1 Korinteǁîn 2
2
ǃGâuhe ge Xristub* xa hâ ǂhôas
1Ti ǃgâsado, sadu ǃoa ta ge ǂganǃgâsa amab Elob diba nî aoǁnâse hā, o ta ge ǂoaǂamsa ǃhoaǀgaub tamas ka io gā-aisib ǀkha ge hā tama hâ i. 2Sadu ǀkha ta ge hâ i, o ta ge ge mîǁgui, ǀnî xū-i xare-e ta ǃhoa tidesa, Jesub Xristub ǃgâuhe geb ǀguib ose. 3#ǃNǃkh. 18:1, 6, 12Tsî ta ge sadu tawa ǂkhabusasib, ǃaob tsî ǀkhūb ǀkha ge hâ i. 4Tsî ti ǁkhāǁkhās tsî aoǁnâs tsîra ge gowadans ǁkhāsib di mîdi, khoesi gā-aisib didi ǀkha ge hâ tama hâ i, xawe Gagab ǀgaib di ǁgauǂuis ǀkha, 5sadu ǂgoms khoesi gā-aisib ǃnâ mâ tidega, xawe Elob ǀgaib ǃnâ.
Elob di gā-aisib
6Xawe ge ge gā-aisiba gagasise kaiǂâu hân ǃnâ ra ǃhoa, nē ǁaeb di gā-aisi tamab, ǁkhāti danaǂgaeǂgui-aogu nē ǃhūbaib digu, kā nî gu, di tamaba. 7Xawe ge ge Elob di ǂganǃgâsa gā-aisib, sâusase ge hâ ib, Elob ge ǀnai, nē ǃhūbaib di ǂnubihes aiǃâ sada ǂkhaisib ase ǀapeǁguibab xa ra ǃhoa. 8#Bar. 3:14Nē ǁaeǃgâs di danaǂgaeǂgui-aogu, nē ǃhūbaib digu di ǀguib xaweb ge ǂan tama hâ iba; ǂan gu ga hâ, o gu kom ǃKhūb ǂkhaisib diba ga ǃgâu tama hâo, 9#Jes. 64:4; 65:17xoamâihe hâ khami:
“Mûs mû taman tsî ǂgaes ǁnâu taman
tsî khoe-i ǂgaoba xu hā taman,
ǁînab ge Eloba, ǁnān ǁîba ǀnamna ge ǂhomiba.”
10Xaweb ge Eloba sada ǁîna Gagab ǃnâ-u ge ǂhaiǂhaiba. Gagab ra hoa xūn tsî Elob di ǃgamsib tsîna ôaǃnâ xui-ao. 11Mâ khoe-e kha nau-i di ǂâide a ǂan, gagas hîa ǁî-i ǃnâ hâs ǀguis ose? ǁNās ǁkhās xase i ge khoe-i xare-e Elob ǃnâ hâna ǂan tama hâ, Elob di Gagab ǀguib ge a ǂan. 12Tsî da ge nēsi ǃhūbaib di gagaba ǃkhōǃoa tama, xawe da ge Eloba xu hâ Gagaba ge ǃkhōǃoa, Elob xa da marioǃnâse māhe hâ xūna da nî ǂanse.
13ǁÎna ge ǁkhāti ra ǃhoana, khoesi gā-aisib ra ǁkhāǁkhā mîdi ǀkhas ose, xawe Gagab ra ǁkhāǁkhādi ǀkha, gagasi amaba gagasi mîdi ǀkha ra ǀnōse. 14Xawe i ge gagaba ūhâ tama khoe-e Elob di Gagab di xūna ǃkhōǃoa tama hâ, ǁî-i ǃaroma i a gâsi xui-ao tsî-i a ǁnâuǃā ǁoa ǁîn gagasise nî ǀgoraǃgâhe ǃkhaisa amaga. 15Gagasi khoe-i ge hoana ǀgoraǃgâ ǁkhā, xawe i ge ǁî-aitsama khoe-i xare-i xa ǀgoraǃgâhe tama hâ. 16#Jes. 40:13Xoas ra mî khami:
“Tari-e kha ǃKhūb di ǂâisa a ǂan,
tari-e nî ǁgauǃnâ bi?”
Xawe da ge sada Xristub di ǂâisa ūhâ.
Currently Selected:
1 Korinteǁîn 2: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.