Sof 2
2
1Ch'utub'omaq eerib',
ex poyanam li maak'a' eexutaan,
2naq toj maji' nekexrume'k chi najt,
jo' na'uxk re li k'im#2,2 Sal 1,4; Jr 13,24; Os 13,3. li nasachk chiru jun kutan.
Junajiiq eerib' rub'elaj naq taachalq sa' eeb'een
li xnimal xjosq'il li Qaawa',
naq toj maji' nawulak xkutankil li xjosq'il li Yos.
3Sik'omaq li Qaawa' chejunilex
li kub'enaq eewankil sa' li ruuchich'och' a'in,
jo'k'ihalex li nekexpaab'ank re li xchaq'rab'.
K'anjelahomaq li tiikilal ut li q'unil ch'oolej:
mare anchal texkole'q
sa' xkutankil li xjosq'il li Qaawa'.#2,3 Is 55,6-7; Jl 2,12-14.
Ra chaalel sa' xb'eeneb' li tenamit
4Taatz'eqtaanaaq li tenamit Gasa
ut Askalón taakanaaq chi po'lemil;
chi kutan taayamtesiiq Asdod,
ut Ekrón taajuk'e'q chi junwaakaj.
5Ra chaalel sa' eeb'een laa'ex aj Kreta,
li wankex chire li palaw.
Li Qaawa' ak xraqok aatin sa' eeb'een:
“Laa'ex aj Kanahán, xteepalex aj Filistea,#2,4-7 Is 14,29-31; Jr 47,1-7; Ez 25,15-17; Jl 3,4-8; Am 1,6-8; Zak 9,5-7.
ok we chejuk'b'al, ut maajun chik tkanaaq.
6Li na'ajej wank chire li palaw taakanaaq cho'q pach'aya':
aran te'xch'utub' rib' eb' laj k'aak'alehom ketomq,
aran te'tz'apmanq eb' li karneer”, chan li Qaawa'.
7Ut jo'k'ihaleb' te'kole'q sa' xteepal Judá
a'aneb' chik te'eechaninq re li na'ajej a'an.
Aran te'xk'aak'ale li xketomqeb'
ut te'hilanq sa' rochocheb' laj Askalón,
naq li Qaawa' li qaYos tolxtenq'aheb' laj Judá
ut tixsutq'isiheb' wi' chik sa'eb' li xna'ajeb'.
8Jo'ka'in xye li Qaawa':
“Xwab'i naq eb' laj Mohab xe'xmajewa lintenamit#2,8-11 Is 15-16; 25,10-12; Jr 48; Ez 25,8-11; Am 1,13-15.
ut eb' laj Amón xe'xtz'eqtaanaheb',#2,8-11 Jr 49,1-6; Ez 21,28-32; 25,1-7; Am 1,13-15.
naq xe'numtaak sa' xb'eeneb'
ut xe'b'ihomo'k sa' li xna'ajeb'.
9Jo'kan naq Laa'in, li Nimajwal Yos ut xYos laj Israel,
ninye li waatin naq Mohab taakanaaq jo' Sodoom,
ut Amón taa'oso'q jo' Gomoor.#2,9 Gn 19,24.
Junes k'ix ut atz'am taa'elq chiru;
nakirirnak chi junajwa taakanaaq.
Jo'k'ihaleb' chik lintenamit xe'kole'k, te'xxok chixjunil
ut eb' a'an te'eechaninq re li na'ajej a'an”.
10A'an te'xtoj wi' li xq'etq'etil eb' laj Mohab ut aj Amón,
xb'aan naq xe'xmajewa ut xe'xhob' li xtenamit li Nimajwal Yos.
11Q'axal xiwajel tixb'aanu li Qaawa' reheb'
naq chixjunileb' li jalanil yos sa' ruuchich'och'
te'kanaaq chi maak'a'aq chik xwankileb',
ut chiru chik li Qaawa' te'xwiq'ib' rib'
chixjunileb' li na'ajej sutsuukeb' xb'aan li palaw,
sa' xna'aj xna'aj li junjunq.
12“Jo'kan ajwi' tinb'aanu eere laa'ex aj Etiopía:#2,12 Is 18,1-7.
tex'oso'q xb'aan linq'esnal ch'iich'”, chan li Yos.
13Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq'
re xsachb'al Asiria,#2,13-15 Is 10,5-34; 14,24-27; Nah 1-3.
ut nakirirnak taakanaaq Nínive,
joxk' aj chik taakanaaq wi'.
14Te'juk'manq eb' li tz'alamche'il ochoch,
ut aran chik te'hilanq eb' li ketomq
jo'wi' chixjunileb' li k'iila paay chi xxulel k'iche'.
Aran te'warq eb' li jotz ut eb' li k'ix uch sa' xb'eeneb' li oqech;
eb' li warom te'yaab'aqje'q sa' li b'entaan
ut eb' li tuntz'oq sa'eb' li okeb'aal.
15Jo'ka'in te'kanaaq li q'axal sa sa' xch'ooleb' naq xe'wank,
li tenamit kaw rib' naq naxk'oxla,
li naxye sa' xch'ool:
“Ka'ajin wi' ut maa'ani chik junaq!”.
Ilomaq! Nakirirnak xkanaak,
ut xna'ajeb' chik li josq' aj xul.
Chixjunileb' li te'nume'q chi xk'atq
te'xuxb'aq ut te'xb'anb'ani li xjolomeb'.
Currently Selected:
Sof 2: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.