Aoǁnâ-aob 2
2
1Tita ge ti ǂgaob ǃnâ “A ta toxopa ǃgâiaǂgaob ǀkha ǃâitsâ tsî ǃgâi-i hâsa mû” ti ge mî. Nēs tsîn ge a harebeoǃnâ. 2Âib xa ta ge “ǁÎb ge a gâsi tsî tare-eb ra dī?” ti ge mî. 3ǂÂis âtas ǀkha ta ge ti sorosa ta mâti ǂauxûi-i ǀkha nî khoakhoa ǃkhaisa ge ôaǃnâ tsîb ge ǂgaob âtaba gā-aisib ǀkha gere ǂgaeǂgui te, gâresiba nî ǁnamǂgāse.
4Kai xūna ta ge ge dī: Omde ǂnubibasen tsî ta ge draibeǃhanaga ge ǂgā.#1Gao. 4:23; 10:23-27; 2Kro. 9:22-27 5ǃHanaga ǂgā tsî ta ge hoa ǃhanaǂûhaiǃnôana ge ǂgā. 6Tsî ta ge ǁgamǁkhaega ge khao, ǁîna ta nî ǂnâse. 7Tita ge ǁkhāti aore tsî tare khobona ge ǁama tsî khobon di ôan ti oms ǃnâ ge ǃnaen tsîna ge ūhâ i. ǁKhāti ta ge ti aiǃâ ge Jerusalems ǃnâ hâ i khoen hoan ǃgâ-ai ǃnāsa kaiǀnūǀgoan tsî ǂkhariǀnūǀgoan tsîna ge ūhâ i. 8ǁÎba ta gere ǂgaeǂgui ǃhūb di ǁuiba xu ta ge ǀhai- tsî ǃhuniǀuriba ge ǀhaoǀhaobasen. Gao-aogu tsî ǃhao ǀgaigu ge ǁîgu di ǁuiga ge mā te. Aore tsî tare ǁnae-aona ta ge ge ǂhomi tsî ta ge aorekhoeb a ǂhâba ǁkhā tarekhoedi hoade ge ūhâ i.#1Gao. 10:10, 14-22
9Tita ge ti aiǃâ ge Jerusalems ǃnâ hâ i khoen hoan ǃgâ-ai ge kai tsîb ge ti gā-aisiba nēn hoan ǃnâ tita ǃnâ ge hâ.#1Kro. 29:25
10Dī ǂgao ta ka xū-i hoa-e ta ge gere dī.
Ti ǂgaoba ta ge ǃgâi-i xare-e xu ge ū-oa tama hâ i
tsî ta ge mâ xū-i hîa ta ge sîsenba-i hoa-i xa ge ǂnīsa i,
tsîn ge nēn hoana ge ti mādawa-am i.
11Ti sîsengu tsî dī ta ge xūn hoana ta ge kō, o ta ge nēsa ge mû:
Hoaraga xūn ge a harebeoǃnâ tsî ǂoaba saurus ase ī.
Nē ǃhūbaib ai i ge ǂkhîǂkhî ra xū-e ǀkhai.
12ǁKhāti i ge gao-ao-e ǁî-i aiǃâ go hâ i gao-ao-i ge dī hâ i xūn ǀguina a dī ǁkhā.
O ta ge ti ǂâisa gā-aisib,
ǃkhausib tsî gâsiba nî ǃgaoǃgâse ge ǃammâi.
13O ta ge gā-aisib gâsis ǃgâ-ai a ǃgâi,
ǃnâb ǃkhaenab ǃgâ-ai a ǃgâi ǃkhais ǁkhās khami ǃkhaisa ge mûǂan.
14Gā-ai khoe-i ge mâǀî-i garu ǃkhaisa a ǂan,
gâ khoe-i ra ǃkhaenab ǃnâ ǃgûǂgâ hîa.
Xawes ge hoan di ǀamsa a ǀgui.
15O ta ge ǁkhāti tita ǃnâ ge ǂâi
gâ khoe-i ra tsâ ǃgommi tita tsîna nî hāǂam ǃkhaisa.
O tare-es gā-aisisa tita ra harebeba?
O ta ge ge mîbasen
hoaraga xūn a harebeoǃnâ ǃkhaisa.
16ǀUniǀams ain gā-aina gân ǀkha ǀguitikōse ǂâihōhe tide.
Hā nî tsēdi ǃnân ge hoana nî ǀuruhe.
Gâ khoe-i ǁkhā-i khami-i ge gā-ai-i tsîna nî ǁō.
17Titab ge ûiba harebeoǃnâse ge ība, ǁîb ǃnâ hâ hoaraga xūn tita ǃgommi ǀguiba ra hā-ūba xui-ao. Hoan ge a harebeoǃnâ tsî ǂoaba saurus ase ī.
18Hoaraga ǀhupuǀhupusens ǃhūbaib ai ta gere ǀhupuǀhupusens xa ta ge ge harebeoǃnâbahe, tita khaoǃgâ nî hā-e ta ǁîsa nî ǁnāxūba xui-ao. 19Tsî tari-e gâ tamas ka io i nî gā-ai khoe ǃkhaisa a ǂan? Xawe-i ge ǁî-e hoaraga xūn tita ge nētikō ǀgaisase tsî gā-aise ǀhupuban di ǃereamsa nî ū. Nēs tsîn ge a harebeoǃnâ. 20Tsîb ge ti ǂgaoba nē hoaraga kai ǀhupuǀhupusens ǃhūbaib ai ta ge dīsa xu ge ǃan. 21Sats ga ǀgaisase sa hoaraga gā-aisib, ǂans tsî ǂansǁkhāsib ǀkha ǀhupuǀhupusentoas khaoǃgâts ge nē hoaraga xūna ǁîn ǃaroma go sîsen tama hâ i khoe-e ra ǁnāxūba. Nēs tsîn ge harebeoǃnâ tsî a kai tsūkeǃgâ? 22Tare-e-i khoe-e ǁî-i di hoaraga ǀhupuǀhupusens tsî ǂâiǂhansens ǃhūbaib ai-i ra dī ǃnâ nî harebeba? 23Hoaraga tsēdi â-i ge tsûb tsî ǂâiǂhansens xa hâǃnâhe. Tsuxub ǃnâs ge ǂâis â-e sâba hō tama hâ. Nēs tsîn ge harebeoǃnâ tsî ǂhanu tama hâ.#Job 5:7; 14:1
24ǀGui ǀgaub ûib ǃnâts nî ǃgâiǃgâisenni ǀguib ge hâ: ǂÛ, ā î sa ǀhupuǀhupusens di xūn ǃgâiba ǁnā ǀgaus ai ǀama. Nēs tsîn Eloba xu hâ xuige.#Aoǁn. 3:13; 5:18; 9:7; Luk. 12:19; 1Kor. 15:32 25ǁÎb huiba xu ǀguis ge ǂû tsî da ǃgâiǃgâisen ǁkhāsa. 26Elob ge gā-aisib, ǂans, tsî ǁnān ǁîba ra ǃgâiǃgâiǂgaona ǃgâiaǂgaoba ra mā, xaweb ge ǁore-aona ra sîsen kai, ǃoaǂui tsîn nî sâu tsîs ǁîn hōǂgāsa ǁnān ǁîba ra ǃgâiǃgâiǂgaona nî māhese. Hoan ge a harebeoǃnâ tsî ǂoaba saurus ase ī.#Job 32:8; ǂKhm. 2:6
Currently Selected:
Aoǁnâ-aob 2: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.