1 Kr 1
1
Eb' li ralal xk'ajol laj Adán
1Laj Adán, laj Set, laj Enós, 2laj Kenán, laj Mahalalel, laj Yéred, 3laj Enok, laj Matusalén, laj Lámek, 4laj Noé.
Eb' li ralal xk'ajol laj Noé
A'aneb' a'in li ralal xk'ajol laj Noé: laj Sem, laj Kam ut laj Jafet.
5Eb' li ralal xk'ajol laj Jafet a'aneb': laj Gómer, laj Magog, laj Maday, laj Jabán, laj Tubal, laj Mesek ut laj Tirás. 6Eb' li ralal xk'ajol laj Gómer a'aneb': laj Askenas, laj Rifat ut laj Togarmá. 7Eb' li ralal xk'ajol laj Jabán a'aneb': laj Elisá, laj Tarsis, laj Kitim ut laj Rodanim.
8Eb' li ralal xk'ajol laj Kam a'aneb': laj Kus, laj Misrahim, laj Put ut laj Kanahán. 9Eb' li ralal xk'ajol laj Kus a'aneb': laj Sebá, laj Abilá, laj Sabtá, laj Rahamá ut laj Sabteká. Eb' li ralal xk'ajol laj Ramá a'aneb': laj Sebá ut laj Dedán. 10Laj Kus a'an xyuwa' chaq laj Nimrod, a'an li xb'een winq q'axal nim xwankil sa' ruuchich'och'.
11Laj Misrahim a'an xyuwa'eb' chaq laj Lud, eb' laj Anam, eb' laj Leab, eb' laj Naftuj, 12eb' laj Patrús, eb' laj Kasluj ut eb' laj Kaftor, b'arwi' ke'elk chaq eb' laj Filistea.
13Laj Kanahán a'an chaq xyuwa' laj Sidón, li xb'een ralal, ut xyuwa' ajwi' laj Het. 14Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás, 15eb' laj Jib, eb' laj Arak, eb' laj Sin, 16eb' laj Arbad, eb' laj Semar ut eb' laj Jamat.
17Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram. Eb' li ralal xk'ajol laj Aram a'aneb' a'in: laj Us, laj Hul, laj Kéter ut laj Mesek. 18Laj Arpaxad a'an chaq xyuwa' laj Sélaj, ut laj Sélaj a'an chaq xyuwa' laj Eber. 19Laj Eber kiwank wiib' li ralal: li xk'ab'a' li xb'een a'an laj Pélej, xb'aan naq sa'eb' li kutan a'an eb' li poyanam ke'xjach rib'eb' sa' ruuchich'och'; ut li xk'ab'a' li riitz'in, a'an laj Joktán. 20Laj Joktán a'an chaq xyuwa' laj Almodad, laj Sélef, laj Jasar-Mábet, laj Jéraj, 21laj Hadorán, laj Usal, laj Diklá, 22laj Obal, laj Abimael, laj Sebá, 23laj Ofir, laj Abilá ut laj Jobab. Chixjunileb' a'in a'aneb' chaq ralal xk'ajol laj Joktán.
Eb' li ralal xk'ajol laj Sem
24Eb' li ralal xk'ajol laj Sem a'aneb': laj Arfaksad, laj Sélaj, 25laj Eber, laj Pélej, laj Rew, 26laj Seruj, laj Najor, laj Téraj 27ut laj Abrán, a'an laj Abrahán.
Eb' li ralal xk'ajol laj Ismael ut lix Keturá
28Eb' li ralal xk'ajol laj Abrahán a'aneb' a'in: laj Isahak ut laj Ismael. 29Eb' li ralal xk'ajol laj Ismael a'aneb' a'in: laj Nebayot, a'an li xb'een ralal laj Ismael; chirix chik a'an: laj Kedar, laj Adbehel, laj Mibsán, 30laj Mismá, laj Dumá, laj Masá, laj Hadad, laj Temá, 31laj Jetur, laj Nafís ut laj Kedmá. A'aneb' a'in li ralal xk'ajol laj Ismael.
