1 Corintios 3
3
Re Pablo y re Apolos quichibil-qui' pa rusamaj re Dios
1Hermanos, tak xinc'ue' iviq'uin xintz'at re ic'aslen, che yex man can-ta yix-ec'uan roma re Espíritu Santo.#1 Co 2.15. Xa ja re nirayij yex re niban y man can-ta yixq'uiynak jabal chupan re ruch'abal re Jesucristo, xa c'a yix ancha'l ac'ola'.#Ef 4.14; He 5.13. Y mare' c'a c'o nic'aj chic enseñanzas re man xinc'ut-ta chivach.#1 Co 2.14. 2Xaxe re enseñanzas re man can-ta je c'ayef re xinc'ut chivach, roma can c'amaje-na kas tak'ax pan ive' re nic'aj chic enseñanzas. Yix ancha'l ac'ola' re c'a ye'tz'uman#He 5.13. y c'amaje-na kas ye'tiquir niquitaj vay. Can c'a quire' ibanon yex. 3Yex xa can c'a yix-ec'uan roma re irayibal. Can man otz-ta nitz'at jun chic vinak re otz c'o. Xa can c'a nic'uxc'ut ipan. C'o ayoval chi'icojol.#1 Co 1.11. Ijachalon-ivi' riq'uin re ina'oj. Y riq'uin re' nik'alajin che c'a yix-ec'uan roma re irayibal riq'uin re ye'banala'. Re ic'aslen xa can junan riq'uin re quic'aslen re vinak re manak re Espíritu Santo quiq'uin. 4Yex xa can ijachalon-ivi' riq'uin re ina'oj. Roma jec'o ye'bin che yoj ja re Pablo nakajo', y jec'o ye'bin ja re hermano Apolos#Hch 18.24; 1 Co 1.12. niquijo'. Y riq'uin re' nik'alajin che c'a yix-ec'uan roma re irayibal.
5¿Anchique como re hermano Apolos, y yin anchique como yen Pablo? Yoj man yoj Dios-ta, yoj xa yoj rusamajela' re Dios. Reja' cada jun ruyi'on jun kasamaj yoj re kaniman chic. Re Ajaf xucha' re Apolos y xinrucha'#Ro 12.3. chuka' yen Pablo, chin xkatzijoj re ruch'abal chiva yex y mare' tak xinimaj. 6Yen xintic#Hch 18.4. re ruch'abal re Dios pa tak ivánma. Re hermano Apolos#Hch 19.1. xusamajij re ch'abal re'. Pero ja re Dios#Is 55.10. re xbano che xq'uiy pa tak ic'aslen. 7Mare' ja re Dios re camas rajkalen, roma ja reja' re xbano che xq'uiy re ruch'abal pa tak ivánma. Yen xaxe xintic re ruch'abal pa tak ivánma y man jun chic cosa ximban. Y quire' chuka' re hermano re xsamajin re ch'abal re', xa can xe chuka' re' xuban. 8Yen re xintico re ruch'abal re Dios pa tak ivánma, y re hermano re xsamajin re ch'abal re', can yoj junan che yoj ca'e', pero cada jun chaka yoj can xtuc'ul re rajal-ruq'uixel#Sal 62.12; Ro 2.6; Ap 2.23. según re rusamaj xuban. 9Nimbij quire' chiva roma ja re Dios xcha'o kachin chin xojoc pa rusamaj reja', xuban chiva yex che xixoc ancha'l rulef reja', y ja reja' re nisamajin ivichin.
