Heb 3
3
Li Kriist nim xwankil chiru laj Moisés
1Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal. 2A'an kipaab'ank chi tz'aqal chiru li Yos li kixaqab'ank chaq re sa' li k'anjel a'in, kama' ajwi' naq kipaab'ank laj Moisés naq kik'anjelak sa' xyanq chixjunileb' li wankeb' sa' rochoch li Yos.#3,2 Nm 12,7.
3Li loq'al k'eeb'il re li Jesus q'axal nim chiru li xloq'al laj Moisés: kama' laj kab'lanel nim chik xloq'al chiru li kab'l. 4Xb'aan naq li junjunq chi kab'l wank aj yiib'ahom re; a'ut laj kab'lanel re li choxach'och' a'an li Yos. 5Relik chi yaal naq laj Moisés kipaab'ank sa' xb'een chixjunil li rochoch li Yos jo' aj k'anjel, re xyeeb'al resil li k'aru taak'utb'esimanq moqon. 6A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.
Li ok sa' xhilob'aal li Yos
7Jo'kan utan, kama' naxye li Santil Musiq'ej:
“Wi anaqwan nekerab'i xyaab' xkux,
8meekawub'resi leech'ool
jo' kik'ulmank chaq sa' xq'ehil li q'etb'a aatin,
sa' xkutankil li aaleek sa' li chaqich'och'.
9Aran leena' leeyuwa' kine'raale chaq ut ke'xyal chaq wix,
us ta ak rilomeb' chaq linb'aanuhom chiru ka'k'aal chihab'.
10Jo'kan naq kipo'k inch'ool sa' xb'een li tenamit a'an
ut kinye: «Junelik sachsookeb' sa' li xyu'ameb',
ink'a' ke'xtaw ru li waatin».
11Ut kinye rik'in jurament sa' linjosq'il:
«Maajoq'e te'ok sa' linhilob'aal!»”.#3,7-11 Sal 95,7-11.
12Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos. 13Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak. 14Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.
15Naxye li Santil Hu:
“Wi anaqwan nekerab'i xyaab' xkux,
meekawub'resi leech'ool,
jo' kik'ulmank chaq sa' xq'ehil li q'etb'a aatin”.#3,15 Sal 95,7-8.
16Aniheb' li ke'ab'ink re ut ke'q'etok li aatin? Ma ink'a' tab'i' chixjunileb' li ke'elk chaq Ejiipt chirix laj Moisés? 17Ut aniheb' sa' aj b'een kijosq'o'k li Yos chiru ka'k'aal chihab'? Ma ink'a' tab'i' sa' xb'eeneb' li ke'maakob'k? Jo'kan naq ke'kanaak chi oso'k sa' li chaqich'och'.#3,17 Cf. Nm 14,29-35. 18Aniheb' aj e kixye li Yos rik'in jurament naq ink'a' te'ok sa' li xhilob'aal? Ma ink'a' tab'i' reheb' li ink'a' ke'paab'ank chiru? 19Chi jo'kan naqil naq ink'a' ke'ruhank chi ok xb'aan xmaak'a'il xpaab'aaleb'.
Currently Selected:
Heb 3: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Heb 3
3
Li Kriist nim xwankil chiru laj Moisés
1Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal. 2A'an kipaab'ank chi tz'aqal chiru li Yos li kixaqab'ank chaq re sa' li k'anjel a'in, kama' ajwi' naq kipaab'ank laj Moisés naq kik'anjelak sa' xyanq chixjunileb' li wankeb' sa' rochoch li Yos.#3,2 Nm 12,7.
3Li loq'al k'eeb'il re li Jesus q'axal nim chiru li xloq'al laj Moisés: kama' laj kab'lanel nim chik xloq'al chiru li kab'l. 4Xb'aan naq li junjunq chi kab'l wank aj yiib'ahom re; a'ut laj kab'lanel re li choxach'och' a'an li Yos. 5Relik chi yaal naq laj Moisés kipaab'ank sa' xb'een chixjunil li rochoch li Yos jo' aj k'anjel, re xyeeb'al resil li k'aru taak'utb'esimanq moqon. 6A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.
Li ok sa' xhilob'aal li Yos
7Jo'kan utan, kama' naxye li Santil Musiq'ej:
“Wi anaqwan nekerab'i xyaab' xkux,
8meekawub'resi leech'ool
jo' kik'ulmank chaq sa' xq'ehil li q'etb'a aatin,
sa' xkutankil li aaleek sa' li chaqich'och'.
9Aran leena' leeyuwa' kine'raale chaq ut ke'xyal chaq wix,
us ta ak rilomeb' chaq linb'aanuhom chiru ka'k'aal chihab'.
10Jo'kan naq kipo'k inch'ool sa' xb'een li tenamit a'an
ut kinye: «Junelik sachsookeb' sa' li xyu'ameb',
ink'a' ke'xtaw ru li waatin».
11Ut kinye rik'in jurament sa' linjosq'il:
«Maajoq'e te'ok sa' linhilob'aal!»”.#3,7-11 Sal 95,7-11.
12Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos. 13Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak. 14Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.
15Naxye li Santil Hu:
“Wi anaqwan nekerab'i xyaab' xkux,
meekawub'resi leech'ool,
jo' kik'ulmank chaq sa' xq'ehil li q'etb'a aatin”.#3,15 Sal 95,7-8.
16Aniheb' li ke'ab'ink re ut ke'q'etok li aatin? Ma ink'a' tab'i' chixjunileb' li ke'elk chaq Ejiipt chirix laj Moisés? 17Ut aniheb' sa' aj b'een kijosq'o'k li Yos chiru ka'k'aal chihab'? Ma ink'a' tab'i' sa' xb'eeneb' li ke'maakob'k? Jo'kan naq ke'kanaak chi oso'k sa' li chaqich'och'.#3,17 Cf. Nm 14,29-35. 18Aniheb' aj e kixye li Yos rik'in jurament naq ink'a' te'ok sa' li xhilob'aal? Ma ink'a' tab'i' reheb' li ink'a' ke'paab'ank chiru? 19Chi jo'kan naqil naq ink'a' ke'ruhank chi ok xb'aan xmaak'a'il xpaab'aaleb'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.