1 Kr 3
3
Eb' li ralal xk'ajol laj David
1A'aneb' a'in li ralal xk'ajol laj David yo'lajenaqeb' chaq aran Hebrón: li xb'een ralal a'an laj Amnón, xyum lix Ajinohán aj Jisrehel; li xkab', a'an laj Daniel, xyum lix Abigahil, Karmeel xtenamit; 2li rox, a'an laj Absalón, xyum lix Mahaká, xrab'in laj Talmay, awab'ej re Jesur; li xka, a'an laj Adonías, xyum lix Jakit; 3li ro', a'an laj Sefatías, xyum lix Abital; ut li xwaq a'an laj Itrehán, xyum lix Eklá, jun chik rixaqil laj David. 4Eb' li waqib' a'in ke'yo'laak aran Hebrón, b'arwi' laj David ki'awab'ejink chiru wuqub' chihab' rik'in waqib' po. Chirix chik a'an ki'awab'ejink Jerusalén chiru oxlaju xka'k'aal chihab',#3,4 2 S 5,4-5; 1 R 2,11; 1 Kr 29,27. 5ut aran ke'yo'laak kaahib' chik li ralal: laj Simá, laj Sobab, laj Natán ut laj Salomón, chixjunileb' a'an xyumeb' lix Betsabé,#3,5 2 S 11,3. xrab'in laj Amiel. 6Kiwank b'eleeb' chik li ralal: laj Ibjar, laj Elisamá, laj Elifélet, 7laj Nogaj, laj Néfej, laj Jafía, 8laj Elisamá, laj Eliadá ut laj Elifélet. 9Chixjunileb' a'in ralaleb' laj David, ink'a' k'eeb'ileb' sa' ajl li ralal kiwank rik'ineb' jalan chik li ixq. Lix Tamar a'an ranab' chixjunileb' a'an.
Eb' li ralal xk'ajol laj Salomón
10Eb' li ralal xk'ajol laj Salomón a'aneb' a'in: laj Robohán, laj Abías, laj Asá, laj Josafat, 11laj Jorán, laj Okosías, laj Johás, 12laj Amasías, laj Asarías, laj Jotán, 13laj Ajás, laj Esekías, laj Manasés, 14laj Amón ut laj Josías.
15Eb' li ralal xk'ajol laj Josías a'aneb' a'in: laj Johanán, a' li asb'ej; li xkab', a' laj Johakín; li rox, a' laj Sedesías, ut li xka, a' laj Salún.
16Eb' li ralal laj Johakín a'aneb' a'in: laj Jekonías ut laj Sedesías.
17Eb' li ralal xk'ajol laj Jekonías, a' li isinb'il sa' li xch'och', a'aneb' a'in: laj Salatiel li asb'ej, 18laj Malkirán, laj Pedaías, laj Senasar, laj Jekamías, laj Hosamá ut laj Nedabías.
19Eb' li ralal xk'ajol laj Pedaías a'aneb' a'in: laj Sorobabel ut laj Simí. Eb' li ralal xk'ajol laj Sorobabel a'aneb' a'in: laj Mesulán, laj Jananías ut lix Selomit, ranab' eb' li wiib' a'in. 20Laj Sorobabel kiwank oob' chik li ralal: laj Jasubá, laj Ohel, laj Berekías, laj Jasadías ut laj Yusab-Hésed.
21Eb' li ralal xk'ajol laj Jananías a'aneb' a'in: laj Pelatías ut laj Isaías. Laj Isaías a'an chaq xyuwa' laj Refaías. Laj Refaías a'an chaq xyuwa' laj Arnán. Laj Arnán a'an chaq xyuwa' laj Abdías. Ut laj Abdías a'an chaq xyuwa' laj Sekanías.
22Eb' li ralal xk'ajol laj Sekanías a'aneb' a'in: laj Semaías, laj Jatús, laj Ikal, laj Baríaj, laj Neharías ut laj Safat. Waqib'eb' chixjunileb'.
23Oxib'eb' li ralal laj Neharías: laj Eljohenay, laj Esekías ut laj Asrikán.
24Wuqub'eb' li ralal laj Eljohenay: laj Hodabías, laj Eliasib, laj Pelaías, laj Akub, laj Johanán, laj Delaías ut laj Ananí.
Currently Selected:
1 Kr 3: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.