Zac 13
13
Nofwila wichi lakokhayaj
1“Ifwalatso ihichela inät lhayis tä häpkhilek ilejen David lepes lheley lech'isukyaj, lhäy'e Jerusalén lheley, wet nofwila lakokhayaj. 2Nilhokhiyeja honhat che otäyhthen n'ocheyälis häpkhilek nemla õyen lhämeta. Wet te osohiyeja profetas tä kamatachehen lhäy'e ahät lhayis tä iyejwethä. Olham tä ohäpe Dios tä laj letumfwaya tä owoyetso. 3Wet che iche elh tä kamaj fwetaj iwo profeta lhämeta, wet lhokwey yohlak, Let'inla, tsi letech'aynej Lhawuk lhämet m'ak tä kamatache tä lhäme. Wet lhokwey ilänla'pe tä iten profeta, itshänhihola.
4“Ifwalatso profetas n'äfwelhla'pe che fwetaj yäme m'akpej tä lew'enek. Ihichet'ala elh che fwetaj taw'uyhi profeta lew'uy tä n'oyik tä itshäwet w'ole che fwetaj ikanej wichi. 5Mat elhpej yohlak, Ohäpkhit'a profeta, ochumaj t'at. Tälhe tä n'am hin'o tä otchumlhi'pe alho. 6Wet che elh tay'ätsheneje wet yok, ¿Chi tälhi alätshay tä i'pe äj?, yohlak, Okalay'is t'at tä iwo olätshaya.”
“Lhawuk häpe olhamel oka Dios”
7Lhawuk tä laj letumfwaya yok:
“Ifwajnhat, län oläy tson'ataswo tä in'oyej
häpkhilek leläy ifwtsat.#Mat 26.31
Wet olham ottayhlahlä leles.
8-9Y'inhihena täkwfwas lhipey tä tälho
tä elh laj t'unfwaya wichi tä ihi honhatna,
wet imälhehihila lhip tefwaji.
Wet iyhäj tä imälhehi oyelhthiyela,
tehlat iwoye chinaj lhäy'e oro tä õ'thatho itäj
häpkhilek nofw lech'ohle tä iyej.
Wet lhamel t'änla n'och'oye, wet otch'ahuhiyela.
Oyohlak, Oka wichi, wet lhamel yohlak,
Lhawuk häpe olhamel oka Dios.
Olham tä Lewukn'o olhämet täjtso.”
Currently Selected:
Zac 13: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.