Heb 2
2
Li kolb'a ib' li q'axal loq'
1Jo'kan utan, tento naq q'axal chik tqak'e qach'ool chirix li k'aru xqab'i, re naq ink'a' toosachq. 2Xb'aan naq wi li aatin puktesinb'il xb'aaneb' li ánjel#2,2 Cf. Hch 7,38.53; Gal 3,19. kiwank xwankil ut chixjunileb' li ke'xq'et li chaq'rab' a'an ut ink'a' ke'xpaab' ke'xk'ul reeqaj jo' chanru xk'ulub'eb', 3chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re. 4Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.
A' li Kriist kikolok qe, moko eb' ta li ánjel
5Xb'aan naq li Yos ink'a' kixk'e rub'el xwankileb' li ánjel li ruuchich'och' toj chaalel, a' li ruuchich'och' li yooko wi' chi aatinak. 6Wank ani kich'olob'ank xyaalal sa' Santil Hu, sa' jun chi raqal:
“K'a' ta xaq ru li winq naq q'axal nakak'oxla,
k'a' ta xaq ru junaq poyanam
naq wank aach'ool chirix?
7Xakub'si kach'in xwankil li winq chiruheb' li ánjel;
xak'e xloq'al ut xwankilal re awab'ejink.
8Chixjunil xaq'axtesi rub'el roq rub'el ruq'”.#2,6-8 Sal 8,5-7.
Naq kixk'e chixjunil rub'el roq rub'el ruq', maak'a' k'aru kikanab'aak xb'aan li Yos chi ink'a' ta napaab'ank chiru li winq. Yaal ajwi' naq anaqwan toj maji' naqil naq chixjunil wank rub'el xwankil; 9ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.
10Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.
11Xb'aan naq laj santob'resinel ut eb' li santob'resinb'ileb' jun ajwi' li xYuwa'eb'. Jo'kan naq li Jesus ink'a' naxutaanak chi xyeeb'al was wiitz'in reheb', 12naq naxye:
“Tinpuktesi aawesil rik'ineb' li was wiitz'in;
sa' li loq'laj ch'utam tinnima aawu rik'in b'ich”.#2,12 Sal 22,23.
13Ut naxye ajwi':
“Rik'in A'an kawaq inch'ool”.
Naxye wi' chik:
“We'ko arin, laa'in ut eb' li walal xk'eheb' we li Yos”.#2,13 Is 8,17-18.
14Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik, 15jo' ajwi' re rach'ab'ankileb' jo'k'ihal li wankeb' chi b'ak'b'o junelik xb'aan xxiweb' chiru li kamk. 16Relik chi yaal naq li Jesus ink'a' kichalk chi xtenq'ankileb' li ánjel, kichalk b'an chi xtenq'ankileb' li ralal xk'ajol laj Abrahán.#2,16 Is 41,8-9.
17Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit. 18Ut anaqwan naru xtenq'ankileb' li yookeb' raalenkil, xb'aan naq a'an ajwi' kixkuy li ra naq ki'aaleek.
Currently Selected:
Heb 2: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Heb 2
2
Li kolb'a ib' li q'axal loq'
1Jo'kan utan, tento naq q'axal chik tqak'e qach'ool chirix li k'aru xqab'i, re naq ink'a' toosachq. 2Xb'aan naq wi li aatin puktesinb'il xb'aaneb' li ánjel#2,2 Cf. Hch 7,38.53; Gal 3,19. kiwank xwankil ut chixjunileb' li ke'xq'et li chaq'rab' a'an ut ink'a' ke'xpaab' ke'xk'ul reeqaj jo' chanru xk'ulub'eb', 3chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re. 4Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.
A' li Kriist kikolok qe, moko eb' ta li ánjel
5Xb'aan naq li Yos ink'a' kixk'e rub'el xwankileb' li ánjel li ruuchich'och' toj chaalel, a' li ruuchich'och' li yooko wi' chi aatinak. 6Wank ani kich'olob'ank xyaalal sa' Santil Hu, sa' jun chi raqal:
“K'a' ta xaq ru li winq naq q'axal nakak'oxla,
k'a' ta xaq ru junaq poyanam
naq wank aach'ool chirix?
7Xakub'si kach'in xwankil li winq chiruheb' li ánjel;
xak'e xloq'al ut xwankilal re awab'ejink.
8Chixjunil xaq'axtesi rub'el roq rub'el ruq'”.#2,6-8 Sal 8,5-7.
Naq kixk'e chixjunil rub'el roq rub'el ruq', maak'a' k'aru kikanab'aak xb'aan li Yos chi ink'a' ta napaab'ank chiru li winq. Yaal ajwi' naq anaqwan toj maji' naqil naq chixjunil wank rub'el xwankil; 9ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.
10Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.
11Xb'aan naq laj santob'resinel ut eb' li santob'resinb'ileb' jun ajwi' li xYuwa'eb'. Jo'kan naq li Jesus ink'a' naxutaanak chi xyeeb'al was wiitz'in reheb', 12naq naxye:
“Tinpuktesi aawesil rik'ineb' li was wiitz'in;
sa' li loq'laj ch'utam tinnima aawu rik'in b'ich”.#2,12 Sal 22,23.
13Ut naxye ajwi':
“Rik'in A'an kawaq inch'ool”.
Naxye wi' chik:
“We'ko arin, laa'in ut eb' li walal xk'eheb' we li Yos”.#2,13 Is 8,17-18.
14Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik, 15jo' ajwi' re rach'ab'ankileb' jo'k'ihal li wankeb' chi b'ak'b'o junelik xb'aan xxiweb' chiru li kamk. 16Relik chi yaal naq li Jesus ink'a' kichalk chi xtenq'ankileb' li ánjel, kichalk b'an chi xtenq'ankileb' li ralal xk'ajol laj Abrahán.#2,16 Is 41,8-9.
17Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit. 18Ut anaqwan naru xtenq'ankileb' li yookeb' raalenkil, xb'aan naq a'an ajwi' kixkuy li ra naq ki'aaleek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.