1 Timoteub ǂGAEǂGUIǂGĀS
ǂGAEǂGUIǂGĀS
Timoteub, ǂkham Xristeǁîb ǂKhari Asiaba xub, ge Jodeǁî ǁgûs tsî Grikeǁî ǁgûb tsîra di ôaba. ǁÎb ge Paulub di sîǂuis sîsengu ǃnâ horesa tsî hui-aob ase ge hâ i. ǂGuro sîǂkhanis Timoteub ǃoa hâs ge ǃnona dana ǃgomsiga ra ǃhoaǃgao.
Nē sîǂkhanis ge ǂguro ǃkhais ai ǂhumi ǁkhāǁkhās kerkheb ǃnâ ge hâ isa ra ǃkhâikhom. Nē ǁkhāǁkhās, Jodeǁîn tsî Jodeǁî taman* di ǂâiǀgaugu ǀkha a habasas, ge sorosi ǃhūbaib a ǂkhaba tsî khoe-i ǃgâiǃōsiba ǀō-aisa ǂganǃgâsa ǂansa xu ǀgui nî hō ǃkhais, ǁkhāti ǀnî ǂûn ǀguina ǂûs tsî ǃgame tama is ai ge ǃgaoǃgaosa i. ǁKhātis ge nē sîǂkhanisa kerkheb di sîsenǀgaub tsî ǃoabaǀgaub xa hâ ǁgui-aide ǃkhōǂgā hâ, kerkheb ǂgaeǂgui-aon tsî hui-aon nî tanisen ǀgaub di xoaǃgāǃgādi ǀkha. ǀAms aib ge Timoteuba ra ǀapemāhe, mâ ǀgaub aib Jesub Xristub* di ǃgâi ǃgāse nî īs, tsî ǁîb di ǃereamdi ǃkharagagu ǃnandi ǂgomsaben didi ǃoagub nî ūhâdi xa.
ǃKhōǂgāb
ǂGaeǂguiǂgās 1:1-2
Kerkheb tsî ǁîb ǂgaeǂgui-aon xa hâ ǁgui-aidi 1:3—3:16
Timoteub di sîsenni ǂama hâ ǁgui-aidi 4:1—6:21
Currently Selected:
1 Timoteub ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.