Hch 1
1
Xtiklajik li Hu
1At Teófilo, sa' li xb'een hu#1,1 A'an li Evangelio tz'iib'anb'il xb'aan San Lukas. Ink'a' naqanaw ani laj Teófilo (cf. Lk 1,1). xintz'iib'a chixjunil li kixb'aanu ut kixk'ut li Jesus chalen chaq sa' xtiklajik 2toj sa' li kutan naq kik'ame'k sa' choxa, naq ak kixchaq'rab'iheb', rik'in Santil Musiq'ej, eb' li apóstol sik'b'ileb' ru xb'aan. 3Chirix naq ak xk'ul li rahilal, kixk'ut rib' chiruheb', rik'in k'iila eetalil, naq tz'aqal yo'yo: chiru ka'k'aal kutan kixk'ut rib' chiruheb' ut kiraatinaheb' chirix li xnimajwal awab'ejihom li Yos.#1,3 Li xnimajwal awab'ejihom li Yos a'an li kixch'olob' li Jesus chiruheb' li tenamit naq kiwank sa' ruuchich'och'. A'an ajwi' li ke'xch'olob' eb' li apóstol junsut junrub'el choxa (Hch 1,8.12; 6,7; 8,1; 11,19; 14,22; 15,30.36; 19,8; 20,25; 28,23.31).
4Ut sa' jun li kutan, naq yo chi wa'ak rochb'eeneb' sa' meex, kixchaq'rab'iheb' chi jo'ka'in:
—Mex'elk Jerusalén,#1,4 Sa' li Evangelio tz'iib'anb'il xb'aan San Lukas li tenamit Jerusalén a'an li xyi chixjunil (Lk 2,22; 2,38; 9,31.51.53; 13,22.23; 17,11; 18,31; 19,11; 24,47-49.52). Aran kiraqe'k li xk'anjel li Jesus (Lk 24,52). Anaqwan, sa' li Hechos, li tenamit Jerusalén a'an li xtiklajik li xk'anjeleb' li apóstol chi xpuktesinkil li Raatin li Yos junsut junrub'el choxa (Hch 1,8.12; 6,7; 8,1; 11,19; 15,30.36). cheroyb'eni b'an li xyeechi'om li Yuwa'b'ej li xerab'i wik'in. 5Laj Jwan kikub'sink ha' rik'in ha', ut laa'ex taakub'siiq eeha' rik'in Santil Musiq'ej, ink'a' chik k'iila kutan chirix a'in.
Li xtaqik li Jesus
(Lk 24,47-51)
6Toja' naq li ch'utch'uukeb'#1,6a Cf. Lk 24,49. ke'xpatz' re:
—At Qaawa', ma anaqwan xq'ehil naq taawaklesi wi' chik xwankil li tenamit Israel?#1,6b Eb' li apóstol toj yookeb' chi xk'oxlankil naq li xnimajwal awab'ejihom li Yos taachalq rik'in xxaqab'ankil wi' chik xwankil li riyajil laj David. chankeb'.
7Kichaq'ok a'an ut kixye:
—Moko eere ta laa'ex xnawb'al li xq'ehil ut li honal xaqab'anb'il xb'aan li Yuwa'b'ej rik'in li xwankil. 8Ab'anan teek'ul eewankil naq li Santil Musiq'ej#1,8 Jo' sa' li x'Evangelio, jo'kan ajwi' sa' li Hechos k'iila sut San Lukas na'aatinak chirix li xk'anjel li Santil Musiq'ej (cf. Hch 4,8.31; 6,10; 8,29.40; 10,19.44-47; 16,6-7; 19,6; 20,22-23). taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.
9Ut naq kiraqe'k chi xyeeb'al li aatin a'in, kitaqsiik naq eb' a'an yookeb' chi ilok; ut jun li choql kimuquk re chiruheb'. 10Toj yookeb' ajwi' chi ka'yank sa' choxa ut li Jesus yo chi xik, naq xaqaamileb' wiib' chi winq chiruheb', saqeb' li raq', 11ut ke'xye reheb':
—Ex aj Galilea, k'a'ut naq xaqxookex arin chi ilok sa' choxa? Li Jesus a'in li xolk'ame'q cheru ut xkoho taqe'q, a'an taak'ulunq wi' chik, jo' naq xeril chi xik sa' choxa.
