Galateǁîn ǂGAEǂGUIǂGĀS
ǂGAEǂGUIǂGĀS
ǃGâiǂhôas Jesub dis ge Jodeǁî taman* ǃnâ aoǁnâtsoatsoahe tsî ǃkhōǃoahe ǁaeb ǂûb ais ge dîsa ge ǂoaxa, khoe-i Moseb ǂhanuba* ǁnâuǀnams ǃnâ ǀgui, ama Xristeǁî kai ǁkhā ǃkhaisa. Paulub ge nēs ǂhâbasa tama tsîs ǂgoms ǀguisa hoarahūs di ǂuru ǃgaoǃgao, hoana Elob ǀkha ra ǂhanu-ai kaisa ti gere ǂnoaǃoa. Xawe Galatiab di kerkhegu ǁaegu, Romeǃhūǃâs ǂKhari Asiab disa xun ge khoen, Pauluba mâǃoa tsî khoe-i nî Moseb ǂhanuba ǁnâuǀnams ǃnâ-u Elob ǀkha ǂhanu-ai kaihe ti gere ǁkhāǁkhāna ge hā.
Sîǂkhanis Paulub dis Galateǁîn ǃoa hâs ge ǁnā khoen ǂhumi ǁkhāǁkhādi ǀkha ge ǂgaeǂhapuhena, ama ǂgoms tsî ûiǂuib ǀkha danoas ǃaroma ge xoahe. Paulub ge ǁîb di ǂhanub Jesub Xristub* di apostelse* ǂgaihes diba ra ǁkhauba. ǁÎb ge ra mîhâhâ ǁîb di apostelse ǂgaihes Eloba xu hâ tsî khoe-i xare-i di ǁkhāsiba xu hâ tama, tsîs ǁîb di sîǂuisa ǃgōsase Jodeǁî taman ǃoa hâsa. Xaweb ge Pauluba ǁîb di ǂnoaguǀgaub, ǂgomsa xu ǀgui-i khoe-e Elob ǀkha ǂhanu-ai kaihe ǁkhā ǃkhais diba ge ǂâiǂui. ǀUni danaǃâdi ǃnâb ge Pauluba ra ǁgau, Xristesi tanisens ǂūsise ǀnammi Xristub ǃnâ ǂgoms diba xu ǀgui īǁkhā ǃkhaisa.
ǃKhōǂgāb
ǂGaeǂguiǂgās 1:1-10
Paulub di ǀgaib, aposteli ase 1:11—2:21
Elob ǀkhommi di ǃGâiǂhôas 3:1—4:31
Xristesi ǃnorasasib tsî ǃereams 5:1—6:10
ǀAmǀams 6:11-18
Currently Selected:
Galateǁîn ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.