1 Korinteǁîn 16
16
ǀKhaexūn ǂgomsaben ǃaroma
1 #
ǃNǃkh. 24:17
Tsî ǃanun Jerusalems ǃnâ hân ra dībahe mariǀhaoǀhaosa, Galateǁîn di kerkhega ta ge mîmās ǁkhās khami sadu tsîna dī re. 2Mâ Sabbattsēs hoasa a i mâ-i hoa-i âdo xū-e ǁguibē, ǁkhāsib â-e ǃoa, îs ǀhaoǀhaosa tā ǁnāpa ta ga sī, o ǀgui dīhe. 3Tsî sī ta ka, o ta ge ǁnān sadu ge mâi-aiǃâsens sîǂkhanidi ǀkha, sadu ǀkhaeban nî Jerusalems ǃoa sī-ūse mā-amna nî sî. 4Tsî tita nî ǃgû ǃkhais ga ǂhâbasa, on ge tita ǀkha nî ǃgû.
Paulub di ǃnariǀapeǁguigu
5 #
Rom. 15:26; ǃNǃkh. 19:21 Tsî ta ge sadu tawa nî sī, Masedoniab tawa ta ga ǃkharuo, ǁnāpa-u ta nî ǃkharu xui-ao. 6ǀNîsi ta ge sadu tawa nî hâ tamas ka io saob hoaragaba hâǃkharu, sadu nî hui te, ais ǃoa ta ga ǃgû ǃkhai-i hoa-i ǃoase. 7ǃKharugaruse ǀgui ta mû du ǂgao tama xui-ao ta ge ra ǃâubasen, ǁaero-e ta nî sadu ǀkha ǃKhūb ga mā-amo hâsa.
8 #
ǃNǃkh. 18:19
Xawe ta ge Efeses tawa ǃAnu Gagab di ǁhōǂuis ǁaeb kōse nî hâ. 9Kai tsî ǂhâǂhâsa dao-am-e ta ǁkhowa-ambahe hâ, xawen ge mâǃoa-aona a ǂgui.
10 #
ǃNǃkh. 16:1
Tsî Timoteub ga sīo, kō îb ǃaob ose sadu ǀkha hâ, ǃKhūb di sîsennab ra tita ǁkhāta khami dī xuige. 11A i khoe-i xare-e tā ǁîba ǃharaxū, î du ǁîba aiǃâb ǁgab ǂkhîb ǃnâ nî ǃgûse hui, tita tawab nî hāse, ǃgâsagu ǀkha ta ǃâu bi hâ xui-ao.
12Tsî ǃgâsab Apolob xasa, ǁîba ta ge kaise ge ǀkhoma ǃgâsagu ǀkhab sadu tawa nî sī ǃkhaisa, xaweb ge hoaragase nēsib nî sī ǃkhaisa ge ǂâibasen tama hâ i, tsîb ge ega, soa-eb ga hō ǁae-i hoa-i ai nî sī.
ǀUni mîdi tsî tawededi
13ǂKhaikari hâ, ǂgoms ǃnâ ǁaposase mâ, ǁkhoaǂgaoxa, î ǀgai. 14An sadu xūn hoana ǀnammi ǃnâ dīhe.
15 #
1Kor. 1:16
ǂAn du a ǃgâsado, Stefanab di omaris din ge ǂgurose Axajab ǃnâ xristeǁî kai tsî ǁî-aitsama Elob khoena ǃoabas ǃnâ mâisen ǃkhaisa. 16Î du sadu tsîna nēti īna ǃnaka hâba tsî mâ-i hoa-i hîa sadu ǀkha sîsen tsî ra ǀhupuǀhupusen-i tsîna.
17Tsî ta ra ǃgâiaǂgao Stefanab, Fortunatub tsî Axaikub tsîgu di hās ǂama, sadu ta ra ǁkhui soasa gu ge tita tawa ǀoaǀoa xui-ao. 18Ti gagas tsî sadu dis tsîna gu ge ge khoakhoa. Nēti īga ǂanǃgâ re.
19 #
ǃNǃkh. 18:2; Rom. 16:5 Asiab ǃnâ hâ kerkhegu ra tawede du. Akwilab tsî Priskilas tsîra tsî ǁîra ommi ǃnâ ra ǀhao kerkheb ra ǁkhorexase ǃKhūb ǃnâ tawede du. 20Hoa ǃgâsagu ra tawede du.
Tawedegu du re ǃanu ǁoas ǀkha. 21Ti ǂhunuma ǃommi ǀkha ta ge nēsa ra xoa: Tawedes tita Pauluta xu.
22 #
Rom. 9:3
ǃKhūba ǀnam tama khoe-i, ǁnā-i ge ǀâxarexūhe hâ. Sida ǃKhūtse, hā re!#16:22 Sida ǃKhūtse, hā re: Grike xoaǁguigu ge Marana ta ti ūhâ.
23ǀKhommi ǃKhūb Jesub diba ab sadu ǀkha hâ.
24Ti ǀnamma ab Xristub* Jesub ǃnâ sadu hoadu ǀkha hâ. [Amen.*]#16:24 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.
Currently Selected:
1 Korinteǁîn 16: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.