Kisik'e'k reeqaj laj Judas
12Toja' naq ke'xkanab' li tzuul Olivos xk'ab'a' ut ke'sutq'iik Jerusalén. Li tzuul a'in nach' wank rik'in Jerusalén, jo' tana xnajtil nab'eenimank sa' sábado.#1,12 A'an 1 km. 13Ut naq ke'wulak sa' li tenamit, ke'taqe'k sa' xkab' k'ojar li kab'l b'arwi' neke'hilank.#1,13 Mare a'an li xkab' k'ojar li kab'l b'ar ke'ch'utlaak wi' eb' li apóstol chi xninq'ehinkil li Paswa (cf. Lk 27,12). Wankeb' laj Pedro, laj Jwan, laj Santiago ut laj Andrés, laj Felipe ut laj Tomás, laj Bartolomé ut laj Mateo, laj Santiago, ralal laj Alfeo, laj Simón Zelote ut laj Judas, ralal laj Santiago. 14Chixjunileb' a'in neke'xk'e xch'ool chi tijok sa' junajil ch'oolej rochb'eeneb' li ixq ut lix María, xna' li Jesus, rochb'eeneb' ajwi' li rech'alal.#1,14 Cf. Mt 12,46; Mk 3,21; Jn 7,3-5.
15Sa'eb' li kutan a'an kixaqliik laj Pedro sa' xyiheb' laj paab'anel (eb' li wankeb' chi ch'utch'u aran waqk'aaleb' tana) ut kixye reheb': 16“Ex was wiitz'in, tento xtz'aqlok ru li b'arwan ak yeeb'il chaq sa' li Santil Hu xb'aan li Santil Musiq'ej. A'in ki'aatinak chi xtz'uumal re laj David chirix laj Judas, a' li kik'amok xb'eheb' li ke'chapok re li Jesus. 17Xb'aan naq a'an qakomon ut qech aj k'anjelil naq kiwank. 18Kixloq' jun xna'aj chiru xtz'aq li xmaa'usilal ut koxsik' li xkamik: kit'ane'k chi xulxu, kichire'k sa' xyi ut ki'elk chixjunil sa' li xsa'. 19Ut a'in kinawmank xb'aaneb' chixjunileb' laj Jerusalén; jo'kan naq Hakeldamá neke'xye re li ch'och' a'an sa' raatinob'aaleb',#1,19 A'an li aatinob'aal arameo. chi jalb'il ru naraj naxye: «Xch'och'el kik'». 20Xb'aan naq sa' xHuheb' li Saalm tz'iib'anb'il a'in: «Nakirnak chikanaaq li rochoch ut maa'ani chik chiwanq chisa'».#1,20a Sal 69,26. Tz'iib'anb'il ajwi': «Jalanaq chik chik'uluq re li xk'anjel».#1,20b Sal 109,8.
21“Jo'kan utan, tento naq junaq sa' xyanqeb' li ke'ochb'eenink chaq qe naq li Qaawa' Jesus kolwanq qik'in, 22chalen chaq sa' li xkub'iha' laj Jwan toj sa' li kutan naq kik'ame'k taqe'q li Jesus sa' relik qik'in, chi'okaq cho'q qech aj yehol yaal chirix li xwaklijik chi yo'yo”.
23Toja' naq wiib'eb' li ke'xxaqab': a' laj José, li nayeemank re aj Barsabás, aj Justo xkab' xk'ab'a', ut laj Matías. 24Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru. 25Laj Judas xooxkanab' ut xkoho sa' li xna'aj. Ani reheb' a'in taa'ok cho'q reeqaj sa' li xk'anjel chi apostolil?”.
26Ke'xb'uuli rixeb' ut li maatan kinaqk sa' xb'een laj Matías; ut kik'eemank sa' ajl sa' xyanqeb' li junlaju chi apóstol.
Currently Selected:
Hch 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.