams 4:21-23
Currently Selected:
Filipeǁîn ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.