Y chuka' xuban chiva che xixoc ancha'l jun jay#Ef 2.20; Col 2.7; He 3.3, 4. re nuban reja'. 10Re Dios xuban utzil chua che xinruya' chupan re rusamaj. Mare' xinoc ancha'l jun ache re camas rutaman nipoban jay. Y tak xintzijoj#Ro 15.20; 1 P 4.11. re ruch'abal re Dios chiva, jare' xoc re ru-cimiento re jay. Pero mana-ta c'a yen re yimbano-a re nic'aj chic partes cha re jay. Xa jec'o nic'aj chic re ye'bano re jay. Y conojel re xque'bano seguir rubanic re jay, can tiquitz'eta' che can jabal rubanic tiquibana' cha. 11Roma re jay c'o chic ru-cimiento, y re cimiento re' ja re Jesucristo.#Is 28.16; Mt 16.18; Ef 2.20. Y can man jun chic xtitiquir xtiyi'o#2 Co 11.4; Ga 1.7. jun chic cimiento. 12Pero jec'o xque'tiquir xtiquiya' k'anapuak pa rue' re cimiento re c'o chic, chin niquiban seguir re jay, jec'o xtiquicusaj sakapuak, y jec'o re xque'quicusaj jabojoj tak aboj. Y chuka' jec'o xque'cusan che', tz'alam, q'uiem o patz'an chin xtiquiban-va re jay. 13Y xtapon re k'ij tak cada jun chaka yoj xtik'alajin#Lc 2.35. andex che samaj xkaban, vo xa otz o man otz-ta, roma xtitojtobex pa k'ak'.#1 P 1.7. 14Y vo xa re jay re xkapoba' pa rue' re cimiento xtucoch' re k'ak' y man xtic'at-ta, yoj xtakac'ul rajal-ruq'uixel roma re samaj xkaban. 15Pero vo xa xtic'at#Jud 23. re jay re xkapoba', man jun rajal-ruq'uixel xtakac'ul. Pero yoj can xkojcolotaj, pero re samaj xkaban xa xtic'at.
16Yex itaman che yix rachoch chic re Dios#2 Co 6.16. y che re Espíritu Santo chin re Dios c'o pa tak ivánma. 17Vo xa c'o jun vinak nibano cha jun re can runiman re Dios che nitzak pa mac, re Dios can xtuban cha re nibano quire' che no'rtija' tijoj-pokonal roma can xuvulaj re rachoch re Dios, y re rachoch re Dios can ch'ajch'oj-va roma can richin-va reja', y re' ja yex.
18Man tik'ol-ivi' iyon yex mismo. Vo xa c'o jun chi'icojol re nuna' che camas q'uiy na'oj chin re ruch'ulef rutaman, man tuban che camas ruk'ij. Tubana' che camanak rutaman#Pr 3.7; Is 5.21. chin che reja' nuvel re katzij na'oj re pitinak riq'uin re Dios. 19Re na'oj chin re ruch'ulef xa camanak ndoc-va chach re Dios, ancha'l nubij chupan re ruch'abal re tz'iban can: Re vinak re can niquiban confiar-qui' riq'uin re na'oj re je'quitamalon, q'uiy bey jare' re ndoc chique chin che niquiban re etzelal, y rutzij re'#Job 5.13. tak ye'ka pa ruk'a' re Dios. 20Y chuka' nubij: Re Ajaf rutaman#Sal 94.11. re andex niquinojij re vinak re camas quitaman chij re na'oj chin re ruch'ulef, y chuka' rutaman che camanak ndoc-va re na'oj re'. Quire' nubij chupan re ruch'abal re Dios re tz'iban can. 21Mare' yex man tiban che xaxe jun vinak re camas ruk'ij chivach. Man timistaj che ronojel re je'ruyi'om-pa re Dios, xa can je ivichin-va#2 Co 4.5. yex. 22Ivichin yex re Pablo, re Apolos, re Pedro,#1 Co 1.12. re ruch'ulef, re c'aslen, re camic, re nitz'at vocame y re xtitz'at chupan re tiempo pitinak.#Ro 8.38. Can ronojel-va ivichin yex. 23Y yex yix richin re Jesucristo,#Ro 14.8; Ga 3.29. y re Jesucristo richin re Dios.
Currently Selected:
1 Corintios 3: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.