32Eb' li ralal xk'ajol lix Keturá, li kiwank rik'in laj Abrahán, a'aneb' a'in: laj Simrán, laj Joksán, laj Medán, laj Madián, laj Isbak ut laj Súaj. Eb' li ralal xk'ajol laj Joksán a'aneb': laj Sebá ut laj Dedán. 33Eb' li ralal xk'ajol laj Madián a'aneb' a'in: laj Efá, laj Efer, laj Enok, laj Abidá ut laj Eldahá. Chixjunileb' a'in a'aneb' chaq ralal xk'ajol lix Keturá.
Eb' li ralal xk'ajol laj Esaú
34Laj Abrahán a'an chaq xyuwa' laj Isahak. A'aneb' a'in li ralal xk'ajol laj Isahak: laj Esaú ut laj Israel. 35Eb' li ralal xk'ajol laj Esaú a'aneb' a'in: laj Elifás, laj Rewel, laj Yehús, laj Yalán ut laj Koré. 36Eb' li ralal xk'ajol laj Elifás a'aneb' a'in: laj Temán, laj Omar, laj Sefó, laj Katán, laj Kenás ut laj Amalek, li kiwank rik'in lix Timná. 37Eb' li ralal xk'ajol laj Rewel a'aneb' a'in: laj Nájat, laj Séraj, laj Samá ut laj Misá.
38Eb' li ralal xk'ajol laj Seír a'aneb' a'in: laj Lotán, laj Sobal, laj Sibón, laj Aná, laj Disón, laj Eser ut laj Disán. 39Eb' li ralal xk'ajol laj Lotán a'aneb' a'in: laj Horí ut laj Hemam. Lix Timná a'an chaq ranab' laj Lotán. 40Eb' li ralal xk'ajol laj Sobal a'aneb' a'in: laj Albán, laj Manáhat, laj Ebal, laj Sefó ut laj Onam. Eb' li ralal xk'ajol laj Sibón a'aneb' a'in: laj Ayá ut laj Aná. 41Laj Aná a'an chaq xyuwa' laj Disón. Eb' li ralal xk'ajol laj Disón a'aneb' a'in: laj Hemdán, laj Esbán, laj Itrán ut laj Kerán. 42Eb' li ralal xk'ajol laj Eser a'aneb' a'in: laj Bilán, laj Sahabán ut laj Akán. Eb' li ralal xk'ajol laj Disán a'aneb' a'in: laj Us ut laj Arán.
43A'aneb' a'in li awab'ej ke'taqlank aran Edom naq toj maji' ke'wank awab'ej rik'ineb' laj Israel: laj Belá, ralal laj Pehor, Dinhabá li xtenamit. 44Naq kikamk laj Belá, a' chik laj Jobab, ralal laj Séraj, ki'awab'ejink sa' xna'aj, Bosrá li xtenamit. 45Naq kikamk laj Jobab, a' chik laj Jusán ki'awab'ejink sa' xna'aj, xkomoneb' laj Temán. 46Naq kikamk laj Jusán, a' chik laj Hadad, ralal laj Bedad, ki'awab'ejink sa' xna'aj, a' li ralal laj Bedad li kixq'ax ruheb' laj Madián sa' xtaq'ahil Mohab; Abit xk'ab'a' li xtenamit. 47Naq kikamk laj Hadad, a' chik laj Samlá aj Masreká ki'awab'ejink sa' xna'aj. 48Naq kikamk laj Samlá, a' chik laj Saúl ki'awab'ejink sa' xna'aj, Rehobot xtenamit, li wank chire li Nima'. 49Naq kikamk laj Saúl, a' chik laj Bahal-Janán, ralal laj Akbor, ki'awab'ejink sa' xna'aj. 50Ut naq kikamk laj Bahal-Janán, a' chik laj Hadad ki'awab'ejink sa' xna'aj. Li xtenamit a'an Paw, ut li rixaqil a'an xMehetabel, a' li xko' lix Matred, xrab'in laj Mesahab.
51Chirix xkamik laj Hadad, eb' li ke'jolomink re Edom a'aneb' a'in: laj Timná, laj Albá, laj Jetet, 52laj Oholibamá, laj Elá, laj Pinón, 53laj Kenás, laj Temán, laj Mibsar, 54laj Makdiel ut laj Irán. A'aneb' a'in ke'jolomink re Edom.
Currently Selected:
1 Kr 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.