Koloseǁîn ǂGAEǂGUIǂGĀS
ǂGAEǂGUIǂGĀS
Sîǂkhanis Paulub dis Koloseǁîn ǃoa hâs ge Koloses, ǃās hîa ǂKhari Asiab aiǂoas Efeses dis ǃnâ hâs di kerkheb ǁga ge xoahe. Nē kerkheb ge Paulub xa ǂnubihe tama hâ, xawe ǁnā ǀkharib Paulub ge ǃereamsa ūǃnâb ǃnâ ge hâ i, ǁîb gere sîsenaoga Efeses, danaǃās Romeǁîǀkharib, Asiab diba xu sîǂui ǃnubai. Paulub ge ge ǂan ǁnāpa gu ge ǂhumi ǁkhāǁkhā-aoga Koloses ǃnâ hâ kerkheb ǃnâ hâ isa, ǀû tamase gere ǁkhāǁkhāga Eloba ǂans tsî ǀoasa ǃgâiǃōsiba ūhâs ǃaroma i khoe-e ǀnî “gagasi ǂgaeǂgui-aogu tsî ǀgaigu” tsîna nî ǀgoreǀî ǃkhaisa. ǃAruǀî gu ge nē ǁkhāǁkhā-aoga gere mî, khoe-i nî ǀō-aisa xoaǁguigu, aiǁgause ǃgaohes,* karosa ǂnûiǂgādi ǂûxūn xa hâdi tsî ǀnî khami ī ǁgaragu tsîna nî dīsa.
Paulub ge nē ǁkhāǁkhāde ama Xristesi ǁkhāǁkhās ǀkha ra mâǃoa. ǃUrus ǁîb di ǃereams dis ge Jesub Xristub* a ǁkhā, ǀoasa ǃgâiǃōsiba mās ǃaroma tsîn ǀkhara ǂgomǀgaugu tsî ûiǀgaugu tsîna khoena ǁîba xu ra ǂgaeǂhapu ǃkhaisa. Elob ge Xristub ǃnâ-u ǃhūbaiba ge kuru tsî ǁîb ǃnâ-u ǃhūbaiba ǁîb ǃnâ ra oahā-ū. Xristub ǀkha hâ ǀguiǃnâxasib ǀguib ǃnâb ge ǃhūbaiba ǃgâiǃōsib di ǃâubasensa nî hō. ǃAruǀîb ge Pauluba ǁgoaǂuidi nē kai ǁkhāǁkhās ǂgomsaben di ûigu xa hâs dide ra ǃgāǃgā.
ǂAnsa a ǃkhais ge Tixikub, nē sîǂkhanisa Paulub ǃaroma Koloses ǁga ge ī-ūb, Onesimub, ǁnā ǃgāb hîa ǁîb ǃaromab ge Pauluba Filemonni di ǂkhanisa xoab ǀkha ge hâ isa.
ǃKhōǂgāb
ǂGaeǂguiǂgās 1:1-8
ǂŪsib tsî sîsengu Xristub digu 1:9—2:19
ǀAsa ûib Xristub ǃnâ hâb 2:20—4:6
ǀAmǀams 4:7-18
Currently Selected:
Koloseǁîn ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.