1 Corintios 2
2
Re Pablo can xe-va re Jesucristo y re rucamic cho cruz re xutzijoj pa tenemit Corinto
1Hermanos, tak yen xinapon iviq'uin chin xintzijoj#1 Co 1.17. re ruch'abal re Dios chiva, man xincusaj-ta re na'oj chin re ruch'ulef y chuka' man xincusaj-ta ch'abal#2 Co 11.6. re camas otz rubixic. 2Roma yen can nbin-va pa vánma che tak xquinapon iviq'uin, can xe re Jesucristo#Ga 6.14; Fil 3.8. y re rucamic cho cruz re xtintzijoj chiva. 3Y tak xinc'ue' iviq'uin,#Hch 18.1. xina' che nayon yen man jun cosa yintiquir nimban. Xa camas xinxibij-vi' roma q'uiba' man yintiquir-ta nimban re rusamaj re Dios chi'icojol. Y mare' hasta ximbarbot. 4Y tak xintzijoj#2 P 1.16. re ruch'abal re Dios chiva, can man xincusaj-ta runa'oj jun vinak, y chuka' man xincusaj-ta tzij re camas otz rubixic, xa can ja re Espíritu Santo y re ru-poder re Dios re xsamaj pa vánma. 5Chin quire' tak yex xinimaj re ruch'abal re Dios, can xk'alajin-va che ja re ru-poder#2 Co 4.7. re Dios re xbano quire' chiva y mana-ta re na'oj c'o riq'uin jun vinak.
Re na'oj re nuc'ut re Pablo chiquivach re hermanos
6Yoj can c'o-va na'oj nakac'ut chiquivach re hermanos re can je'q'uiynak chic chupan re ruch'abal re Dios. Y re na'oj re' man chin-ta re ruch'ulef, y man quichin-ta chuka' re vinak camas quik'ij chach re ruch'ulef, roma re na'oj quichin re vinak re camas quik'ij chach re ruch'ulef xtapon re k'ij tak xtiq'uis. 7Re na'oj re nakac'ut yoj chiquivach re hermanos ja re na'oj chin re Dios. Na'oj re man jun bey can-ta jabal sekresan can. Can evan-va, pero can xsekresas chupan re ka-tiempo yoj.#Ro 16.25. Xsekresas re runojin re Dios che nuban. Tak c'amaje-na tic'ue' re ruch'ulef, re Dios xunojij-yan#2 Ti 1.9. che yoje'c'ue' chila' chicaj riq'uin reja' re c'o ruk'ij, y jabal xtakabana' riq'uin. 8Y re na'oj re' cama-va nak'ax-ta pa quive' re vinak camas quik'ij chach re ruch'ulef. Roma xe-ta xk'ax pa quive', cha'nin-ta xquitamaj che re Ajaf Jesucristo camas ruk'ij, man-ta xquitak ruquimisasic#Hch 13.27. cho cruz. 9Can ancha'l nubij chupan re ruch'abal re Dios:
Man jun tz'eteyon#Is 64.4. re rubanon preparar re Dios chin che nuya' chique re ye'jovan richin.
Y chuka' man jun ac'axayon-ta y runojin-ta ba', che re Dios camas q'uiy cosas rubanon preparar chaka.
Quire' nubij chupan re ruch'abal re Dios re tz'iban can.
10Jac'a yoj riq'uin re Espíritu Santo#Mt 16.17; Lc 2.26; Ef 3.3, 5; 1 P 1.12; 1 Jn 2.27. re rutakom-pa re Dios xkatamaj-va. Y re Espíritu Santo can rutaman-va ronojel, hasta re namalaj tak cosas re jec'o pa ránma re nunojij re Dios rutaman.
11Man jun vinak atamayon re andex nunojij jun chic vinak.#Jer 17.9. Roma xaxe re ru-espíritu reja' mismo atamayon re andex nunojij. Y chuka' man jun atamayon re nunojij re Dios,#Ro 11.33. xa can xe re ru-Espíritu re Dios atamayon andex nunojij re Dios. 12Y yoj ja re Espíritu re'#Ro 8.13. re kac'ulun, re pitinak riq'uin re Dios, y mana-ta re espíritu chin re ruch'ulef. Ja re Dios ya'yon re Espíritu re' chaka, chin che nakatamaj ronojel re andex nuya-pa re Dios chaka. 13Y tak yoj nakabij#2 P 1.16. ronojel re' chique re hermanos re je'c'uan roma re Espíritu Santo, man ye'kacusaj-ta tzij re je'pitinak riq'uin runa'oj jun vinak Xa can ye'kacusaj ch'abal re je'pitinak riq'uin re Espíritu Santo, chin che ye'kabij re ye'ruc'ut reja' chakavach.
14Re vinak manak re Espíritu Santo#Jud 19. chin re Dios quiq'uin, man niquic'ul-ta re enseñanzas re je'pitinak riq'uin re Espíritu Santo. Chiquivach reje' man jun nic'atzin-va#Ro 8.5. roma man nak'ax-ta pa quive'.#Mt 16.23. Roma xaxe re vinak re c'o re Espíritu Santo quiq'uin, xaxe pa quive' reje' nak'ax-va y quitaman che c'o rajkalen re enseñanzas re'. 15Yoj re yoj-ec'uan#Pr 28.5. roma re Espíritu Santo yojtiquir nakabij re andex c'o quijkalen y re andex manak quijkalen. Y man jun xtibin chaka che man otz-ta re nakaban. 16Ancha'l nubij chupan re ruch'abal re Dios re tz'iban can: Man jun vinak atamayon re andex nunojij re Ajaf Dios.#Job 15.8. Y chuka' man jun vinak re nitiquir nibin cha re Dios re andex otz che nuban Quire' nubij re tz'iban can. Jac'a yoj re yoj-ec'uan roma re Espíritu Santo, c'o chic re runa'oj#Sal 25.14. re Jesucristo kaq'uin.
Currently Selected:
1 Corintios 2: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.